ខេត្តក្រចេះ ៖ បុរសម្នាក់បានត្រូវរន្ទះបាញ់ស្លាប់នៅវាលស្រែខាងក្រោយភូមិ ខណៈគាត់ទៅមើលទឹកស្រែពេលកំពុងធ្លាក់ភ្លៀង និងមានខ្យល់រន្ទះខ្លាំង ក្រោយពីត្រឡប់មកពីបោះឆ្នោតវិញ កាលពីថ្ងៃទី២៩ កក្កដា នៅភូមិជ្រោយបន្ទាយ ឃុំជ្រោយបន្ទាយ ស្រុកព្រែកប្រសព្វ ។
អ្នកភូមិជ្រោយបន្ទាយនិយាយថា ជនរងគ្រោះឈ្មោះ ជុំ ភារុន អាយុ៣៥ឆ្នាំ រស់នៅក្នុងភូមិខាងលើ បានត្រូវរន្ទះបាញ់ស្លាប់ភ្លាមៗ ដោយមិនអាចជួយសង្គ្រោះទាន់ និងមានស្នាមជាំពេញលើរាងកាយ ។
គ្រោះធម្មជាតិរន្ទះបាញ់ ត្រូវគេមើលឃើញថា កំពុងបង្កការយាយីដល់អាយុជីវិតពលរដ្ឋនៅតាមតំបន់ខ្លះក្នុងខេត្តក្រចេះ ។
សេចក្តីរាយការណ៍ឱ្យដឹងទៀតថា មានមនុស្សជាច្រើននាក់ហើយ ដែលបានស្លាប់នាពេលកន្លងមកដោយសារបាតុភូតគ្រោះរន្ទះបាញ់នេះ ចាប់តាំងពីដើមរដូវវស្សាមក ។ អ្នករងគ្រោះដែលស្លាប់ដោយគ្រោះរន្ទះបាញ់ភាគច្រើន កើតមាននៅស្រុកចិត្របុរី និងស្រុកស្នួល ៕
ចែករំលែកព័តមាននេះ