អំពើ​ល្អ​ទាំង​១០​ជា​ផ្លូវ​ទៅ​រក​សេចក្តីសុខ


កុសល​កម្មបថ​គឺ​គន្លង​ឬ​ផ្លូវ​នៃ​អំពើ​ល្អ​ហៅ​ថា កុសល​កម្មបថ​។ កុសល​កម្មបថ​នេះ​មាន​១០​យ៉ាង គឺ កាយ​កម្ម អំពើ​ដែល​សម្រេច​ដោយ​កាយ​មាន​៣, វចីកម្ម អំពើ​ដែល​សម្រេច​ដោយ​វាចា​មាន​៤ មនោ​កម្ម អំពើ​ដែល​សម្រេច​ដោយ​ចិត្ដ​មាន​៣ រួម​ត្រូវជា​១០​យ៉ាង ។

កាយ​កម្ម​៣​គឺៈ

១-​បា​ណា​តិ​បា​តា វេរមណី ចេតនា​ជា​ហេតុ​វៀរចាក​កិរិយា​ធ្វើ​សត្វ​មានជីវិត​ឲ្យ​ធ្លាក់​ចុះ​កន្លង​គឺ​សម្លាប់សត្វ ។

២-​អទិន្នា​ទានា វេរមណី ចេតនា​ជា​ហេតុ​វៀរចាក​កិរិយា​កាន់​យក​វត្ថុ​ដែល​គេ​មិន​បាន​ឲ្យ​ដោយ​កាយ ឬ​វាចា ។

៣-​កា​មេ​សុ មិច្ឆាចា​រា វេរមណី ចេតនា​ជា​ហេតុ​វៀរចាក​កិរិយា​ប្រព្រឹត្ត​ខុស​ក្នុង​កាម​ទាំងឡាយ ។

វចីកម្ម​មាន​៤​គឺៈ

១-​មុសា​វា​ទា វេរមណី ចេតនា​ជា​ហេតុ​វៀរចាក​កិរិយា​ពោល​នូវ​ពាក្យ​កុហក​។

២-​បិ​សុ​ណាយ វា​ចាយ វេរមណី ចេតនា​ជា​ហេតុ​វៀរចាក​កិរិយា​ពោល​​ពាក្យ​ញុះញង់​បំបែកបំបាក់​អ្នក​ដទៃ ។

៣-​ផ​រុ​សាយ វា​ចាយ វេរមណី ចេតនា​ជា​ហេតុ​វៀរចាក​កិរិយា​ពោល​នូវ​ពាក្យ​អាក្រក់​មាន​ពាក្យ​ទ្រគោះបោះបោក​ជេរប្រទេច​អ្នក​ដទៃ​ជាដើម ។

៤-​ស​ម្ផ​ប្ប​លា​បា វេរមណី ចេតនា​ជា​ហេតុ​វៀរចាក​កិរិយា​ពោល​នូវ​ពាក្យ​រោយរាយ​ឥតប្រយោជន៍ ។

មនោ​កម្ម​៣​គឺៈ

១-​អន​ភិ​ជ្ឈា មិន​មានចិត្ត​សម្លឹង​រំពៃ​ចំពោះ​ទ្រព្យ​របស់​អ្នក​ដទៃ ដោយ​គិត​បម្រុង​នឹង​ឲ្យ​បានជា​របស់​ខ្លួន​។

២-​អ​ព្យាបា​ទោ មិន​មានចិត្ត​ចងគំនុំ​គុំកួន​ប៉ង​នឹង​ឲ្យ​អ្នក​ដទៃ​ដល់​នូវ​សេចក្តី​វិនាស ។

៣-​សម្មាទិដ្ឋិ គំនិត​យល់​ឃើញ​ត្រូវ ដោយ​ប្រកាន់​ថា​ត្រូវ​មែន​។

បុគ្គល​ណា​បាន​ប្រព្រឹត្ដ​ត្រូវ​តាម​កុសល​កម្មបថ​ទាំង​១០​ប្រការ ដូច​បាន​ពោល​មក​ហើយ បុគ្គល​នោះ​នឹង​បាន​សេចក្ដីសុខ សេចក្ដីចម្រើន ក្នុង​លោក​ទាំង​ពីរ​ជា​ប្រាកដ ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ជ្រុង​មួយ​នៃ​សាសនា

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ