ខេត្តកំពង់ធំ ៖ ករណីគ្រោះថ្នាក់ចរាចរណ៍មួយបានលើកឡើងនៅវេលាម៉ោង២១និង៣៥នាទីយប់ ថ្ងៃទី៣១ ខែកក្កដា ឆ្នាំ២០១៨ លើកំណាត់ផ្លូវជាតិលេខ០៦ ចំណុចផ្លូវបំបែកជាបួន (ផ្លូវវាងក្រុងស្ទឹងសែន) ស្ថិតនៅក្នុងភូមិព្រៃតាហ៊ូ…
ខេត្តកំពង់ធំ ៖ ករណីគ្រោះថ្នាក់ចរាចរណ៍មួយបានលើកឡើងនៅវេលាម៉ោង២១និង៣៥នាទីយប់ ថ្ងៃទី៣១ ខែកក្កដា ឆ្នាំ២០១៨ លើកំណាត់ផ្លូវជាតិលេខ០៦ ចំណុចផ្លូវបំបែកជាបួន (ផ្លូវវាងក្រុងស្ទឹងសែន) ស្ថិតនៅក្នុងភូមិព្រៃតាហ៊ូ សង្កាត់ព្រែតាហ៊ូ ក្រុងស្ទឹងសែន ខេត្តកំពង់ធំ ។
សមត្ថកិច្ចនគរបាលក្រុងស្ទឹងសែនប្រាប់ថា ករណីគ្រោះថ្នាក់ចរាចរណ៍នេះបានកើតឡើងរវាងរថយន្ត ពណ៌ទឹកប្រាក់ ពាក់ស្លាកលេខសៀមរាប 2B- 4707 (បើកបរឆ្លងកាត់ផ្លូវពីលិចទៅកើត) ដោយឈ្មោះ អៀង ម៉ារ៉ូ ភេទប្រុស អាយុ៥១ឆ្នាំ (អាជីវករ) រស់នៅភូមិទំនប់៩៥ ឃុំប៉ាលហាល ស្រុកត្បែងមានជ័យ ខេត្តព្រះវិហារ (របួសស្រាល) និងអ្នករួមដំណើរជាមួយឈ្មោះ ហួត ចន្ថា ភេទស្រី អាយុ៤៥ឆ្នាំ អាជីវកររបួសធ្ងន់ ត្រូវជាប្រពន្ធអ្នកបើកបររថយន្ត របួសធ្ងន់ ដោយបានបុកជាមួយនឹងរថយន្តម៉ាកហ៊ីយាន់ដាយ ពណ៌ស ស្លាកលេខកំពង់ធំ 3A-1499 (ដឹកស្រូវ) (បើកបរផ្លូវត្រង់ពីត្បូងទៅជើង) អ្នកបើកបរមិនស្គាល់អត្តសញ្ញាណបានរត់គេចខ្លួនបាត់បន្ទាប់ពីបានបុកជាមួយរថយន្តតាពណ៌ទឹកប្រាក់ខាងលើ ។
សមត្ថកិច្ចបញ្ជាក់ថា ករណីគ្រោះថ្នាក់ចរាចរណ៍ខាងលើមូលហេតុជាបឋមបង្កឡើងដោយអ្នកបើកបររថយន្តតាពណ៌ទឹកប្រាក់ បើកបរឆ្លងកាត់ផ្លូវមិនគោរពសិទ្ធិអាទិភាព រួមផ្សំនឹងអ្នកបើកបររថយន្តម៉ាកហ៊ីយាន់ដាយមានល្បឿនលឿន ក្រោយពីវាស់វែងរួចវត្ថុតាងរក្សាទុកនៅស្នងការដ្ឋាននគរបាលខេត្តកំពង់ធំ ៕
ចែករំលែកព័តមាននេះ