រាជធានីភ្នំពេញ ៖ ការត្រួតពិនិត្យផ្ទៀងផ្ទាត់ និងសរុបលទ្ធផលសម្លេងឆ្នោតសម្រាប់អាណត្តិទី៦នេះ ត្រូវបានធ្វើឡើងវិញនៅទីស្តីការគណៈកម្មាធិការជាតិរៀបចំការបោះឆ្នោតនៅរសៀលថ្ងៃទី៤ ខែសីហានេះ តាមការគ្រោងទុក ។
ដំណើការពិនិត្យសម្លេងឆ្នោត ដើម្បីផ្ទៀងផ្ទាត់ឡើងវិញនេះ ត្រូវបានធ្វើឡើងជាក្រុមចំនួន៥ដាច់ពីគ្នា តែគ្រាន់តែពិនិត្យលើអ្វីដែលបានស្រង់ពីតាមមណ្ឌលបោះឆ្នោតទាំង២៥រាជធានីខេត្តនៃការិយាល័យសរុប២២,៩៦៧ ការិយាល័យមិនមែនរាប់ចំនួនសន្លឹកឆ្នោតបានការ ឬមិនបានការនោះឡើយ ។
លោក ហង្ស ពុទ្ធា អ្នកនាំពាក្យ គជប ថ្ងៃទី១១ សីហា លទ្ធផលតាមការិល័យហៅថា តារាង១១០២នេះមុន និងនេះជាតួនាទីរបស់ គជប ដែលត្រូវធ្វើមិនឲ្យលើសពីថ្ងៃទី១១ សីហាទេ ព្រោះជាពេលដែលត្រូវចេញលទ្ធផលបណ្តោះអាសន្ន ។ ទោះបីយ៉ាងណាការរាប់សន្លឹកឆ្នោតម្តងៗ១សន្លឹកៗឡើងវិញនោះនៅមិនទាន់ច្បាស់នៅឡើយ ខណៈដែលពេលនេះបានបណ្តឹងមកពីគណបក្សនយោបាយដែលត្រូវដោះស្រាយ ។ តែលោកថា ៖«គជប រីករាយនឹងទទួលពាក្យបណ្តឹងទាំងឡាយក្នុងក្របខណ្ឌច្បាប់» ។ លោកបានលើកឡើងថា រហូតដល់ពេលនេះមិនទាន់ទទួលបានពាក្យបណ្តឹងពីគណបក្សនយោបាយជាលាយលក្ខណ៍អក្សរនៅឡើយទេ ជុំវិញការបដិសេធ ឬសុំរាប់សន្លឹកឆ្នោតឡើងវិញ ។ លោកថា តួនាទី គជប ទោះបីមានពាក្យបណ្តឹង ឬគ្មាន ត្រូវតែពិនិត្យឡើងវិញ ដោយរាប់ ។ បើសិនជារាល់បណ្តឹងនោះត្រូវបាននីតិវិធីគជប នឹងពិនិត្យដោះស្រាយ តែបើមិនត្រឹមត្រូវទេបដិសេធ ។
លោកស្រី ពោធីតី សាវតីប្រធានគណបក្សធម្មាធិបតេយ្យបានថ្លែងប្រាប់អ្នកសារព័ត៌មាននៅស្តីការ គជប ថា តាមលោកស្រីដឹងគណបក្សលោកស្រីទទួលសម្លេងជិត១អាសនៈដែរ ។ លោកស្រីថា«ខ្ញុំសូមឲ្យសម្តេចហ៊ុនសែនជាបុរសខ្លាំងអនុញ្ញាតដល់គណបក្សមិនបានអាសនៈចូលទៅអង្គុយក្នុងរដ្ឋសភាផង ដើម្បីបានស្តាប់ការដេញដោល ហើយមិនមានយោបល់អ្វីទេ ។ ខ្ញុំដឹងថា ប្រទេសដទៃមិនទាន់មានទេ តែចង់ឲ្យគណបក្សឈ្នះឆ្នោតធ្វើឲ្យបាននៅក្នុងរដ្ឋសភាកម្ពុជា» ៕
ចែករំលែកព័តមាននេះ