ខេត្តស្ទឹងត្រែង ៖ គិតនៅម៉ោង៧ និង៣០នាទីយប់ ថ្ងៃទី២៥ ខែកក្កដានេះ ទឹកទន្លេមេគង្គមានកម្ពស់៩.៧៧ម៉ែត្រ (កម្រិតប្រកាសអាសន្ន១០.៧០ម៉ែត្រ) ទឹកទន្លេសេសាន មានកម្ពស់៩.១៣ម៉ែត្រ…
ខេត្តស្ទឹងត្រែង ៖ គិតនៅម៉ោង៧ និង៣០នាទីយប់ ថ្ងៃទី២៥ ខែកក្កដានេះ ទឹកទន្លេមេគង្គមានកម្ពស់៩.៧៧ម៉ែត្រ (កម្រិតប្រកាសអាសន្ន១០.៧០ម៉ែត្រ) ទឹកទន្លេសេសាន មានកម្ពស់៩.១៣ម៉ែត្រ (កម្រិតប្រកាសអាសន្ន១០.៥០ម៉ែត្រ) ទន្លេសេកុង ស្ថិតនៅស្រុកសៀមប៉ាង ឡើងដល់១១.៥៤ម៉ែត្រ ដល់កម្រិតប្រកាសអាសន្ន ហើយបណ្តាលឲ្យទឹកលិចចូលភូមិចំនួន១៧ភូមិ ក្នុងឃុំថ្មកែវ ឃុំសន្តិភាព ឃុំសេកុង និងឃុំស្រែសំបូរ នៃស្រុកសៀមប៉ាង។
អាជ្ញាធរខេត្ត កងប្រដាប់អាវុធគ្រប់ប្រភេទ បានជួយរំដោះប្រជាពលរដ្ឋ ទៅទីទួលសុវត្ថិភាពបានឃុំមួយចំនួនដូចជា៖ ឃុំសន្តិភាព បានជម្លៀសប្រជាពលរដ្ឋ៦០គ្រួសារ ឃុំថ្មកែវ១១៥គ្រួសារ ឃុំស្រែសំបូរ១៤១គ្រួសារ និងគ្រួសារផ្សេងទៀត បានចេញទៅរស់នៅជាមួយបងប្អូនសាច់ញាតិ ហើយជាង១.០០០គ្រួសារទៀត កំពុងបន្តជម្លៀសចេញ។
ទន្ទឹមនឹងទឹកហក់ឡើងជាបន្តបន្ទាប់ ដោយឡែកទឹកទន្លេមេគង្គក៏ឈានទៅរក កម្រិតប្រកាសអាសន្នផង ដែលរដ្ឋបាលខេត្តស្ទឹងត្រែងចេញសេចក្តីជូនដំណឹងលើកទី២ ឲ្យបងប្អូនប្រជាពលរដ្ឋរស់នៅតាមដងទន្លេមេគង្គ ត្រៀមលក្ខណៈប្រុងប្រយ័ត្នជាប់ជានិច្ច៕
ចែករំលែកព័តមាននេះ