ខេត្តកំពង់ធំ ៖ សេចក្តីរាយការបឋមឲ្យដឹងថា កាលពីវេលម៉ោង២រំលងអធ្រាត្រថ្ងៃទី១៨ សីហា ករណីចោរលួចក្របីចំនួន៣ក្បាល នៅភូមិគោគងួន ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ។
សេចក្តីរាយការណ៍បានបន្តថា ម្ចាស់ក្របីឈ្មោះ ហ៊ន សុផល ភេទប្រុស អាយុ៤២ឆ្នាំ ប្រពន្ធឈ្មោះ ឆេង សុខន អាយុ៤២ឆ្នាំ នៅភូមិគោគងួន ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ។ បានបាត់ក្របីចំនួន៣ក្បាល មេធំ១ក្បាល មេក្រមុំ១ និងឈ្មោលស្ទាវ១ក្បាល ។
ក្រោយពីទទួលបានព័ត៌នោះសមត្ថកិច្ចនគរបាលស្រុកបានមានចំណាត់ការជាបន្ទាន់ និងចុះធ្វើការស្រាវជ្រាវតាមដានក្របីដែលចោរដឹកចេញពីផ្ទះទៅ ។ រហូតឃើញដានជើងក្របីត្រូវគេដឹកចូលនៅផ្ទះឈ្មោះ នុត សុធា ភេទប្រុស អាយុ៤៣ឆ្នាំ និងប្រពន្ធឈ្មោះ មឿន ផល្លី អាយុ៣៨ឆ្នាំ នៅភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ ។ ទីនោះ គឺជាកន្លែងធ្វើ អាជីវកម្ម (សត្តឃាតគោក្របី) ដូច្នោះសមត្ថកិច្ចបានសុំការអនុញ្ញាតពីព្រះរាជអាជ្ញាអមសាលាដំបូងខេត្ត ដើម្បីចូលធ្វើការឆែកឆេរ និងរកឃើញវត្ថុតាងស្បែកក្របីចំនួន៣ សាច់ក្របី គ្រឿងក្នុងធុងខ្លាស់សេ និងខ្សែ(ចងក្របី) គឺពិតជាវត្ថុតាងដែលម្ចាស់ក្របីស្គាល់ថា ជាពាហនៈរបស់ខ្លួនពិតប្រាកដ ។
ឃើញដូច្នោះម្ចាស់ផ្ទះបានរត់គេចខ្លួនទាំងប្តី និងប្រពន្ធបាត់ស្រមោល តែទោះជាយ៉ាងសមត្ថកិច្ចជំនាញបាន និងកំពុងអនុវត្តន៍និតិវិធីសុំដីកាតាមចាប់រកចាប់ខ្លួនប្តីប្រពន្ធទាំង២នាក់នោះ ឲ្យមកទទួលទោសតាមផ្លូវច្បាប់ ៕
ចែករំលែកព័តមាននេះ