តើអ្នកចាប់បានប្តីរបស់អ្នកកំពុងមើលសិច ឬរកគេហទំព័រសិចក្នុងប្រវត្តិរុករករបស់គាត់ទេ? ក្នុងនាមជាភរិយា រឿងនេះអាចធ្វើឲ្យអ្នកមានអារម្មណ៍ ខុសៗគ្នា … ឆ្ងល់ ខឹង ឈឺចាប់ ឬធ្លាក់ទឹកចិត្ត ។ បន្ទាប់ពីអ្នកឈប់បន្តិច និងត្រជាក់ចិត្ត សូមពិចារណាថាជម្រើសខាងក្រោមអាចមានប្រយោជន៍ចំពោះអ្នក និងស្វាមីអ្នកដែលកំពុងមើលរឿងអាសអាភាស ។
១. សួរសំណួរ ៖ ទីមួយគឺនិយាយជាមួយគាត់អំពីវា ។ គាត់អាចខ្មាសអៀនដើម្បីសារភាពវា ប៉ុន្តែអ្នកអាចដឹងពីបញ្ហាស្នូលដែលបណ្តាលឲ្យគាត់សម្លឹងមើលសិចតាំងពីដំបូង ។ គួរនិយាយបើកចំហ ដើម្បីស្វែងរកដំណោះស្រាយ ។
២. កុំខឹង ឬផ្តន្ទាទោស ហើយត្រូវមានចិត្តមេត្តា ៖ សូមចងចាំថា អ្នកក៏មានបញ្ហា និងភាពទន់ខ្សោយផងដែរ ។ ពិចារណាអំពីរបៀបដែលអ្នកចង់ឲ្យគាត់ប្រព្រឹត្ដចំពោះអ្នក ក្រោយពីអ្នកបានធ្វើខុស ឬពេលអ្នកព្យាយាមយកឈ្នះលើតំបន់ដែលខ្សោយ ។
៣. ក្លាយជាផ្នែកមួយនៃដំណោះស្រាយ ៖ ប្រហែលនេះជាពេលវេលាដ៏ល្អមួយ ដើម្បីចែករំលែកបទពិសោធន៍ និងបញ្ហានានានាដោយបើកចំហ ។ សួរគាត់អំពីរបៀបដែលអ្នកអាចជួយបាន (ស្រង់ពីគេហទំព័រសុខភាព) ៕
ចែករំលែកព័តមាននេះ