ត្រឡប់មកផ្ទះវិញស្រាប់តែមិនទាន់ដល់ផងក៏… គ្នាកា.ប់យក(មានវីដេអូ)
- ប៉ៃលិន
ខេត្តប៉ៃលិន ៖ សេចក្តីរាយការណ៍ឱ្យបានដឹងថា យុវជនពីរនាក់រងរបួសធ្ងន់ស្រាលត្រូវគេបញ្ជូនទៅសង្គ្រោះនៅមន្ទីរពេទ្យបង្អែកខេត្ត បន្ទាប់ពីយុវជនទាំងពីរនាក់នាំគ្នាជិះម៉ូតូ១គ្រឿងទៅលេងកាស៊ីណូព្រំដែនកម្ពុជាថៃ លុះមិនទាន់បានចូលលេងផងក៏នាំគ្នាវិលត្រឡប់ទៅក្រុងប៉ៃលិនវិញ ។ សេចក្តីរាយការណ៍បន្តថា លុះកំពុងតែជិះម៉ូតូដល់ពាក់កណ្ដាលផ្លូវស្រាប់តែមានជនមិនស្គាល់អត្តសញ្ញាណជិះម៉ូតូពីរគ្រឿងតាមពីក្រោយ ហើយវ៉ានៅពីមុខ…
សេចក្តីរាយការណ៍បន្តថា លុះកំពុងតែជិះម៉ូតូដល់ពាក់កណ្ដាលផ្លូវស្រាប់តែមានជនមិនស្គាល់អត្តសញ្ញាណជិះម៉ូតូពីរគ្រឿងតាមពីក្រោយ ហើយវ៉ានៅពីមុខ រួចយកកាំបិតសាំម៉ូវ៉ៃ និងដំបងវាយ និងកាប់ទៅលើជនរងគ្រោះចំក្បាល និងកញ្ជឹង.កហើយរបួសដៃខាងឆ្វេងត្រូវបានបងប្អូនដឹកចូលពេទ្យបង្អែកខេត្ត ។ហេតុការណ៍ដេញកាប់ប្រហារគ្នានេះបានកើតឡើងកាលពីវេលាម៉ោង១០និង៣០នាទីយប់ ថ្ងៃទី១៧ ខែសីហា ឆ្នាំ២០១៨ ស្ថិតនៅមុខតារាងបាល់ទាត់មួយកន្លែង ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ជនរងគ្រោះឈ្មោះ ប៉ុន សាល ភេទប្រុស អាយុ១៦ឆ្នាំ រងរបួសក្បាលធ្ងន់ មុខរបរធ្វើចម្ការ ជាអ្នកបើកបរម៉ូតូ រស់នៅភូមិសួនអំពៅកើត សង្កាត់ប៉ៃលិន ក្រុងប៉ៃលិន ។ ចំណែកអ្នករួមដំណើរឈ្មោះ សុខ លិម ភេទប្រុស អាយុ២០ឆ្នាំ ជាកម្មករ រស់នៅជាមួយជនរងគ្រោះខាងលើ រងរបួសស្រាល ។ ប្រភពបន្តទៀតថា មុនពេលកើតហេតុជនរងគ្រោះទាំងពីរនាក់បានជិះម៉ូតូ១គ្រឿងក្នុងទិសដៅពីកើតទៅលិច លុះក្រោយពីចូលទៅក្នុងកាស៊ីណូបានបន្តិចមិនទាន់ទាំងបានលេងផងក៏ប្រញាប់ត្រឡប់មកផ្ទះវិញ ស្រាប់តែដល់កន្លែងលេងបាល់១កន្លែងត្រូវជនមិនស្គាល់អត្តសញ្ញាណ១ក្រុមជិះម៉ូតូដេញតាមពីក្រោយ រួចក៏វាយ និងដកដាវដំបងកាប់ប្រហារ និងវាយទៅលើពួកគេ បណ្តាលឱ្យរងរបួសធ្ងន់ស្រាលតែម្តង។
ក្រោយពេលកើតហេតុជនសង្ស័យទាំងនោះបាននាំគ្នារត់គេចខ្លួនបាត់ស្រមោល រួចមកពួកគេដែលរងរបួសបានទូរស័ព្ទហៅបងប្អូនឱ្យដឹកបញ្ជូនទៅសង្គ្រោះនៅមន្ទីរពេទ្យបង្អែកខេត្ត ។ ពាក់ព័ន្ធនឹងបញ្ហានេះក្រោយពេលកើតហេតុនៅថ្ងៃបន្ទាប់ ជនរងគ្រោះបានដាក់ពាក្យបណ្តឹងទៅនគរបាលឱ្យស្រាវជ្រាវរកជនសង្ស័យខាងលើ ដើម្បីចាប់យកមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ