សេរ៉ូអាល់ប៊ូតេរ៉ូល ត្រូវបានគេប្រើជាពិសេស សម្រាប់ការព្យាបាលនូវការរឹងសាច់ដុំនៃផ្លូវដង្ហើម ដែលបាន កើតមានចំពោះមនុស្សពេញវ័យ និង កុមារដែលមានជំងឺហឺត និងមានជំងឺនៃការរាំងស្ទះសួតរ៉ាំរ៉ៃ ។
ទោះបីជាវាគ្មានការព្យាបាលសម្រាប់ជំងឺហឺត រោគសញ្ញានៃស្ថានភាពនេះត្រូវបានគេគ្រប់គ្រងបាន ដោយសារសេរ៉ូ អាល់ប៊ូតេរ៉ូលនេះ ។ ខណៈពេលដែលឱសថនេះត្រូវបានប្រើប្រាស់ជាបឋម សម្រាប់ការព្យាបាលបញ្ហានៃផ្លូវ ដង្ហើម វាក៏មានផងដែរនូវសេរ៉ូអាល់ប៊ូតេរ៉ុល ដែលរួមមាននូវ ការព្យាបាលនៃកម្រិតជាតិប៉ូតាស្យូមខ្ពស់ ក្នុងឈាម និង ភាពពិបាកក្នុងការដកដង្ហើម ដែលមានការទាក់ទងដោយសារតែ ការចម្លងរោគនៅក្នុងប្រព័ន្ធផ្លូវដង្ហើម ។
១-កម្រិតនៃការប្រើប្រាស់សេរ៉ូ អាល់ប៊ូតេរ៉ូល ៖ សម្រាប់មនុស្សពេញវ័យភាគច្រើន និងកុមារដែលមានអាយុលើសពី១៤ឆ្នាំ ដែលកំពុងប្រើប្រាស់សេរ៉ូ អាល់ប៊ូតេរ៉ូល ជាធម្មតាកម្រិតវាត្រូវចាប់ផ្តើមពី ២ ទៅ៤ មីលី្លក្រាម ឲ្យបានពី ៣ ឬ ៤ដង ជារៀងរាល់ថ្ងៃ ។ ការណែនាំនូវការប្រើប្រាស់ថ្នាំនេះសម្រាប់កុមារដែលមានអាយុចាប់ពី៦ ទៅ ១៤ឆ្នាំ គឺ ២មីលី្លក្រាម ក្នុង ៣ ឬ ៤ដង ក្នុងមួយថ្ងៃ ។
ចំណែកឯកុមារដែលមានអាយុក្រោម ៥ឆ្នាំ ជាទូទៅចាប់ផ្តើម នូវការប្រើសេរ៉ូនេះ ក្នុងកម្រិត ០, ១មីល្លីក្រាម ក្នុង១គីឡូនៃទម្ងន់ខ្លួនប្រាណរបស់ពួកគេឲ្យបាន ៣ដង ក្នុងមួយថ្ងៃ ។ ប្រសិនបើស្ថិតក្នុងករណីចាំបាច់ អ្នកផ្តល់សេវាថែទាំសុខភាពរបស់អ្នកនឹងបង្កើនកម្រិតដូស្តនៃការប្រើប្រាស់សេរ៉ូនេះចំពោះអ្នក ឬក៏ចំពោះកូនរបស់អ្នក ។
កម្រិតដូស្តនៃថ្នាំនេះនឹងត្រូវបានផ្តល់ដល់អ្នក និងកូនអ្នក ខុសៗគ្នាទៅតាមកតា្តមួយចំនួន ដូចខាងក្រោមនេះ៖ អាយុរបស់អ្នក ។ សភាពនៃកម្រិតធ្ងន់របស់ជំងឺហឺត ឬទៅលើបញ្ហា ផ្សេងៗទៀតរបស់ប្រព័ន្ធផ្លូវដង្ហើម ។ ឱសថ ផ្សេងៗទៀតដែលអ្នកកំពុងទទួលទាន។
ដូចកត្តាដែលបានរៀបរាប់ អ្នកមិនត្រូវកែតម្រូវនូវកម្រិតសេរ៉ូអាប៊ូតេរ៉ូលនេះដោយខ្លួនអ្នកទេ លុះត្រាតែអ្នកផ្តល់សេវាថែទាំសុខភាពរបស់អ្នកបានណែនាំអ្នកឲ្យធ្វើដូចនេះ ។
២-កម្រិតនៃការប្រើប្រាស់សេរ៉ូអាល់ប៊ូតេរ៉ូល ចំពោះកុមារ តូចៗ ៖ សម្រាប់កុមារ តូចៗ (ដែលមានអាយុពី ២ ទៅ ៥ឆ្នាំ) កម្រិតនៃការណែនាំនូវការប្រើប្រាស់សេរ៉ូអាល់ប៊ូតេរ៉ូ នេះគឺ ក្នុង០,១មីល្លីក្រាមនៃទម្ងន់១គីឡូក្រាមរបស់គេចំនួន៣ដង ក្នុងរយៈពេលមួយថ្ងៃ។
កម្រិតនៃការចាប់ផ្តើមដំបូង គឺមិនគួរឲ្យច្រើនជាង ២មីលី្លក្រាមនោះទេ ក្នុងរយៈពេល ៣ដងក្នុងមួយថ្ងៃ ។ ប្រសិនបើក្នុងករណី ដែល ត្រូវប្រើ ក្នុងការគ្រប់គ្រងរោគសញ្ញានៃជំងឺហឺត នោះអ្នកផ្តល់សេវាថែទាំសុខភាពរបស់អ្នកអាចនឹងបង្កើននូវកម្រិតថ្នាំនេះដល់០,២មីលី្លក្រាម ក្នុងមួយគីឡូ នៃទម្ងន់ខ្លួនប្រាណរបស់គេ៣ដង ក្នុងមួយថ្ងៃ តែមិនត្រូវបង្កើនវាដល់ ៤មីលី្លក្រាម ៣ដង ក្នុងមួងថ្ងៃនោះទេ ។
៣-កម្រិតនៃការប្រើប្រាស់សេរ៉ូអាល់ប៊ូតេរ៉ូល ចំពោះកុមារ ៖ សម្រាប់កុមារ ដែលមានអាយុចាប់ពី៦ ដល់ ១៤ឆ្នាំ ការណែនាំនូវការប្រើប្រាស់ថ្នាំនេះ គឺចាប់ផ្តើមក្នុងកម្រិត ២មីលី្លក្រាម ឲ្យបាន៣ ទៅ ៤ដង ក្នុងមួយថ្ងៃ ។
ប្រសិនបើក្នុងករណី ដែលត្រូវធ្វើការគ្រប់គ្រងនូវរោគសញ្ញារបស់ជំងឺហឺត នោះអ្នកផ្តល់សេវាថែទាំសុខភាពរបស់អ្នកនឹងអាចបង្កើនកម្រិតថ្នាំក្នុងកម្រិតអតិបរមាដល់ ២៤ មីលី្លក្រាម សរុបពេញមួយថ្ងៃ ។
៤-កម្រិតនៃ ការប្រើប្រាស់សេរ៉ូអាល់ប៊ូតេរ៉ុល ចំពោះកុមារដែលមានអាយុច្រើនជាងនេះ និងមនុស្សពេញវ័យ ៖ សម្រាប់កុមារ និងមនុស្សពេញវ័យដែលមានអាយុលើសពី១៤ឆ្នាំ ការណែនាំនូវការប្រើប្រាស់សេរ៉ូនេះ គឺចាប់ផ្តើមពី ២មីលី្លក្រាម ទៅ៤មីល្លីក្រាមឲ្យបាន៣ ឬ៤ ដងក្នុងមួយថ្ងៃ ។
ប្រសិនបើក្នុងករណីនៃការគ្រប់គ្រងនូវរោគសញ្ញារបស់ជំងឺហឺត នោះអ្នកផ្តល់សេវាថែទាំសុខភាពនឹងបង្កើនវាដល់កម្រិតអតិបរមានោះគឺ ៨មីល្លី ក្រាម អោយបាន៤ដង ក្នុងរយៈពេលមួយថ្ងៃ ។
សម្រាប់មនុស្សចាស់ ឬអ្នកដែលកំពុងប្រើប្រាស់ថ្នាំបេតាប្លុកឃ័រ ការណែនាំនូវការប្រើប្រាស់ថ្នាំនេះ គឺមិនគួរឲ្យច្រើនជាង២មីលី្លក្រាមឲ្យបាន៣ទៅ៤ដងជារៀងរាល់ថ្ងៃនោះទេ ។
៥-ព័ត៌មានជាទូទៅចំពោះកម្រិតនៃការប្រើប្រាស់សេរ៉ូអាល់ប៊ូតេរ៉ូល ៖ ការពិចារណាមួយចំនួន ចំពោះអ្នកទាំងឡាយណាដែលប្រើប្រាស់សេរ៉ូអាល់ប៊ូតេរ៉ូលមានដូចជា៖
ប្រសិនបើការប្រើប្រាស់សេរ៉ូអាល់ប៊ូតេរ៉ូល នៅតែមិនអាចគ្រប់គ្រងនូវ ការវាយប្រហាររបស់ជំងឺហឺតបាន នោះទេ អ្នកត្រូវស្វែងរកជំនួយផ្នែកវេជ្ជសាស្ត្រឲ្យបានជាបន្ទាន់ តាមដែលវាអាចជាស្ថានភាពប្រកាសអាសន្នមួយ ។
សេរ៉ូអាល់ប៊ូតេរ៉ូលត្រូវបានប្រើប្រាស់តាមមាត់ ជាធម្មតាអោយបាន៣ទៅ៤ដង ក្នុងពេលមួយថ្ងៃ ។
វាមិនជាបញ្ហាចោទអ្វីនោះទេ អ្នកអាចញ៉ាំវាមុន ឬក្រោយពេលទទួលទានអាហារ។
ទឹកសេរ៉ូប្រភេទនេះ មិនចាំបាច់ត្រូវការ ការរក្សាទុកក្នុងទូទឹកកក ឬក្រឡុកវាមុនពេលប្រើប្រាស់នោះទេ ។
អ្នកត្រូវញ៉ាំវា រាល់ម៉ោង ដូចៗគ្នា ក្នុងពេល មួយថ្ងៃៗ ដើម្បីរក្សានូវកម្រិតស្មើគ្នានៃសារជាតិថ្នាំ នេះនៅក្នុងឈាមរបស់អ្នក ។
ចូរប្រាកដថា អ្នកបានដឹងច្បាស់ ពីវិធីក្នុងការវាស់នូវកម្រិតដូសថ្នាំនេះឲ្យបានត្រឹមត្រូវ ។ ជាធម្មតាវាមិនត្រូវបានគេណែនាំឲ្យអ្នកប្រើស្លាបព្រាបាយ មកកំណត់កម្រិតបរិមាណ ថ្នាំនេះទេ ។ អ្នកអាចសាកសួរ ឱសថការីពីវិធីនៃការវាស់កម្រិតថ្នាំ នេះឲ្យបានត្រឹមត្រូវ ។
ដើម្បីឲ្យវាមានប្រសិទ្ធភាព អ្នកត្រូវតែប្រើវាឲ្យបានដូចទៅនឹងវេជ្ជបញ្ជា ។ ថ្នាំនេះនឹងមិនមាន ប្រសិទ្ធភាពទៀតនោះទេ ប្រសិនបើអ្នកឈប់ប្រើវា ។
ប្រសិនបើអ្នក មានភាពមិនច្បាស់លាស់នូវបញ្ហាណាមួយទាក់ទងនឹងឥទ្ធិពល និងកម្រិតនៃការប្រើប្រាស់ថ្នាំនេះ អ្នកត្រូវពិភាក្សាឲ្យបានម៉ត់ចត់ជាមួយនឹងគ្រូពេទ្យ, ឱសថការី ឬ គិលានុបដ្ឋាកមុនពេលអ្នកចាប់ផ្តើមប្រើប្រាស់វានោះ ៕ ស្រង់ពីគេហទំព័រសុខភាព
ចែករំលែកព័តមាននេះ