ខាងក្រោមនេះនឹងបង្ហាញអ្នកពីប្រយោជន៍ដែលអ្នកអាចទទួលបានពីត្រសក់ ដោយវាល្អទាំងសុខភាព និងសម្រស់ ។ ដូចនេះតើមានអ្វីខ្លះទៅ?
1. នៅក្នុងត្រសក់មានផ្ទុកជាតិទឹកដ៏ទៅ៩៦,៧% ដោយជួយបំពេញ និងផ្គត់ផ្គង់ជាតិទឹកដល់រាងកាយអ្នកបានគ្រប់គ្រាន់ មិនងាយខ្វះឡើយ ។
2. នៅក្នុងត្រសក់ដែលពោរពេញទៅដោយសារធាតុចិញ្ចឹមមួយនេះនឹងអាចជួយជម្រះជាតិពុលចេញពីរាងកាយអ្នក មិនឲ្យសារធាតុអាក្រក់មួយណាអាចបំផ្លាញសុខភាពអ្នកបានឡើយ ។
3. នៅក្នុងត្រសក់មានផ្ទុកទៅដោយវីតាមីនជាច្រើនដូចជា វីតាមីនB និងC ដោយអាចជំនួយដល់សុខភាពអ្នកជាខ្លាំង ។ ជាពិសេសអ្នកគួរតែញ៉ាំទាំងសំបក ទើបអាចទទួលបានវីតាមីនបានគ្រប់គ្រាន់ ។
4. នៅក្នុងត្រសក់មួយនេះ ក៏មានផ្ទុកសារធាតុមួយចំនួនដែលល្អចំពោះស្បែកអ្នកផងដែរ ដោយធ្វើឲ្យស្បែកអ្នកស្អាតជាខ្លាំង ។
5. នៅក្នុងត្រសក់នេះ មានផ្ទុកសារធាតុសរសៃ និងទឹកច្រើន ដែលអាចជួយការពារអ្នកពីអាការទល់លាមកបាន ។
6. ជាពិសេស ក្រោយពេលដែលអ្នកបរិភោគត្រសក់នេះច្រើននឹងអាចជួយបំបាត់ក្លិនមាត់ ដោយធ្វើឲ្យមាត់អ្នកមានក្លិនប្រហើរ ។
7. បើអ្នកញ៉ាំច្រើន ក្រចកដៃ និងសក់អ្នកនឹងស្អាត ដោយធ្វើឲ្យដុះលឿនតែម្តង ។ ដូចនេះ អ្នកអាចសាកល្បងពិសាបានជារៀងរាល់ថ្ងៃ ។
8. នៅពេលដែលអ្នកបរិភោគត្រសក់ និងការ៉ុតជាមួយគ្នា នោះនឹងអាចបញ្ចុះជាតិអាស៊ីតក្នុងនោមអ្នក ថែមទាំងអាចព្យាបាលអាការឈឺសន្លាក់ដៃជើងផងដែរ ។
9. ក្រោយពេលដែលអ្នកញ៉ាំស្រាស្រវឹងរួច អ្នកអាចពិសាត្រសក់បាន ព្រោះវាអាចជួយធ្វើឲ្យអ្នកស្វាងពីស្រា ថែមទាំងធ្វើឲ្យអ្នកបំបាត់នូវអាការមិនស្រួលខ្លួនទៀតផង ។
10. ផ្លែត្រសក់មួយនេះក៏អាចជួយការពារក្រលៀន និងថ្លើមរបស់អ្នកផងដែរ ។ ដូចនេះ អ្នកគួរតែញ៉ាំឲ្យបានច្រើន ដើម្បីសុខភាព និងសម្រស់អ្នក (ប្រភពពី៖ Health.com.kh) ៕
ចែករំលែកព័តមាននេះ