ស្វែងយល់ពីការធ្វើដំណើរតាមរថភ្លើងលើអាកាសនៅបាងកក
- ភ្នំពេញ
បាងកក ៖ រថភ្លើងលើអាកាស ឬហៅថា (BTS sky train) នៅទីក្រុងបាងកក ប្រទេសថៃ កំពុងទទួលបានការពេញនិយមយ៉ាងខ្លាំងពីសំណាក់ប្រជាជនក្នុងស្រុក…
បាងកក ៖ រថភ្លើងលើអាកាស ឬហៅថា (BTS sky train) នៅទីក្រុងបាងកក ប្រទេសថៃ កំពុងទទួលបានការពេញនិយមយ៉ាងខ្លាំងពីសំណាក់ប្រជាជនក្នុងស្រុក…
បាងកក ៖ រថភ្លើងលើអាកាស ឬហៅថា (BTS sky train) នៅទីក្រុងបាងកក ប្រទេសថៃ កំពុងទទួលបានការពេញនិយមយ៉ាងខ្លាំងពីសំណាក់ប្រជាជនក្នុងស្រុក ក៏ដូចជាជនបរទេសរួមទាំងប្រជាពលរដ្ឋខ្មែរដែលធ្វើដំណើរកំសាន្តទៅប្រទេសជិតខាងកម្ពុជាមួយនេះសម្រាប់ទេសចរណ៍សុខភាពក៏ដូចជា ដំណើរកំសាន្តលំហែកាយទូទៅ។
នៅពេលធ្វើដំណើរទៅទស្សនាកម្សាន្ដ ឬទេសចរណ៍សុខភាពទៅកាន់ប្រទេសជិតខាងមួយនេះ ប្រាកដណាស់រថភ្លើងលើអាកាស គឺជាមធ្យោបាយដ៏មានប្រសិទ្ធភាព និងងាយស្រួលក្នុងការធ្វើដំណើរ បើសិនជាលោកអ្នកចង់ទៅតំបន់ណាមួយ ព្រោះវាមានផាសុកភាពជាង លឿនជាង ធូរថ្លៃជាងតាក់ស៊ីម៉ែត្រ និងមិនមានបញ្ហាកកស្ទះចរាចរណ៍ឡើយ ។ ប៉ុន្តែទោះយ៉ាងនេះក្ដី ខ្សែរថភ្លើងលើអាកាសវាមិនគ្របដណ្ដប់ទូទាំងប្រទេសទីក្រុងបាងកកនៅឡើយទេ ខណៈពេលនេះ BTS SkyTrain បាននិងកំពុងពង្រីកខ្សែរត់ទៅកាន់តំបន់ជាយក្រុងបាងកកមួយចំនួន ។
ស្ថានីយរថភ្លើង BTS បើកឆ្លងកាត់តំបន់ទីប្រជុំជនដ៏សំខាន់ទាំងអស់ និងបណ្តាញគមនាគមន៍ៗ សំខាន់នៅទីក្រុងបាងកកពីរចំណុច ចាប់ផ្តើមពីម៉ោង ៥ ព្រឹកដល់ពាក់កណ្តាលអាធាត្រ ៖
១ – Sukhumvit Line ៖ ខ្សែរថភ្លើងលើអាកាស ស៊ុគុមវីត (Sukhumvit Line ) ធ្វើដំណើរពីទិសខាងជើងទៅទិសខាងកើតចាប់ពី មូឈីត (Mo Chit) ទៅបញ្ចប់នៅ អន នុត (On Nut) ។ ខ្សែរត់ភ្លើងលើអាកាសមួយនេះ គឺឆ្លងកាត់តាមតំបន់សំខាន់ៗដូចជាផ្សារ Chatuchak Weekend Market, វិមានអនុស្សាវរីយ៍ជ័យសមរភូមិ (ស្ថានីយ៍កណ្តាល), ណាណា (Nana), អេផុក (Asok), ភុំផុង (Phrom Phong) និងថុងឡូ (Thong Lo)។
២- Silom Line ៖ រថភ្លើងលើអាកាសខ្សែ Silom គឺរត់ពីទិសខាងលិចទៅខាងត្បូង ចាប់ផ្តើមពីពហុកីឡដ្ឋានជាតិ និងបញ្ចប់នៅ Wongwian Yai (ឆ្លងកាត់ទន្លេចៅប្រាយ៉ា)។ វាឆ្លងកាត់តំបន់សំខាន់ៗជាច្រើន ដូចជា Siam (Central Station), ស៊ីឡុំ (Silom) ផាត់តភុង (Patpong) និង សាផាន់តាស៊ីសន (Saphan Taksin) ។
សម្រាប់លោក និមល ដែលជាបុគ្គលិកក្រុមហ៊ុនមួយនៅរាជធានីភ្នំពេញ និងតែងតែទៅកាន់ទីក្រុងបាងកក បានឲ្យដឹងថា បើសិនជាធ្វើដំណើរជាក្រុម មានគ្នាច្រើន គឺធ្វើដំណើរតាមតាក់ស៊ីម៉ែត្រល្អជាង និងចំណេញជាង ។ តែបើធ្វើដំណើរគ្នាតិច (ត្រឹមតែ ២ នាក់) គឺប្រើប្រាស់រថភ្លើងលើអាកាស គឺជម្រើសល្អបំផុត ។
លោក និមល បន្តថា៖ «រថភ្លើងលើអាកាស គឺស្រួល មានផាសុខភាព លឿន ហើយភាគច្រើនដំណើរតាមរថភ្លើងគឺអត់សូវស្ទះអញ្ចឹងវាលឿន» ។
យ៉ាងណាមិញ បើទោះបីជាផ្លូវរថភ្លើងលើអាកាសដូចជាស្មុគស្មាញ តែការប្រើប្រាស់ BTS Skytrain នៅបាងកក មិនមែនជារឿងពិបាកអ្វីនោះទេ ។ ចំណុចគន្លឹះមួយនោះ គឺអ្នកត្រូវដឹងថា៖
ប្រភេទសំបុត្រសម្រាប់ BTS Skytrain ៖ ចំណុចនេះគឺពាក់ព័ន្ធនឹងថេរវេលានៃការស្នាក់នៅរបស់អ្នកនៅទីក្រុងបាងកក ដែលជម្រើសអាចជា៖ (១) – សំបុត្រធ្វើដំណើរតែមួយពេល (Single journey ticket), (២) – សំបុត្រធ្វើដំណើរសម្រាប់រយៈពេល១ថ្ងៃ (One day pass), និង (៣) BTS smart pass សម្រាប់រយៈពេល ៣០ ថ្ងៃ ។
១ – សំបុត្រធ្វើដំណើរតែមួយពេល (Single journey ticket) ៖ ជាប្រភេទសំបុត្រធ្វើដំណើរបានតែម្តង អាស្រ័យតាមទិសដៅជិត ឬឆ្ងាយ ដែលអ្នកចង់ទៅ ។ តម្លៃសំបុត្រ គឺចាប់ពី ១៦ បាត (0.48 ដុល្លារ) ទៅ ៤៤ បាត (1.32 ដុល្លារ) ហើយសុពលភាពរបស់វា គឺត្រឹមថ្ងៃដែលអ្នកទិញ ហើយម៉ាស៊ីនស្វ័យប្រវត្តិនឹងលេបយកសំបុត្រនេះ ពេលអ្នកទៅដល់ច្រកចេញ ។ សម្រាប់ប្រភេទសំបុត្រ Single journey ticket លោកអ្នកអាចរកទិញបានពីម៉ាស៊ីនបោះពុម្ពសំបុត្រ ដែលអ្នកអាចរកបាននៅគ្រប់កន្លែងស្ថានីយBTS Train station។
២ -សំបុត្រធ្វើដំណើរសម្រាប់រយៈពេល១ថ្ងៃ (One day pass) ៖ ប្រភេទសំបុត្រនេះ គឺមានសុពលភាពពេញមួយថ្ងៃ នៃថ្ងៃដែលចេញសំបុត្រ ហើយវាមានតម្លៃ ១៤០ បាត (4.21 ដុល្លារ) ។ លោកអ្នកអាចរកជាវបាននៅគ្រប់ការិយាល័យលក់សំបុត្រ BTS Ticket Offices។ សម្រាប់ប្រភេទសំបុត្រមួយនេះអ្នកអាចជិះរថភ្លើងលើអាកាសពេញមួយថ្ងៃ អត់កំណត់ ។
៣ – BTS smart pass សម្រាប់រយៈពេល ៣០ ថ្ងៃ (BTS 30-Day Smartpass) ៖ សម្រាប់ប័ណ្ណ ឬ សំបុត្រធ្វើដំណើរមានសុពលភាព ៣០ ថ្ងៃនេះល្អបំផុតសម្រាប់លោកអ្នកដែលមានផែនការសម្រាប់ការស្នាក់នៅក្នុងពេលវេលាយូរក្រែល ។ សម្រាប់តម្លៃវិញ គឺអាស្រ័យលើចំនួននៃការធ្វើដំណើររបស់អ្នកដែលអ្នកចង់ទិញ ដែលមានចាប់ពីការទិញសម្រាប់ការធ្វើដំណើរពី ១៥ ដងទៅ ៥០ ដង ។ សម្រាប់ការទិញសម្រាប់ការធ្វើដំណើរ ១៥ ដងមានតម្លៃ ៣៤៥ បាត (10.38 ដុល្លារ) និង ៥០ ដងមានតម្លៃ ៩០០ បាត (27.07 ដុល្លារ) ៕
អត្ថបទនេះនាំជូនមកដោយក្រុមហ៊ុនធានារ៉ាប់រងជីវិត AIA
ចែករំលែកព័តមាននេះ