ខេត្តកំពត ៖ សេចក្តីរាយការណ៍បឋមឲ្យដឹងថា កាលពីវេលាម៉ោង៤ទៀបភ្លឺថ្ងៃទី១៨ ខែកក្កដា ឆ្នាំ២០១៨ សមត្ថកិច្ចបានទទួលព័ត៌មានថា មានមនុស្សម្នាក់ស្លាប់នៅក្នុងទឹក លើផ្លូវក្នុងភូមិ១ឧសភា សង្កាត់កំពង់កណ្តាល…
ខេត្តកំពត ៖ សេចក្តីរាយការណ៍បឋមឲ្យដឹងថា កាលពីវេលាម៉ោង៤ទៀបភ្លឺថ្ងៃទី១៨ ខែកក្កដា ឆ្នាំ២០១៨ សមត្ថកិច្ចបានទទួលព័ត៌មានថា មានមនុស្សម្នាក់ស្លាប់នៅក្នុងទឹក លើផ្លូវក្នុងភូមិ១ឧសភា សង្កាត់កំពង់កណ្តាល ក្រុងកំពត ខេត្តកំពត ។
ក្រោយពេលទទួលបានព័ត៌មាននៅះ កម្លាំសមត្ថកិច្ចនគរបាលក្រុងកំពត បានចុះដល់កន្លែងកើតហេតុ ពិនិត្យឃើញថា ពិតជាមានស្ត្រីវ័យចំណាស់ម្នាក់ស្លាប់ក្នុងទឹកមែន ។ សាកសពមានឈ្មោះ ម៉ែន សន ភេទស្រី អាយុ៥៩ឆ្នាំ សព្វថ្ងៃនៅរស់នៅភូមិត្រពាំងស្វាយ ឃុំតាភេម ស្រុកត្រាំកក់ ខេត្តតាកែវ ជាអ្នកដើរសុំទាននៅផ្សារកំពត ។
បន្ទាប់មកសមត្តកិច្ចបានបង្កើតគណៈកម្មការចុះពិនិត្យ មានការិយាល័យបច្ចេកទេស បានធ្វើកោសល្យវិច្ច័យ និងសន្និដ្ឋានថា ជនរងគ្រោះពិតជាស្លាប់ដោយសារខ្យល់.គដួលឈ្លក់ទឹកស្លាប់ដេកផ្កាប់មុខនៅក្បែរចិញ្ចើមផ្លូវ ដែលមានទឹកភ្លៀងកម្ពស់ប្រមាណ៤តឹក ។ ក្រោយពីពិនិត្យរួចសមត្ថកិច្ចបានដឹកសកសពយកទៅវត្តកំពង់បាយនៅក្បែរនោះ រង់ចាំកូនចៅមកទទួលធ្វើបុណ្យតាមប្រពៃណី ៕
ចែករំលែកព័តមាននេះ