ខេត្តមណ្ឌលគិរី ៖ ជាតិវៀតណាមលួចឆ្លងដែនខុសច្បាប់ចំនួន៧នាក់ត្រូវបានសមត្ថកិច្ចកម្ពុជាបញ្ជូនទៅស្រុកកំណើតវិញ កាលពីវេលាម៉ោង៩ព្រឹក ថ្ងៃទី០៣ សីហា ២០១៨ ក្រោយឃាត់ខ្លួនអស់រយៈពេលពីរថ្ងៃ នៅស្រុកកោះញែក ខេត្តមណ្ឌលគិរី…
ខេត្តមណ្ឌលគិរី ៖ ជាតិវៀតណាមលួចឆ្លងដែនខុសច្បាប់ចំនួន៧នាក់ត្រូវបានសមត្ថកិច្ចកម្ពុជាបញ្ជូនទៅស្រុកកំណើតវិញ កាលពីវេលាម៉ោង៩ព្រឹក ថ្ងៃទី០៣ សីហា ២០១៨ ក្រោយឃាត់ខ្លួនអស់រយៈពេលពីរថ្ងៃ នៅស្រុកកោះញែក ខេត្តមណ្ឌលគិរី ។
នគរបាលអន្តោប្រវេស៍នៃស្នងការដ្ឋាននគរបាលខេត្តមណ្ឌលគិរីឲ្យដឹងថា ពួកគេនឹងត្រូវបញ្ជូនចេញពីប្រទេសកម្ពុជាវិញ តាមច្រកទ្វេរភាគីដាក់ដាំ ស្រុកអូររាំង បន្ទាប់ពីសុំយោបល់ពីលោកព្រះរាជអាជ្ញាររងអមសាលាដំបូងខេត្ត ពិនិត្យឃើញថា ពួកគេមិនទាន់ប្រព្រឹត្តសកម្មភាពខុសច្បាប់ណាមួយនៅក្នុងទឹកដីកម្ពុជាឡើយ ក្រៅពីលួចឆ្លងដែនដោយគ្មានការអនុញ្ញាតពីសមត្ថកិច្ចកម្ពុជា ។
ទោះជាយ៉ាងណាជនជាតិវៀតណាមទាំងនេះត្រូវបានគេដឹងថា លួចចូលមកក្នុងទឹកដីកម្ពុជាតាមច្រករបៀងក្នុងស្រុកស្នួល ខេត្តក្រចេះ ដើម្បីដឹកជញ្ជូនឈើចេញពីកម្ពុជា-ទៅវៀតណាម ឲ្យឧកញ៉ាឈ្មួញឈើល្បីឈ្មោះម្នាក់ប្រចាំស្រុកស្នួលនេះ បើតាមការសារភាពរបស់យួន៧នាក់នេះ ។
សូមរំឮកថា នគរបាលបានឃាត់ខ្លួនជនជាតិវៀតណាមចំនួន០៧នាក់ ព្រមទាំងរថយន្តធុនធំចំនួន០៣គ្រឿង នៅចំណុចភូមិរង្សី ឃុំស្រែសង្គម ស្រុកកោះញែក ខេត្តមណ្ឌលគិរី ។
មូលហេតុនៃការឃាត់នោះដោយសារ តែរថយន្តវៀតណាមខាងលើចូលមកដល់ទឹកដីប្រទេសកម្ពុជា បន្លំពាក់ស្លាកលេខក្លែងក្លាយ ។ ប្រភពបន្តថា រថយន្តទាំងបីគ្រឿង មាន២គ្រឿងជារថយន្តកូរ៉េសម្រាប់ដឹកឈើ និង១គ្រឿងទៀតជារថយន្តសម្រាប់ស្ទួចឈើ ៕
ចែករំលែកព័តមាននេះ