ខេត្តកំពង់ចាម ៖ រទេះដំរីបុរាណ១គ្រឿងមានកង់ដ៏ធំមួយគូ ត្រូវបានគេដាក់តាំងនៅក្នុងបរិវេណវត្តសិរីមង្គល (វត្តចុងជាច) ស្ថិតនៅភូមិចុងជាច ឃុំចុងជាច ស្រុកតំបែរ ពិតជាគួរឲ្យចាប់អារម្មណ៍បំផុតពីសំណាក់ប្រជាពលរដ្ឋមកពីទីឆ្ងាយៗ សមិទ្ធផលព្រះវិហារដ៏ចំណាស់មួយ មានអាយុកាលរហូតដល់ទៅ១០៩ឆ្នាំ ត្រូវបានអភិរក្ស និងកកើតឡើងដោយសារតែរទេះមួយគ្រឿងនេះឯង។
ខេត្តកំពង់ចាម ៖ រទេះដំរីបុរាណ១គ្រឿងមានកង់ដ៏ធំមួយគូ ត្រូវបានគេដាក់តាំងនៅក្នុងបរិវេណវត្តសិរីមង្គល (វត្តចុងជាច) ស្ថិតនៅភូមិចុងជាច ឃុំចុងជាច ស្រុកតំបែរ ពិតជាគួរឲ្យចាប់អារម្មណ៍បំផុតពីសំណាក់ប្រជាពលរដ្ឋមកពីទីឆ្ងាយៗ សមិទ្ធផលព្រះវិហារដ៏ចំណាស់មួយ មានអាយុកាលរហូតដល់ទៅ១០៩ឆ្នាំ ត្រូវបានអភិរក្ស និងកកើតឡើងដោយសារតែរទេះមួយគ្រឿងនេះឯង។
តាមលោកយាយឈ្មោះយីម អំ អាយុ៦៩ឆ្នាំ រស់នៅភូមិគោកស្រឡៅ ឃុំចុងជាច មានប្រសាសន៍ឲ្យដឹងកាលពីព្រឹកថ្ងៃទី៦ មេសា ២០១៣ នេះថា កាលពីរូបគាត់អាយុ១៧ឆ្នាំ ឃើញលោកតាព្រះចៅអធិការវត្តព្រះនាមយូ បានកៀងគរហៅប្រជាជនប្រុសស្រីនៅក្នុងស្រុកតំបែរ ឲ្យទៅកាប់ឈើហ៊ុបនៅខាងក្រសាំង គោក ស្រឡៅ តារាម នៅក្នុងស្រុកតំបែរ ដោយបានប្រើរទេះធុនយក្ស១គ្រឿងនេះ ដឹកឈើអូសចេញពីក្នុងព្រៃមកដាក់ក្នុងបរិវេណវត្តចុងជាច ដោយប្រើជាងជាច្រើននាក់ ដើម្បីកសាងព្រះវិហារនេះទុកសំរាប់ឲ្យពុទ្ធបរិស័ទចំណុះជើងវត្ត និងនៅទីជិតទីឆ្ងាយ មកគោរពប្រណិប័តន៍តាមឱវាទព្រះពុទ្ធជាម្ចាស់នៃយើង ៕
ចែករំលែកព័តមាននេះ