គណបក្ស​ខ្លះ​ថា​ការ​បោះ​ឆ្នោត​មិន​ត្រឹមត្រូវ​ទាំងស្រុង តែ​មាន​គណបក្ស​មួយ​ថ្លែង​ខុស​គេ


រាជ​ធានី​ភ្នំពេញ ៖ ក្រោយ​ការ​បោះ​ឆ្នោត​មាន​គណបក្ស​មិន​បាន​អាសនៈ​ខ្លះ​ប្រកាស​ថា ការ​បោះ​ឆ្នោត​មិន​ត្រឹមត្រូវ​ទាំងស្រុង តែ​ចំណែក​គណបក្ស​សញ្ជាតិ​កម្ពុជា​បាន​ចេញ​សេចក្តី​ថ្លែង​ថា បក្ស​សញ្ជាតិ​កម្ពុជា (​គ​.​ស​.​ក​) សង្កេត​ឃើញ​ថា នៅ​ថ្ងៃ​ទី​២៩ ខែកក្កដា ឆ្នាំ​២០១៨ ចាប់តាំងពី​ព្រលឹម​មិន​ទាន់​ដល់​ម៉ោង​៧​ផង​មាន​ប្រជាពលរដ្ឋ​មក​តម្រង់​ជួរ​រង់ចាំ​យ៉ាងច្រើន​កុះករ​ប្រកបដោយ​សេចក្តី​រីករាយ និង​មាន​របៀបរៀបរយ​នៅ​តាម​ការិយាល័យ​បោះ​ឆ្នោត​រៀង​ៗ​ខ្លួន ។

គណបក្ស​សញ្ជាតិ​កម្ពុជា​បាន​កត់សម្គាល់​ឃើញ​ថា សម្រាប់​ការ​បោះ​ឆ្នោត​ជ្រើសតាំង​តំណាង​រាស្ត្រ​នីតិកាល​ទី​៦ ខែកក្កដា ឆ្នាំ​២០១៨ បាន​ប្រព្រឹត្ត​ទៅ​ដោយ​រលូន​គ្មាន​ការ​រំខាន គ្មាន​ការ​រារាំង គ្មាន​អំពើ​ហិង្សា គ្មាន​ការ​បំភិតបំភ័យ ដោយ​សេរី​ត្រឹមត្រូវ ស្មើភាព តម្លាភាព យុត្តិធម៌ ទទួលយក​បាន និង​មាន​ភាពល្អ​ប្រសើរ​ជាង​អាណត្តិ​មុន​ៗ ។

គណបក្ស​សញ្ជាតិ​កម្ពុជា​បាន​ថ្លែង​ថា ៖ «​គណបក្ស​សញ្ជាតិ​កម្ពុជា​សូម​កោតសរសើរ និង​ថ្លែងអំណរគុណ​ដល់​គណៈកម្មាធិការ​ជាតិ​រៀបចំ​ការ​បោះ​ឆ្នោត និង​គ្រប់​ភាគី​ពាក់ព័ន្ធ​ដែល​មានការ​សហការ​នៅ​ក្នុង​ដំណើរការ​បោះ​ឆ្នោត​នេះ​» ៕

Facebook Google Twitter Email

​នយោបាយ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ