មង្គលភ្ញាក់ផ្អើលគឺជាសន្ធឹកសំឡេងមកពីទីឆ្ងាយចេញពីមនុស្សម្នាក់បន្តទៅមនុស្សម្នាក់ គ្មានប្រភពច្បាស់ច្បាស់លាស់ ឧទាហរណ៍ៈ បានឮមកថា មានគ្រូទេពចេះមើលជំងឺ ចេះប្រោះមនុស្សស្លាប់ឱ្យរស់ឡើងវិញ ហើយរឿងនេះក៏ល្បីខ្ទរពីភូមិមួយទៅភូមិមួយ ពីតំបន់មួយទៅតំបន់មួយរហូតល្បីពេញមួយនគរ។ ប៉ុន្តែទីបំផុតរកប្រភពមិនឃើញ រកអ្នកផ្តើមរឿងមិនបាន គឺចេះតែល្បីតៗគ្នា…ប៉ុណ្ណេះជាដើមហៅថា មង្គលភ្ញាក់ផ្អើល ។
នៅក្នុងមង្គលជាតក ព្រះបរមសាស្តាទ្រង់ត្រាស់ថា មង្គលទាំងឡាយក្តី ឧត្បាតទាំងឡាយក្តី សុបិនទាំងឡាយក្តី លក្ខណៈទាំងឡាយក្តី ជោគអាក្រក់ក្តី ជោគល្អក្តី ដែលបុគ្គលណាបានផ្តាច់បង់ហើយ បុគ្គល នោះឈ្មោះថាជាអ្នកកន្លងផុតនូវទោសនៃមង្គលភ្ញាក់ផ្អើល ជាអ្នកគ្របសង្កត់នូវយុគក្កិលេសគឺ ក្រោធ១ ការចងគំនុំ១ ការរមិលគុណគេ១ និងការវាយឫក១ ទាំង៤នេះហៅថា យុគក្កិលេស ។
ដោយសេចក្តីថា បុគ្គលណាធ្វើកិច្ចការអ្វីៗប្រកបដោយបញ្ញា យកបញ្ញាជាធំមកពិចារណាគ្រប់កិច្ចការ គ្រប់រឿងហេតុ គឺតាំងចិត្តឱ្យស៊ប់ល្អ មិនចេះតែជឿផ្តេសផ្តាសឡើយ បុគ្គលនោះឈ្មោះថា ជាអ្នកកន្លងផុតនូវ ទោសនៃមង្គលភ្ញាក់ផ្អើល ។
ចែករំលែកព័តមាននេះ