ខេត្តកំពង់ចាម ៖ ទឹកទន្លេមេគង្គនៅថ្ងៃទី០១ ខែសីហា ឆ្នាំ២០១៨នេះ មានកម្ពស់១៤,៩៧ម៉ែត្រ ហើយកម្រិតដែលត្រូវប្រកាសឲ្យប្រុងប្រយ័ត្ន១៥,២០ម៉ែត្រ ។ ជាមួយនោះបានធ្វើឲ្យស្រុកមួយចំនួននៅជាប់តាមដងទន្លេត្រូវបានជន់លិចភូមិឋាន និងផ្លូវថែមទៀត ថែមទាំងសាលារៀនមួយចំនួនត្រូវបានបិទទ្វារបណ្តោះអាសន្នមិនអាចរៀនកើតនោះទេ ។
ចំណែកនៅជិតក្រោមស្ពានគីហ្ស៊ូណាក្រុងកំពង់ចាម វិញអាជ្ញាធរបានដាក់តំម្លើងម៉ូទ័រធុនយក្ស២គ្រឿង ដើម្បីត្រៀមបូមទឹក រួមនឹងបាវខ្សាច់សម្រាប់ច្រកទប់ទឹក ដើម្បីកុំឲ្យហូរជន់លិចចូលក្រុងកំពង់ចាម ដែលមានពលរដ្ឋរស់នៅរាប់សែននាក់នោះ ។
លោក ណយ ណាត អាយុ៦៤ឆ្នាំ នៅភូមិស្វាយជ្រុំ ឃុំកោះមិត្ត ស្រុកកំពង់សៀមប្រាប់ថា ផ្ទះរបស់គា
ត់ នៅកណ្តាលភូមិត្រូវបានទឹកទន្លេឡើងមកជន់លិចដល់ក្រោមផ្ទះ ចំនួន៥ថ្ងៃមកហើយ ដោយគោចំនួ
ន៤ក្បាលមិនអាចរស់នៅកើតត្រូវបានដឹកយកមកធ្វើរោងនៅត្រង់ចុងភូមិ ជាប់ផ្លូវបេតុងដែលទឹកមិន
លិចដល់ ហើយម្តាយចាស់កំពុងតែស្នាក់នៅលើផ្ទះជាមួយនឹងកូនមើលថែទាំ ។ លោកណយ ណាត ប្រាប់បន្តថា នូវពេលដែលទឹកឡើងមកលិចបែបនេះបានធ្វើឲ្យគាត់ជួបការលំបាករកស្មៅសម្រាប់ឲ្យគោស៊ី ជួនត្រូវជិះទូកឆ្លងទៅច្រូតនៅកន្លែងឆ្ងាយកាត់ទឹកទន្លេ ទឹកស្អាតប្រើប្រាស់ត្រូវទិញគេក្នុងភូមិ១ប៊ីដុងតម្លៃ១.៥០០រៀល ។
កាលពីឆ្នាំ២០១៧កន្លងទៅទឹកទន្លេមិនបានហូរមកលិចដល់ក្រោមផ្ទះដូចនៅឆ្នាំ២០១៨នេះទេ គាត់មិនដឹងថា តើត្រូវស្នាក់នៅមើលថែគោនៅទីនេះ ប៉ុន្មានថ្ងៃបន្តទៀតទេ ព្រោះថា បើតាមការស្តាប់ការផ្សាយរបស់ឧតុនិយមទឹកទន្លេបន្តហក់ឡើងបន្ថែមទៀត ប្រសិនណាបើលិចទីទួលនេះ គាត់នឹងចល័តទៅកន្លែងផ្សេងទៀតដែលទឹកមិនលិចដល់ ។ គោរបស់គាត់ និងគោរបស់អ្នកភូមិទៀតរាប់រយក្បាល មិនទាន់មានល្បីកើតជំងឺអ្វីនោះទេ តែក៏មានការព្រួយបារម្ភដែរ ដោយសារពិបាករកអីឲ្យវាស៊ី ។
លោក រ័ត្ន ចំរើន អាយុ៦០ឆ្នាំ នៅភូមិកោះប៉ែន«ខ» ឃុំកោះមិត្តប្រាប់ថា ចម្ការចេករបស់គាត់ និងអ្នក
ផ្សេងទៀតនៅមុខវត្តកោះប៉ែនត្រូវបានទឹកទន្លេឡើងលិចជាយៗ បង្កផលប៉ះពាល់បើមិនទៅកាប់ចេក
នោះទេ នឹងងាប់ដើមត្រូវរលួចទាំងចេកទៀត ម្លោះហើយនៅព្រឹកថ្ងៃទី០១ សីហា ២០១៨ គាត់បានជិះ
ទូកទៅកាប់បាន០១កូនទូក យកមកផ្ទះក្នុង១ស្ទងលក់បានតម្លៃ៤.០០០រៀល ចេក០១ស្និត តម្លៃ
៥០០រៀល ដោយមានគេមកទិញយកទៅលក់បន្ត ។ ដំណាំពោតក្រហមត្រូវបានទឹកជន់លិចតែខ្លះត្រូវបានកាច់ទាន់ពេលមិនចោទជាបញ្ហារនោះទេ ឆ្នាំនេះផលដំណាំត្រូវទឹកលិចខូចខាត ហើយគាត់នឹងជួបកង្វះខាតក្នុងជីវភាពគ្រួសារ ដូច្នេះអាចនឹងត្រូវខ្ចីលុយគេមកចាយវាយសិន ហើយដល់រដូវទឹកសម្រកវិញនឹងបង្កបង្កើនផលដាំដុះទូទាត់សងគេវិញ ។
យោងតាមរបាយការណ៍របស់លោក ឃន ប្រុស ប្រធានលេខាធិការដ្ឋានអចិន្ត្រៃយ៍គ.គ.ម.ខ គិតត្រឹម
ល្ងាចថ្ងៃទី០១ សីហា ២០១៨ ឲ្យដឹងថា ស្រុកដែលរងផលប៉ះពាល់ពីទឹកទន្លេមេគង្គមាន ១ -ស្រុកកោះ
សូទិន ២-ស្រុកស្ទឹងត្រង់ ៣-ស្រុកស្រីន្ធរ ៤-ស្រុកកំពង់សៀម ៥-ស្រុកកងមាស សរុបចំនួន១៤.៧០៤
គ្រួសារ ពោតចំនួន១១៤,៥ហិកតា ដំណាំផ្សេងៗចំនួន១៦០,៥ហិកតា រុះរើផ្ទះចំនួន៤ខ្នង លិចវត្តចំនួន
១៧វត្ត លិចសាលារៀន១៤ លិចមណ្ឌលសុខភាព២ លិចផ្លូវក្រាលគ្រួសក្រហម២៦.២២៥ម៉ែត្រ
លិចផ្លូវបេតុង២១.០០៣ម៉ែត្រ បាក់ច្រាំងទន្លេបណ្តោយ៣.១២៥ម៉ែត្រ ប្រជាពលរដ្ឋមកជម្លៀសមកនៅ
ទីទួលសុវត្ថិភាពចំនួន២៨៦គ្រួសារ សត្វពាហនៈចំនួន៨០១ក្បាលផងដែរ ។
លោក គួច ចំរើន អភិបាលនៃគណៈអភិបាលខេត្ត មានប្រសាសន៍ឲ្យដឹងនៅល្ងាចថ្ងៃទី០១ សីហា២០១៨ថា ក្នុងពេលដែលមានគ្រោះទឹកជំនន់ទន្លេមេគង្គ បានធ្វើឲ្យស្រុកនៅជាប់ទន្លេមេគង្គត្រូវបានទឹកជន់ លិចផ្ទះសម្បែងដូចនៅឃុំកោះសំរោង ស្រុកកំពង់សៀម ត្រូវបានជម្លៀសមកកាន់ទីទួលសុវត្ថិភាពនៅថ្មគោល នៅឃុំមៀន ស្រុកព្រៃឈរ ចំនួន១១២គ្រួសារ រើមកទួលសុវត្ថិភាព ស្រុកកោះសូទិនក៏បានរងគ្រោះលិចលង់ដែរ ។ នៅក្នុងទីទួលសុវត្ថិភាពចំនួន៣កន្លែង មានគ្រូពេទ្យដាក់នៅប្រចាំការ ដើម្បីថែទាំសុខភាពពលរដ្ឋ ៕
ចែករំលែកព័តមាននេះ