ខេត្តបាត់ដំបង ៖ យុទ្ធនាកាឃោសនាការបោះឆ្នោតជ្រើសរើសតំណាងរាស្ត្រ រដ្ឋសភាអាណត្តិទី៦ របស់គណបក្សប្រជាជនកម្ពុជាបានធ្វើឡើងក្នុងក្រុងបាត់ដំបងតាមមូលដ្ឋានរបស់ក្រុមការងារគ្រប់ទីកន្លែង ។ ដោយឡែកក្រុមការងារសង្កាត់រតនៈដែលដឹកនាំដោយលោក ឯក សំអូន ប្រធានក្រុមការងារសង្កាត់រតនៈបានបើកក្បួនដង្ហែដែលមានសមាជិកប្រមាណជាង៤០០នាក់…
ខេត្តបាត់ដំបង ៖ យុទ្ធនាកាឃោសនាការបោះឆ្នោតជ្រើសរើសតំណាងរាស្ត្រ រដ្ឋសភាអាណត្តិទី៦ របស់គណបក្សប្រជាជនកម្ពុជាបានធ្វើឡើងក្នុងក្រុងបាត់ដំបងតាមមូលដ្ឋានរបស់ក្រុមការងារគ្រប់ទីកន្លែង ។
ដោយឡែកក្រុមការងារសង្កាត់រតនៈដែលដឹកនាំដោយលោក ឯក សំអូន ប្រធានក្រុមការងារសង្កាត់រតនៈបានបើកក្បួនដង្ហែដែលមានសមាជិកប្រមាណជាង៤០០នាក់ រៀបចំហែចេញពីទីស្នាក់ការគណបក្សសង្កាត់រតនៈឆ្ពោះទៅមាត់ស្ទឹងសង្កែ ងាកមកកាត់តាមរូបសំណាកលោកតាដំបងគ្រញូងហួសទៅរង្វង់មូលព្រាប ស ហើយត្រឡប់ទៅស្ពានថ្មចាស់មុខសាលាខេត្តប្របមាត់ស្ទឹងចុះទៅក្រោមរហូតដល់ស្ពានសាលាឧត្តរះ ចុះតាមផ្លូវអាស្រមប៊ុត សាវង្សផ្លូវវាងក្រុង រួចចូលក្នុងទីស្នាក់ការគណបក្សប្រជាជនកម្ពុជាវិញ ។
ក្នុងនោះសកម្មភាពប្រមូលផ្តុំឃោសនានៅនឹងកន្លែងឃោសនាចល័តចុះតាមក្រុមបក្ស និងខ្នងផ្ទះបញ្ចាំងភាពយន្ត និងចាក់មេក្រូតាមស្នាក់ការបក្ស និងមណ្ឌលសកម្មភាពបក្សដោយមានអ្នកចូលរួមសរុបប្រមាណ៧៦,១៣៣នាក់ ។
ដោយរាល់សកម្មភាពក្បួនដង្ហែមានសមត្ថកិច្ចឃ្លាំមើល និងប៉ូលិសជួយរក្សាសណ្តាប់ធ្នាប់រក្សាសន្តិសុខ ចៀសវាងការបង្កបញ្ហាដាក់គ្នាគ្រប់ទីកន្លែង ៕
ចែករំលែកព័តមាននេះ