យើងច្បាស់ជាដឹងហើយថា ក្រុមមួយឈានដល់វគ្គផ្តាច់ព្រ័ត្រនៃការប្រកួត World Cup គឺដោយសារតែពួកគេបានយកឈ្នះរាល់ឧបសគ្គទាំងអស់ ហើយបានបង្ហាញពីសមត្ថភាពខ្លាំងមិនធម្មតាពិសេសជំនឿចិត្តមុតមាំរបស់ពួកគេក្នុងការលើកពានរង្វាន់នេះអោយបានជាគោលដៅចម្បងបំផុត។

ក្រុមអ្នកសង្កេតនិងវិភាគមួយរបស់ប្រទេសបារាំងបានផ្តល់នូវហេតុផលចំនួនបីដែលគួរអោយជឿជាក់បាននិយាយថា ហេតុអ្វីបានជា ក្រុមមាន់កកបារាំង មានជំនឿចិត្តថា អាចដណ្តើមជ័យជម្នះពានWorld Cup ពីក្រូអាស៊ី នៃការប្រកួតឆ្នាំ 2018 នេះ ។

ស្ថិតិនៃការតាមដានបង្ហាញអោយឃើញថា 1-ភាពរឹងមាំ ទាំងខ្សែការពារ និងប្រយុទ្ធ, 2-ស្មារតីក្រុម សហការគ្នាតាមមុខព្រួញកំណត់ដោយគ្រូបង្វឹក ខ្សែការពារ ខ្សែបម្រើ និងខ្សែប្រយុទ្ធសុទ្ធតែអាចបំលាស់ទីរកគ្រាប់បាល់បានដូចគ្នា និង3-គឺប្រវត្តិសាស្ត្រ 20ឆ្នាំហើយដែលក្រុមបារាំងមិនអាចឈានមកដល់វគ្គផ្តាច់ព្រ័ត្រនេះបាន បន្ទាប់ពីធ្វើជាម្ចាស់ពានកាលពីឆ្នាំ1998មក ៕