ខេត្តស្ទឹងត្រែង ៖ នគរបាលការិយាល័យបង្ក្រាបបទល្មើសគ្រឿងញៀន នៃស្នងការដ្ឋាននគរបាលខេត្តចាប់ជនសង្ស័យ៥នាក់ពាក់ព័ន្ធទៅនឹងការជួញដូរ(លក់)គ្រឿងញៀនជាង២០០ កញ្ចប់តូចៗ ។ ការឃាត់ខ្លួនជនសង្ស័យនេះកាលពីល្ងាចម៉ោង៥ ថ្ងៃទី០៩ ខែសីហា ឆ្នាំ២០១៨នៅចំណុចអូរច្រឡង់…
ខេត្តស្ទឹងត្រែង ៖ នគរបាលការិយាល័យបង្ក្រាបបទល្មើសគ្រឿងញៀន នៃស្នងការដ្ឋាននគរបាលខេត្តចាប់ជនសង្ស័យ៥នាក់ពាក់ព័ន្ធទៅនឹងការជួញដូរ(លក់)គ្រឿងញៀនជាង២០០ កញ្ចប់តូចៗ ។ ការឃាត់ខ្លួនជនសង្ស័យនេះកាលពីល្ងាចម៉ោង៥ ថ្ងៃទី០៩ ខែសីហា ឆ្នាំ២០១៨នៅចំណុចអូរច្រឡង់ ភូមិអូរឬស្សីកណ្តាល ឃុំអូរឬស្សីកណ្តាល ស្រុកសៀមបូក ។
លោក ចែម ផានិត ប្រធានការិយាល័យបង្ក្រាបបទល្មើសគ្រឿងញៀននៃស្នងការនគរបាលខេត្តបានអោយដឹងថា យុវជនជាជនសង្ស័យទាំងអស់៥នាក់ក្នុងនោះមានស្រីម្នាក់មានទី១-ឈ្មោះ ទ្លស់ នើរសល់ឡោះ ភេទប្រុស អាយុ២៤ឆ្នាំ ជនជាតិខ្មែរឥស្លាម, ទី២-ឈ្មោះ រូន សុគ្រី ភេទប្រុស អាយុ១៩ឆ្នាំ ជនជាតិខ្មែរឥស្លាម, ទី៣-ឈ្មោះ ជា សុដា ភេទប្រុស អាយុ៣៦ឆ្នាំ ជនជាតិខ្មែរ, ទី៤-ឈ្មោះ លឹម យ៉ាទី ភេទស្រី អាយុ១៦ឆ្នាំ ជនជាតិខ្មែរឥស្លាម និងទី៥-ឈ្មោះ នៅ វណ្ណៈ ហៅ ស្រឿន ផាន់ណាក់ ភេទប្រុស អាយុ២៣ឆ្នាំ ជនជាតិខ្មែរ អ្នកទាំង៥រស់នៅចំណុចបង្ក្រាបខាងលើដោយបានធ្វើសកម្មភាពសេព និងជួញដូរ នៅចំណុចអូរច្រឡង់ ភូមិអូរឬស្សីកណ្តាល ឃុំអូររស្សីកណ្តាល ស្រុកសៀមបូក ខេត្តស្ទឹងត្រែង ដោយសមត្ថកិច្ចរឹបអូសវត្ថុតាងគ្រឿងញៀនប្រភេទមេតំហ្វេតាមីន ម្សៅក្រាមពណ៌ស ចំនួន២៣៦កញ្ចប់តូច និងរឹបអូសទូរស័ព្ទដៃចំនួន២១គ្រឿង ។
ក្រោយការបង្ក្រាបបានបញ្ជូនទៅកាន់ស្នងការនគរបាលខេត្តកសាងសំណុំរឿងបញ្ជូនទៅសាលាដំបូងខេត្តស្ទឹងត្រែងនៅព្រឹកថ្ងៃទី១០ ខែសីហា ឆ្នាំ២០១៨ នេះផងដែរដើម្បីចាត់ការតាមនីតិវិធី ៕
ចែករំលែកព័តមាននេះ