រាជធានីភ្នំពេញ ៖ មន្ត្រីជំនាញជំងឺមហារីកឲ្យដឹងថា ជំងឺមួយក្នុងចំណោមជំងឺកាចសាហាវផ្សេងទៀតដែលសម្លាប់ប្រជាជនខ្មែរ និងប្រជាជនលើពិភពលោកច្រើនជាងគេបំផុតនោះ គឺជំងឺ មហារីក ។ បុរសនិងស្ត្រីកម្ពុជាកំពុងតែប្រឈមនឹងជំងឺនេះគួរអោយព្រួយបារម្ភ។ លោកវេជ្ជបណ្ឌិត…
រាជធានីភ្នំពេញ ៖ មន្ត្រីជំនាញជំងឺមហារីកឲ្យដឹងថា ជំងឺមួយក្នុងចំណោមជំងឺកាចសាហាវផ្សេងទៀតដែលសម្លាប់ប្រជាជនខ្មែរ និងប្រជាជនលើពិភពលោកច្រើនជាងគេបំផុតនោះ គឺជំងឺ មហារីក ។ បុរសនិងស្ត្រីកម្ពុជាកំពុងតែប្រឈមនឹងជំងឺនេះគួរអោយព្រួយបារម្ភ។
លោកវេជ្ជបណ្ឌិត អ៊ាវ សុខា ប្រធានផ្នែកមហារីក និងជំងឺឈាមនៃមន្ទីរពេទ្យកាល់ម៉ែត ថ្លែងប្រាប់សារព័ត៌មានកោះសន្តិភាពឲ្យដឹងថា អង្គការសុខភាពពិភពលោករកឃើញថា ចាប់តាំងពីឆ្នាំ២០១០ រហូតមកដល់បច្ចុប្បន្ននេះជំងឺមហារីកជាឃាតករលេខ ១ ដែលឆក់យកជីវិតមនុស្សច្រើនបំផុត ។ នៅកម្ពុជា ជំងឺមហារីកចំនួន ៥ (Top 5) ដែលកើតញឹកញាប់ជាងគេបំផុតលើស្ត្រីកម្ពុជា គឺ ៖
១ – មហារីកមាត់ស្បូន
២ – មហារីកសុដន់
៣ – មហារីកក្រពះពោះវៀន
៤ – មហារីកសួត
៥ – មហារីកថ្លើម ។
រីឯជំងឺមហារីកចំនួន ៥ ដែលកើតញឹកញាប់ជាងគេបំផុតលើបុរសខ្មែរ និងបានសម្លាប់ប្រជាពលរដ្ឋខ្មែរយ៉ាងស្ងៀមស្ងាត់បំផុតនោគឺ មាន៖
១ – មហារីកថ្លើម
២ – មហារីកសួត
៣ – មហារីកក្រពះ
៤ – មហារីកពោះវៀនធំ
៥ – មហារីកកូនកណ្ដុរ ។
លោកវេជ្ជបណ្ឌិតមានប្រសាសន៍បញ្ជាក់ថា ការកកើតនៃជំងឺនេះ គឺបង្កឡើងដោយសារមូលហេតុធំៗមួយចំនួនដូចជាការប្រើប្រាស់ថ្នាំជក់ សេពគ្រឿងស្រវឹង និងការបរិភោគអាហារមិនមានអនាម័យជាដើម។
វេជ្ជបណ្ឌិត សុរ៉ាផន ស៊ីរីវ៉ាត (Doctor Suraporn Siriwat)ប្រធានមន្ទីរពេទ្យ Phyathai 3 , មានប្រសាសន៍ឲ្យសម្រាប់មន្ទីរពេទ្យ Phyathai Hospital Group ដែលមាន ៣ សាខា គឺទទួលបានអ្នកជំងឺពីកម្ពុជាប្រមាណជាង ៥២ ០០០ នាក់ក្នុងមួយឆ្នាំ ហើយអ្នកជំងឺកម្ពុជាខ្លះដែលមកមន្ទីរពេទ្យរបស់លោក គឺមានបញ្ហាមហារីកក្រពះ និងពោះវៀនជាចម្បង បន្ទាប់មកគឺមានការមកពិនិត្យសុខភាពប្រចាំឆ្នាំជាធម្មតា និងប្រមាណ ១៦០០០ នាក់ផ្សេងទៀត គឺអ្នកជំងឺមកខ្មែរដែលមកព្យាបាលជំងឺបេះដូង ។
វេជ្ជបណ្ឌិត សុរ៉ាផន ស៊ីរីវ៉ាត មានប្រសាសន៍បន្ថែមថា៖ «សម្រាប់ការព្យាបាលអ្នកជំងឺកម្ពុជា គឺមន្ទីរពេទ្យយើងព្យាបាលភាគច្រើនលើជំងឺមហារីកក្រពះ និងពោះវៀន (Gastrointestinal cancer) ដែលមានតាំងពីដំណាក់កាលដំបូងៗ និងដំណាក់ចុងក្រោយផងដែរ » ៕
អត្ថបទនេះនាំជូនមកដោយក្រុមហ៊ុនធានារ៉ាប់រងជីវិត AIA
ចែករំលែកព័តមាននេះ