ខេត្តកំពង់ធំ ៖ ករណីខ្យល់កន្ត្រាក់រលំផ្ទះខាងលើនេះ បានបង្កឡើងកាលពីវេលាម៉ោង៦និង៣០នាទីយប់ថ្ងៃទី២១ ខែកក្កដា ឆ្នាំ២០១៨ ស្ថិតនៅតំបន់ដាច់ស្រយាល ក្នុងភូមិអូរចំរេះ ឃុំបាក់ស្នា ស្រុកបារាយណ៍ ខេត្តកំពង់ធំ ។
អាជ្ញាធរបានឱ្យដឹងថា ករណីខ្យល់កន្ត្រាក់មួយលើកខាងលើនេះបានបណ្តាលឲ្យរងផលប៉ះពាល់ រលំផ្ទះ១ខ្នង របើកដំបូលផ្ទះ១ខ្នង និងរបើកដំបូលសាលារៀន១ខ្នង ក្នុងនោះរួមមាន ទី១-ម្ចាស់ផ្ទះឈ្មោះ សេក សឿ ភេទប្រុស អាយុ៣២ឆ្នាំ និងប្រពន្ធឈ្មោះ ជា យឿន អាយុ៤០ឆ្នាំ ផ្ទះទំហំ៥ម៉ែត្រគុណនឹង៦ម៉ែត្រ ធ្វើអំពីឈើ ជញ្ជាំស័ង្កសី ប្រក់ហ្វ៊ីប្រូរងការខូចខាតរបើកដំបូលហ្វ៊ីប្រូអស់ចំនួន៧សន្លឹក ។
ទី២-ម្ចាស់ផ្ទះឈ្មោះ ប៉ោ ខឿន ភេទប្រុស អាយុ២៣ឆ្នាំ និងប្រពន្ធឈ្មោះ សុំ ស៊ុនហេង អាយុ២៨ឆ្នាំ ផ្ទះទំហំ៥ម៉ែត្រគុណនឹង៣ម៉ែត្រ ធ្វើអំពីឈើប្រក់ស្បូវរងការខូចខាតរលំទាំងស្រុង ជើងសរសរផ្ងារឡើងលើ
និងទី៣-សាលាបឋមសិក្សាកំពង់ក្របី ធ្វើអំពីឈើ ប្រក់ហ្វ៊ីប្រូរងការខូចខាតរបើកដំបូលហ្វ៊ីប្រូអស់ចំនួន៥សន្លឹក។
ករណីខាងលើមិនបង្កឲ្យរងរបួសដល់មនុស្សនោះឡើយ៕
ចែករំលែកព័តមាននេះ