រាជធានីភ្នំពេញ ៖ រថយន្តហ៊ីយ៉ាន់ដាយដឹកសេះវិល១គ្រឿង បានត្រូវបង្គោលភ្លើងថ្ម១ដើមបាក់រលំសង្កត់លើ ខណៈរថយន្តនេះកំពុងឈប់រង់ចាំឲ្យម៉ូតូ១គ្រឿងបើកចេញផុតសិន ។ ជាមួយនេះ ក៏ចាត់ទុកថាជាសំណាងដែរ ់ដែលមិនបានបង្កឱ្យមានការទុស្សេចរន្តអគ្គិសនី ព្រោះមិនបានដាច់ខ្សែភ្លើងនោះទេ…
រាជធានីភ្នំពេញ ៖ រថយន្តហ៊ីយ៉ាន់ដាយដឹកសេះវិល១គ្រឿង បានត្រូវបង្គោលភ្លើងថ្ម១ដើមបាក់រលំសង្កត់លើ ខណៈរថយន្តនេះកំពុងឈប់រង់ចាំឲ្យម៉ូតូ១គ្រឿងបើកចេញផុតសិន ។ ជាមួយនេះ ក៏ចាត់ទុកថាជាសំណាងដែរ ់ដែលមិនបានបង្កឱ្យមានការទុស្សេចរន្តអគ្គិសនី ព្រោះមិនបានដាច់ខ្សែភ្លើងនោះទេ ។
បន្ទាប់មក នគរបាលបានចុះទៅនាំយករថយន្ត២គ្រឿងទៅរក្សាទុកនៅអធិការដ្ឋានខណ្ឌពោធិ៍សែនជ័យ រង់ចាំការស្រាវជ្រាវ ព្រោះសង្ស័យថាមានរថយន្តដឹកសេះវិល១គ្រឿងទៀតបើកទាក់ខ្សែភ្លើង ទើបបណ្ដាលឲ្យបាក់បង្គោលភ្លើងសង្កត់រថយន្តនេះ ។អ្វីដែលធ្វើឲ្យមានការភ្ញាក់ផ្អើលនោះ គឺបង្គោល ភ្លើង អគ្គិសនីដែលបាក់ដ៏ធំនេះមានសរសៃដែកតូចៗ៣សរសៃ ទើបមិនអាចទ្រទម្ងន់ខ្សែភ្លើងដែលតោងលើនោះបាន នៅសុខៗស្រាប់តែបាក់រលំសង្កត់រថយន្តបែបនេះ ។
ហេតុការណ៍នេះ បានកើតឡើងកាលពីវេលាម៉ោង១២ថ្ងៃត្រង់ថ្ងៃទី១០ ខែកក្កដា នៅតាមផ្លូវលំ ស្ថិតក្នុងភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ ។ ប្រជាពលរដ្ឋនិយាយថា រថយន្តដែលនគរបាលសង្ស័យថាបើកទាក់ខ្សែភ្លើងបណ្ដាលឲ្យបាក់បង្គោលភ្លើងនោះម៉ាកហុីយ៉ាន់ដាយ ពណ៌ខៀវ ពាក់ផ្លាកលេខ
ភ្នំពេញ ៣B-២៤១៥ ដឹកសេះវិល។ ចំណែករថយន្តដែលត្រូវបង្គោលភ្លើងបាក់សង្កត់នោះក៏ម៉ាកហុីយ៉ាន់ដាយដែរ ពណ៌ស ពាក់ផ្លាកលេខ កំពត ៣A-០២៧៤ ដឹកសេះវិលដូចគ្នា។
ប្រភពដដែលឲ្យដឹងទៀតថា អ្នកបើកបររថយន្តទាំង២គ្រឿងនេះមិនត្រូវបានស្គាល់អត្តសញ្ញាណឡើយ ហើយនៅមុនកើតហេតុ រថយន្តទាំងពីរគ្រឿងនេះធ្វើដំណើរស្របទិសគ្នាតាមផ្លូវលំខាងលើ ។ ការបាក់បង្គោលភ្លើងដែលផុយដូចឈើពុកនេះ គឺមកពីការផលិតគ្មានគុណភាព ព្រោះប្រើសរសៃដែកតូចៗនិងបេតុង ទើបនៅសុខៗស្រាប់តែបាក់បែបនេះ ។ ពិតជាផ្ដល់នូវការភ័យខ្លាចដល់ប្រជាពលរដ្ឋនៅតំបន់នោះខ្លាំងណាស់ កាលបើឃើញនឹងភ្នែកបែបនេះ ។
សូមអាជ្ញាធរចាត់វិធានការចំពោះក្រុមហ៊ុនដែលផលិតបង្គោលស៊ីម៉ង់ត៍បែបនេះផង តើក្រៅពីបង្គោល
ភ្លើងដែលបាក់នេះ នៅមានបង្គោលភ្លើងណាខ្លះទៀត ដែលគេប្រើសរសៃដែកមិនត្រូវតាមស្តង់ដារបច្ចេកទេស ?
ចែករំលែកព័តមាននេះ