រាជធានីភ្នំពេញ ៖ ការតាំងចិត្តវិលមកសងសឹកកីឡាករឡេះ តើក មកពីក្លិបពុទ្ធសេរីវង្សកីឡា របស់កីឡាករចៅ ផលឌឿ មកពីក្លិបសំរោងកោងខេត្តបាត់ដំបង កាលពីរាត្រីថ្ងៃអាទិត្យ ទី២១ មេសា នៅលើសង្វៀនបាយ័នកោះពេជ្រនោះ គឺទទួលបានជោគជ័យសមតាមបំណងមែន ។ មិនតែប៉ុណ្ណោះ គេថែមទាំងវាយ ឡេះ តើក ឱ្យលើកទង់ជ័យសសុំចុះចាញ់នៅក្នុងទឹកទី៤ ទៀតផង ធ្វើឱ្យអ្នកនិយម
រាជធានីភ្នំពេញ ៖ ការតាំងចិត្តវិលមកសងសឹកកីឡាករឡេះ តើក មកពីក្លិបពុទ្ធសេរីវង្សកីឡា របស់កីឡាករចៅ ផលឌឿ មកពីក្លិបសំរោងកោងខេត្តបាត់ដំបង កាលពីរាត្រីថ្ងៃអាទិត្យ ទី២១ មេសា នៅលើសង្វៀនបាយ័នកោះពេជ្រនោះ គឺទទួលបានជោគជ័យសមតាមបំណងមែន ។ មិនតែប៉ុណ្ណោះ គេថែមទាំងវាយ ឡេះ តើក ឱ្យលើកទង់ជ័យសសុំចុះចាញ់នៅក្នុងទឹកទី៤ ទៀតផង ធ្វើឱ្យអ្នកនិយមទស្សនាកីឡាប្រដាល់កោតសរសើរគេយ៉ាងខ្លាំងចំពោះការសម្រេចគោលដៅសងសឹកនេះ ។
ក្តីសង្ឃឹមដែលកីឡាករឡេះ តើក ចង់រក្សាតួលេខឈ្នះការប្រកួតមួយលើកទៀតជាមួយ ចៅ ផលឌឿ ជាដៃគូចាស់នោះត្រូវបំផ្លាញទាំងស្រុង ដោយសារតែកីឡាករចៅ ផលឌឿ ដែលធ្លាប់ចាញ់នោះមានការរីកសាយវិជ្ជាគុនខ្លាំងមិនធម្មតារហូតធ្វើឱ្យ ឡេះ តើក ទប់ទល់លែងជាប់។ មុនការប្រកួតជាក់ស្តែងមកដល់ គ្មាននរណារំពឹងថា ចៅ ផលឌឿ ដែលធ្លាប់ចាញ់អាចសម្រេចការសងសឹករបស់ខ្លួនបានឡើយ ខណៈពួកគេស្គាល់តិចនិកប្រកួតរបស់កីឡាករទាំង២ច្បាស់ដូចថ្ងៃទៅហើយនោះ ។
ផ្ទុយពីការព្យាករទាំងស្រុងព្រោះគ្រាន់តែការប្រកួតចាប់ផ្តើមភ្លាម ចៅ ផលឌឿ បានបញ្ចេញស្នៀតគុនវាយសម្រុករបៀបស៊ីសាច់ហុតឈាមតែម្តង មើលទៅគួរឱ្យព្រឺខ្លួនបំផុត ។ ទោះបីយ៉ាងណា ឡេះ តើក នៅតែទប់ទល់ជាប់ និងបានវាយបកវិញយ៉ាងចាស់ដៃធ្វើឱ្យគេគិតថា ចៅ ផលឌឿ គ្មានឱកាសសងសឹកបានសម្រេចឡើយ ។ នៅទឹកទី២ និងទី៣ ស្ថានការណ៍ប្រកួតហាក់ប្រែប្រួលដោយគេសង្កេតឃើញ ឡេះ តើក ដែលប្រឹងវាយក្នុងបំណងផ្តួល ចៅ ផលឌឿ នោះហាក់ចាយកម្លាំងច្រើនជ្រុលរហូតមាត់ដកដង្ហើមស្ទើរមិនចង់ទាន់ ហើយត្រូវ ចៅ ផលឌឿ វាយត្រូវកន្លែងសំខាន់ៗរកកលចង់ដួលសន្លប់ម្តងៗទៅហើយ ។ នៅទឹកទី៤ ខណៈ ឡេះ តើក បាត់បង់កម្លាំងស៊ុហ្វស្ទើរទាំងស្រុងទៅហើយនោះ ចៅ ផលឌឿ បានបង្កើនការវាយសម្រុកខ្លាំងជាងមុន និងបានទាត់ត្រូវជើងឆ្វេង ឡេះ តើក ពេញទំហឹងបណ្តាលឱ្យដួលក្រោកលែងរួច ទោះអាជ្ញាកណ្តាលរាប់ដល់១០ក៏ដោយ។
ចំពោះលទ្ធផលគូផ្សេងទៀត កីឡាករវី រីងួន មកពីក្លិបខ្លារខិនមានឫទ្ធិ ត្រូវសន្លប់ក្រោមដៃកីឡាករសយ ពិសិដ្ឋ មកពីក្លិបពន្លឺវិបុលកីឡាក្នុងទឹកទី៣ ។ កីឡាករសែន រ៉ាដេត មកពីក្លិបអេភូថងកីឡា ចាញ់ពិន្ទុកីឡាករហ៊ឹម សេរី មកពីក្លិបតាព្រហ្មមានជ័យបង្ក្រាបគ្រឿងញៀន។ កីឡាករខឹក សុខឿន មកពីក្លិបកងពលតូចឆត្រយោង៩១១ សន្លប់ក្នុងទឹកទី៣ ក្រោមដៃកីឡាករម៉ន លីហ៊័រ មកពីក្លិបព្រែកឯងកីឡា និងគូចុងក្រោយកីឡាករផាន់ សុវណ្ណ មកពីក្លិបមិត្តប៉ូលិស ស្មើពិន្ទុជាមួយកីឡាករថៃ ប៊ុនហាន មកពីក្លិបបុរីនាគរាជ ៕
ចែករំលែកព័តមាននេះ