រាជធានីភ្នំពេញ ៖ កម្លាំងនគរបាលព្រហ្មទណ្ឌកម្រិតស្រាលរាជធានីភ្នំពេញកាលពីព្រឹកថ្ងៃទី០៣ ខែសីហា ឆ្នាំ២០១៨ នេះបានបង្ហាញមុខជនសង្ស័យជាក្រុមចោរឆក់ និងប្លន់តាមដងផ្លូវសាធារណៈចំនួន៥នាក់រួចត្រូវបញ្ជូនទៅកាន់សាលាដំបូងរាជធានីភ្នំពេញ ។ ជនសង្ស័យទាំង៥នាក់មានទី១-ឈ្មោះ កែវ…
រាជធានីភ្នំពេញ ៖ កម្លាំងនគរបាលព្រហ្មទណ្ឌកម្រិតស្រាលរាជធានីភ្នំពេញកាលពីព្រឹកថ្ងៃទី០៣ ខែសីហា ឆ្នាំ២០១៨ នេះបានបង្ហាញមុខជនសង្ស័យជាក្រុមចោរឆក់ និងប្លន់តាមដងផ្លូវសាធារណៈចំនួន៥នាក់រួចត្រូវបញ្ជូនទៅកាន់សាលាដំបូងរាជធានីភ្នំពេញ ។
ជនសង្ស័យទាំង៥នាក់មានទី១-ឈ្មោះ កែវ ភារុណ ហៅប៊ី អាយុ២៤ឆ្នាំ ជាបុគ្គលិកក្រុមហ៊ុនបោះពុម្ភ ស្នាក់នៅភូមិចំរើនផល សង្កាត់បឹងទំពន់ខណ្ឌមានជ័យ, ទី២-ឈ្មោះ អ៊ិច ចក្រី ហៅហ៊័រ ភេទប្រុស អាយុ១៩ឆ្នាំ ជាក្រុមអ្នកលេងនៅប្លុកកោះពេជ្រ រស់នៅផ្ទះលេខ៩បេ ផ្លូវបេតុង សង្កាត់ចោមចៅ១ ខណ្ឌពោធ៍សែនជ័យ, ទី៣-ឈ្មោះ ឆាវ សំអិត ហៅរាជ អាយុ២១ឆ្នាំ ជាបុគ្គលឹកក្រុមហ៊ុនបោះពុម្ព ស្នាក់នៅភូមិម័រ សង្កាត់ដង្កោ ខណ្ឌដង្កោ, ទី៤-ឈ្មោះ ណុច តុលា អាយុ១៨ឆ្នាំ ជាសិស្សថ្នាក់ទី១០ វិទ្យាល័យសេរីមង្គល រស់នៅភូមិឬស្សីជ្រោយ ឃុំព្រែកដំបង ស្រុកខ្សាច់កណ្ដាល ខេត្តកណ្ដាល ជន៤នាក់ខាងលើនេះ ត្រូវបានសមត្ថកិច្ចចាប់ខ្លួនកាលពីថ្ងៃទី៣១ ខែកក្កដា ឆ្នាំ២០១៨ នៅកោះពេជ្រក្រោយពីពួកគេបានធ្វើសកម្មភាពវាយប្លន់យកម៉ូតូជាបន្តបន្ទាប់ ។
ចំណែកជនសង្ស័យម្នាក់ទៀតឈ្មោះ សុធា សុផានិត ភេទប្រុស អាយុ២០ឆ្នាំ រស់នៅផ្ទះលេខ៥៥៦ ផ្លូវលំ ភូមិស្លែងរលើង សង្កាត់កកាប ខណ្ឌសែនសុខ ត្រូវបានសមត្តកិច្ចចាប់ខ្លួន កាលពីថ្ងៃទី៣០ ខែកក្កដា ឆ្នាំ២០១៨ បន្ទាប់ពីធ្វើសកម្មភាពឆក់យកកាបូបប្រាក់ជនរងគ្រោះចំនួន២ករណី នៅចំណុចស្ពានអាកាសផ្សារដីហុយ ផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ និងឆក់យកកាបូបស្ពាយជនរងគ្រោះ នៅចំណុចមុខផ្ទះលេខ១៦៦Eo ផ្លូប១៨២ សង្កាត់វាលវង្សចណ្ឌ៧មករា កាលពីថ្ងៃទី១៦ ខែមិថុនា ឆ្នាំ២០១៨ ។
តាមសមត្ថកិច្ចឱ្យដឹងថា ការបង្ក្រាបក្រុមចោរឆក់ និងប្លន់ខាងលើនេះសមត្ថកិច្ចបានធ្វើការដកហូតដាវមួយដើមប្រវែង១ម៉ែត្រ ស្លាកលេខម៉ូតូ សៀមរាប 1F-7927 ស៊ីមកាតទូរស័ព្ទ០៩៧ ចំនួន៥៣បន្ទះ និងសម្ភារជក់គ្រឿងញៀនមួយចំនួនទៀត ។
ចំពោះជនសង្ស័យពាក់ព័ន្ធករណីវាយប្លន់យកម៉ូតូកាលពីថ្ងៃទី៣១ ខែកក្កដា ឆ្នាំ២០១៨ នៅចំណុចក្រុមហ៊ុនក្រឡុកស៊ីម៉ង់ SCG ផ្លូវហាយណូយ ភូមិបន្លាស្អិត សង្កាត់ឃ្មួញខណ្ឌសែនសុខ ពីជនរងគ្រោះឈ្មោះ សាន ទិត្យ អាយុ២៤ឆ្នាំ ជាបុគ្គលិកផ្សារអ៊ីអន២ ត្រូវបាត់បង់ម៉ូតូ១គ្រឿង ម៉ាកស៊ុយហ្ស៊ីគីនិច ។ ក្រោយពីសមត្ថកិច្ចបង្ហាញមុខជនសង្ស័យទាំង៥នាក់ត្រូវបានបញ្ជូនទៅកាន់សាលាដំបូងរាជធានីភ្នំពេញដើម្បីចាត់ការតាមផ្លូវនីតិវិធី ៕
ចែករំលែកព័តមាននេះ