រាជធានីភ្នំពេញ ៖ រថយន្តបែនដឹកដីមួយគ្រឿងអ្នកបើកខ្វះការប្រុងប្រយ័ត្ននៅផ្លូវចង្អៀតបានជ្រុលទៅកៀររថយន្តមួយគ្រឿងស្របទិសគ្នា បណ្តាលឱ្យរងការខូចខាតបន្តិចបន្តួច ភ្លាមៗនោះមិនព្រមសម្រួលគ្នាទេ គិតតែឡាយវីដេអូបង្កឱ្យការកកស្ទះចរាចរណ៍អស់រាប់ម៉ោង ហេតុការណ៍នេះកើតឡើងនៅម៉ោង៦និង៣០នាទីព្រលប់ ថ្ងៃទី១៥ ខែកក្កដា ឆ្នាំ២០១៨…
រាជធានីភ្នំពេញ ៖ រថយន្តបែនដឹកដីមួយគ្រឿងអ្នកបើកខ្វះការប្រុងប្រយ័ត្ននៅផ្លូវចង្អៀតបានជ្រុលទៅកៀររថយន្តមួយគ្រឿងស្របទិសគ្នា បណ្តាលឱ្យរងការខូចខាតបន្តិចបន្តួច ភ្លាមៗនោះមិនព្រមសម្រួលគ្នាទេ គិតតែឡាយវីដេអូបង្កឱ្យការកកស្ទះចរាចរណ៍អស់រាប់ម៉ោង ហេតុការណ៍នេះកើតឡើងនៅម៉ោង៦និង៣០នាទីព្រលប់ ថ្ងៃទី១៥ ខែកក្កដា ឆ្នាំ២០១៨ ស្ថិតនៅទល់មុខវត្តស្ទឹងមានជ័យ ផ្លូវព្រះមុនីរ៉េត សង្កាត់ស្ទឹងមានជ័យ២ ខណ្ឌមានជ័យ ។
ប្រភពពីកន្លែងកើតឱ្យដឹងថា មុនកើតហេតុ គេឃើញបុរសម្នាក់បើករថយន្តកាមរីឆ្លាម ពណ៌ខ្មៅ ពាក់ស្លាកលេខ ភ្នំពេញ 2M- 8185 ធ្វើដំណើរតាមផ្លូវព្រះមុនីរ៉េតពីលិចទៅកើត មានដឹកនារីវ័យក្មេង៣នាក់ថែមទៀតផង ខណៈមកដល់ចំណុចកើតហេតុ ស្រាប់តែបុរស២នាក់ រួមទាំងអ្នកបើករថយន្តបែនដឹកដី ពណ៌ក្រហម ពាក់ស្លាកលេខភ្នំពេញ 3B-3005 ធ្វើដំណើរស្របគ្នា ហើយណាមួយផ្លូវចង្អៀតផងនោះ ក៏ជ្រុលទៅកៀររថយន្តកាមរីឆ្លាម បណ្តាលឱ្យក្រពិតគូថក្រោយចំហៀងខាងឆ្វេងបន្តិច តែមិនមានគ្រោះថ្នាក់ដល់មនុស្សទេ ចំណែករថយន្តដឹកដីវិញ អត់មានខូចខាតនោះទេ ហើយប្រកែកថា រថយន្តកាមរីឆ្លាម គឺបើកមកកៀរ រថយន្តដឹកដីរបស់គាត់វិញទេ ។
បន្ទាប់ពីកើតហេតុភាគីទាំងសង្ខាង មិនព្រមសម្រួលគ្នាទេ គឺបុរសជាអ្នកបើករថយន្តកាមរីឆ្លាម គិតតែយកទូរស័ព្ទទៅថតឡាយវីដេអូទៅវិញបង្កឱ្យមានការកកស្ទះចរាចរណ៍រាប់ម៉ោង ។ ក្រោយមក មានតំណាងភាគីខាងរថយន្តទាំងសង្ខាងមកធ្វើការសម្របសម្រួលគ្នា ហើយខាងរថយន្តដឹកដីជួយចេញការជួសជុលឱ្យរថយន្តកាមរីឆ្លាម ដើម្បីបញ្ចប់រឿង ៕
ចែករំលែកព័តមាននេះ