ខេត្តពោធិ៍សាត់ ៖ បុរសម្នាក់បានជិះម៉ូតូទៅបុកជាមួយរថយន្ដ បណ្ដាលឲ្យរងរបួសយ៉ាងធ្ងន់ធ្ងរហើយបានស្លាប់បាត់បង់ជីវិតនៅពេលបញ្ជូនទៅសង្គ្រោះនៅមន្ទីរពេទ្យ ។ គ្រោះថ្នាក់ចរាចរណ៍នេះបានកើតឡើងលើផ្លូវ ប្របមាត់ស្ទឹង ត្រង់ចំណុចភូមិតាស្ដី ឃុំវាល ស្រុកកណ្ដៀង…
ខេត្តពោធិ៍សាត់ ៖ បុរសម្នាក់បានជិះម៉ូតូទៅបុកជាមួយរថយន្ដ បណ្ដាលឲ្យរងរបួសយ៉ាងធ្ងន់ធ្ងរហើយបានស្លាប់បាត់បង់ជីវិតនៅពេលបញ្ជូនទៅសង្គ្រោះនៅមន្ទីរពេទ្យ ។ គ្រោះថ្នាក់ចរាចរណ៍នេះបានកើតឡើងលើផ្លូវ ប្របមាត់ស្ទឹង ត្រង់ចំណុចភូមិតាស្ដី ឃុំវាល ស្រុកកណ្ដៀង កាលពីវេលាម៉ោង១៧និង៣៥នាទីយប់ថ្ងៃទី០៨ ខែសីហា ឆ្នាំ២០១៨ ។
សមត្ថកិច្ចមូលដ្ឋានឲ្យដឹងថា នៅវេលាយប់នោះគេឃើញបុរសម្នាក់ជិះម៉ូតូម៉ាកវីវ៉ា ពាក់ស្លាកលេខពោធិ៍សាត់ ១B- ៩៥២២ ក្នុងទិសដៅពីត្បូងទៅជើង ។ ទៅដល់ចំណុចផ្លូវកោងបានបុកជាមួយរថយន្ដមួយគ្រឿងម៉ាកកាមរី ពណ៌ខ្មៅ ពាក់ស្លាកលេខ ពោធិ៍សាត់១A- ០២៧៩ បើកបរដោយស្ត្រីម្នាក់មិនស្គាល់អត្តសញ្ញាណ ដែលធ្វើដំណើរក្នុងទិសដៅបញ្ច្រាសគ្នា បណ្ដាលឲ្យអ្នកជិះម៉ូតូបាក់ជើង បែកក្បាល របួសយ៉ាងធ្ងន់ធ្ងរ ហើយបានស្លាប់ពេលបញ្ជូនទៅសង្គ្រោះនៅមន្ទីរពេទ្យបង្អែកខេត្ត ។
ក្រោយពេលកើតហេតុស្ត្រីដែលជាអ្នកបើកបររថយន្ដបង្កគ្រោះថ្នាក់បានគេចខ្លួនបាត់ ។
ចំណែករថយន្ដ និងម៉ូតូសមត្ថកិច្ចបានយកទៅដាក់នៅអធិការដ្ឋាននគរបាលស្រុកកណ្ដៀង ដើម្បីដោះស្រាយទៅតាមច្បាប់ចរាចរណ៍ផ្លូវគោកក្រោយពេលវាស់វែងរួច ៕
ចែករំលែកព័តមាននេះ