ខេត្តព្រះសីហនុ ៖ មានមនុស្សម្នាក់បានរងរបួសធ្ងន់ និង៣នាក់រងរបួសស្រាល ក្នុងហេតុការណ៍រថយន្តធុនធំបុករមួលគ្នាក្នុងទិសដៅបញ្ច្រាសគ្នា ហើយបន្តទៅបុករថយន្ត មួយគឿងទៀត នៅតាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ១៦៩-១៧០ ស្ថិតក្នុងភូមិតាពៅ…
ខេត្តព្រះសីហនុ ៖ មានមនុស្សម្នាក់បានរងរបួសធ្ងន់ និង៣នាក់រងរបួសស្រាល ក្នុងហេតុការណ៍រថយន្តធុនធំបុករមួលគ្នាក្នុងទិសដៅបញ្ច្រាសគ្នា ហើយបន្តទៅបុករថយន្ត មួយគឿងទៀត នៅតាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ១៦៩-១៧០ ស្ថិតក្នុងភូមិតាពៅ ឃុំតានៃ ស្រុកព្រៃនប់ វេលាម៉ោងជិត៤រសៀល ថ្ងៃទី២ សីហា ២០១៨នេះ។
តាមប្រភពពីសមត្ថកិច្ចបាន ឲ្យដឹងថា គ្រោះថ្នាក់បានកើតឡើងរវាងរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3F-7220 បើកបរដោយឈ្មោះ មឿន សាយ ភេទប្រុស អាយុ៣០ឆ្នាំ មុខរបរបើកបរ មានទីលំនៅភូមិផ្អាវ ឃុំផ្អាវ ស្រុកព្រៃឈរ ខេត្តកំពង់ចាម ក្នុងទិសដៅពីខេត្តព្រះសីហនុទៅភ្នំពេញ (របួសធ្ងន់)។ មកដល់ចំណុចខាងលើ បានបុកប៉ះនឹងរថយន្ត០១គ្រឿង ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ 3A-7007 បើកបរដោយឈ្មោះ យ៉ុង សារុន ភេទប្រុស អាយុ២៤ឆ្នាំ មុខរបរបើកបរ មានទីលំនៅភូមិដើមស្នាយ ឃុំព្រែកត្រឹស ស្រុកកំពង់ត្រាច ខេត្តកំពត(របួសស្រាល) ក្នុងទិសដៅបញ្ច្រាសគ្នា។
ហើយបន្តទៅបុករថយន្តដឹកសាំងម៉ាកហ៊ីយ៉ាន់ដាយ ពណ៌សលាយក្រហម ពាក់ស្លាកលេខ ភ្នំពេញ 3C-4821 (រថយន្តចតចោលក្បាលទៅទិសភ្នំពេញ) បើកបរដោយឈ្មោះ ប៉េ ណា ភេទប្រុស អាយុ៣៣ឆ្នាំ មុខរបរ បើកបរ មានទីលំនៅភូមិពានា ឃុំអំពិលក្រាវ ស្រុកស៊ីធរកណ្តាល ខេត្តព្រៃវែង។ ក្នុងករណីគ្រោះថ្នាក់ចរាចរណ៍ខាងលើបណ្តាលឲ្យរបួសធ្ងន់០១នាក់ របួសស្រាល៣នាក់ ត្រូវបានកម្លាំងកងរាជអាវុធហត្ថ៤០១ និងកម្លាំងប៉ូលិលអធិការដ្ឋានស្រុកព្រៃនប់ សម្រួលចរាចរណ៍បញ្ចៀសការកកស្ទះ និងជួយសង្គ្រោះទៅមន្ទីពេទ្យឯកជន វាលរេញ រីរថយន្តធំខូចខាតកម្រិតធ្ងន់ចំនួន០២គ្រឿង និងខូចខាតកម្រិតស្រាល០១គ្រឿង ប្រគល់ជូនទៅកម្លាំងប៉ូលិល អធិការដ្ឋានស្រុកព្រៃនប់ ធ្វើការតាមនីតិវិធីបន្ត៕
ចែករំលែកព័តមាននេះ