រាជធានីភ្នំពេញ ៖ សេចក្តីរាយការណ៍បឋមឱ្យដឹងថា បុរសម្នាក់ក្រោយមានទំនាស់ជាមួយប្រពន្ធដែលសង្ស័យមកពីការប្រចណ្ឌ បានចង.កសម្លាប់ខ្លួនឯងនៅក្នុងបន្ទប់ទឹក បង្កការភ្ញាក់ផ្អើលកាលពីវេលាម៉ោង០៨ និង៣០នាទីព្រឹកថ្ងៃទី០២ សីហា នេះ ស្ថិតនៅក្នុងបន្ទប់ជួលក្នុងភូមិអង្គតាកូវ សង្កាត់គោករកា ខណ្ឌព្រែកព្នៅ ។
សេចក្តីរាយការណ៍បន្តថា បុរសរងគ្រោះខាងលើ ឈ្មោះ វ៉េង សារ៉ាត់ អាយុ៣៤ឆ្នាំ មានស្រុកកំណើត នៅភូមិកណ្ដាល ឃុំសែនជ័យ ស្រុកឧត្ដុង្គ ខេត្តកំពង់ស្ពឺ ទើបមកភ្នំពេញធ្វើការងារបាន៤ថ្ងៃប៉ុណ្ណោះ ។ រីឯប្រពន្ធឈ្មោះ អ៊ុំ សុធា អាយុ២៩ឆ្នាំ ។
ស្ត្រីជាប្រពន្បានដឹងទៀតថា គាត់នឹងប្តីបានរៀបការរស់នៅជាមួយគ្នា តាំងពីឆ្នាំ២០០៧ បានកូនចំនួនប្រុស២នាក់ ស្រី២នាក់ ។ ការរស់នៅជាមួយគ្នា មិនសូវចុះសម្រុងគ្នាឡើយ ដោយប្តីប្រចណ្ឌច្រើន ។ ដោយសារតែជីវភាព ខ្លួននិងប្តីត្រូវចេញពីស្រុកកំណើតមកភ្នំពេញ ដើម្បីមករកការងារធ្វើជាកម្មករកាត់ដេរ តែពេលធ្វើដំណើរមកភ្នំពេញ ក៏មានទំនាស់គ្នាហើយប្តីក៏លែងនិយាយស្តី ។
ប្រពន្ធបន្តថា លុះនៅព្រឹកថ្ងៃកើតហេតុ នាងបានប្រាប់ប្តីថា បើយើងមករស់នៅភ្នំពេញមិនស្តីរកគ្នា យើង ធ្វើដំណើរត្រឡប់ទៅស្រុកវិញទៅ ។ ពេលនោះប្តីក៏ពោលថា «បងឈប់ខឹងហើយអូន បងនិយាយរកអូនវិញ» ។ ហើយប្តីបានដើរចេញទៅ តែមិននឹកស្មានថា ប្តីចូលក្នុងបន្ទប់ទឹកចង.កបែបនេះ ។
ចែករំលែកព័តមាននេះ