រាជធានីភ្នំពេញ ៖ ក្រុមហ៊ុន AAP International Cambodia នឹងរៀបចំពិធីតាំងពិព័រណ៍ផ្កា នាថ្ងៃសៅរ៍ ទី៣០ មីនា ឆ្នាំ២០១៣ ចំនួនពីរពេល គឺនាពេលព្រឹកចាប់ពីមោ៉ង១០ព្រឹក រហូតដល់ម៉ោង១២ថ្ងៃត្រង់ និងពេលថ្ងៃ ចាប់ពីមោ៉ង២រសៀលរហូតដល់ម៉ោង៤រសៀលនៅសណ្ឋាគារសូហ្វីតែល ។
រាជធានីភ្នំពេញ ៖ ក្រុមហ៊ុន AAP International Cambodia នឹងរៀបចំពិធីតាំងពិព័រណ៍ផ្កា នាថ្ងៃសៅរ៍ ទី៣០ មីនា ឆ្នាំ២០១៣ ចំនួនពីរពេល គឺនាពេលព្រឹកចាប់ពីមោ៉ង១០ព្រឹក រហូតដល់ម៉ោង១២ថ្ងៃត្រង់ និងពេលថ្ងៃ ចាប់ពីមោ៉ង២រសៀលរហូតដល់ម៉ោង៤រសៀលនៅសណ្ឋាគារសូហ្វីតែល ។
ការតាំងពិព័រណ៍ផ្កាវេលាព្រឹកនិងថ្ងៃ នឹងត្រូវបានអញ្ជើញចូលរួមពីសំណាក់ភ្ញៀវកិត្តិយសជាច្រើននាក់មកពីបណ្តាក្រុមហ៊ុន សហគ្រាស ធុនធំតូច និងអ្នកជំនួញផ្សេងៗនៅក្នុងប្រទេសកម្ពុជា។សម្រាប់ភ្ញៀវកិត្តិយសពិសេស កម្មវិធីនឹងប្រារព្ធឡើងនាពេលល្ងាចចាប់ពីម៉ោង៦រហូតដល់ម៉ោង៩យប់ ដោយមានវត្តមានក្រោមអធិបតីភាពរបស់លោកឧបនាយករដ្ឋមន្ត្រី យឹម ឆៃលី និងលោកជំទាវ ម៉ៅ ម៉ាល័យ លោក ជា សំណាង និងលោក តាន់ មុនីវណ្ណ ផងដែរ ។
ក្រុមហ៊ុន AAP International Cambodia ផ្តួចផ្តើមនូវពិធីតាំងពិព័រណ៍ផ្កានេះ ក្នុងគោលបំណងដើម្បីបង្ហាញនូវប្រភេទផ្កាដ៏សម្បូរបែប ដែលនឹងធ្វើការដាំដុះនៅក្នុងប្រទេសកម្ពុជា ក្រោមបច្ចេកវិជ្ជាកសិកម្មពីប្រទេសជប៉ុននិងហូឡង់ ។ ពិធីតាំងពិព័រណ៍ផ្កា ជាកម្មពិធីពិសេសដ៏ថ្មីមួយ ដែលមិនធ្លាប់មាននៅប្រទេសពីមុន មក ។ សិល្បៈនៃការតាំងពិព័រណ៍ផ្កាជាការច្នៃប្រឌិតខ្ពស់មួយដែលផ្កាស្រស់ជាច្រើនប្រភេទនឹងត្រូវបានរចនាសម្រាប់ដាក់តាំងលម្អយ៉ាងប្រណីត និងប្លែកភ្នែក ។
លោក KONNO IKUO អគ្គនាយកនៃក្រុមហ៊ុន AAP International Cambodia មានប្រសាសន៍ថា «ដោយសារតែប្រទេសកម្ពុជា ធុំធ្លាប់មានកសិដ្ឋានផ្ការបស់ខ្លួន ហើយធ្លាប់តែនាំចូលផ្កាមកពីប្រទេសជិតខាង ខ្ញុំប្តេជ្ញាថានឹងបង្កើតឱ្យមានកសិដ្ឋានផ្កាសម្រាប់ដាំដុះ និងសម្រាប់នាំចេញផលិតផលផ្កាដ៏សម្បូរបែបទៅលក់នៅបរទេស ហើយនឹងធ្វើឱ្យកសិដ្ឋានផ្កាប្រទេសកម្ពុជាឈានមុខលើសប្រទេសជិតខាង ក្នុងទ្វីបអាស៊ី ។ ជាពិសេសយើងនឹងចូលរួមចំណែកបង្កើតទីផ្សារការងារនៅក្នុងប្រទេសកម្ពុជា ក៏ដូចជាទាក់ទាញភ្ញៀវទេសចរមកកម្សាន្តផងដែរ» ។
លើសពីនេះទៅទៀត ក្រុមហ៊ុននឹងបង្ហាញនូវសេវាកម្មពិសេសៗរបស់ខ្លួន រួមទាំងគម្រោងបង្កើតកសិដ្ឋានផ្កា (Flower Story Farm) និងឧទ្យានសិល្បៈភ្លើងលម្អ (Illumination Park) ផងដែរ ។គួរបញ្ជាក់ផងដែរថា ក្រុមហ៊ុន AAP International Cambodia ជាក្រុមហ៊ុនដែលមានសាខានៅសហរដ្ឋអាមេរិក និងជប៉ុន ហើយបច្ចប្បន្នក៏បានមកដល់ប្រទេសកម្ពុជា ។ សព្វថ្ងៃនេះ ក្រុមហ៊ុន AAP International Cambodia មានក្រុមហ៊ុនសំណុំចំនួន១៦ ដែលកំពុងដំណើរការផងដែរ ៕
ចែករំលែកព័តមាននេះ