ខេត្តរតនគិរី ៖ ជនសង្ស័យម្នាក់ត្រូវបានកម្លាំងអធិការដ្ឋាននគរបាលស្រុកកូនមុំសហការជាមួយកម្លាំងប៉ុស្ដិ៍នគរបាលរដ្ឋបាលបានធ្វើការឃាត់ខ្លួនពីបទករណីចោរកម្ម (លួចម៉ូតូ)។ ការឃាត់ខ្លួននេះកម្លាំងសមត្ថកិច្ចបានធ្វើឡើងកាលពីវេលាម៉ោង១និង៣០នាទីរសៀល ថ្ងៃទី៩ ខែកក្កដា ឆ្នាំ២០១៨ នៅចំណុចអូរសាប ស្ថិតក្នុងភូមិបី…
ខេត្តរតនគិរី ៖ ជនសង្ស័យម្នាក់ត្រូវបានកម្លាំងអធិការដ្ឋាននគរបាលស្រុកកូនមុំសហការជាមួយកម្លាំងប៉ុស្ដិ៍នគរបាលរដ្ឋបាលបានធ្វើការឃាត់ខ្លួនពីបទករណីចោរកម្ម (លួចម៉ូតូ)។ ការឃាត់ខ្លួននេះកម្លាំងសមត្ថកិច្ចបានធ្វើឡើងកាលពីវេលាម៉ោង១និង៣០នាទីរសៀល ថ្ងៃទី៩ ខែកក្កដា ឆ្នាំ២០១៨ នៅចំណុចអូរសាប ស្ថិតក្នុងភូមិបី ឃុំត្រពាំងច្រេស ស្រុកកូនមុំ ខេត្តរតនគិរី។
ប្រភពព័ត៌មានពីសមត្ថកិច្ចបានឱ្យដឹងថា ជនសង្ស័យដែលឃាត់ខ្លួនបានឈ្មោះ ណាត វណ្ណៈ ភេទប្រុស អាយុ២៣ឆ្នាំ មានទីលំនៅភូមិពីរ ឃុំត្រពាំងច្រេស ស្រុកកូនមុំ។ សមត្ថកិច្ចបានដកហូតវត្ថុតាងម៉ូតូសង់កូរ៉េ១គ្រឿង ។
ក្រោយពីមត្ថកិច្ចធ្វើការឃាត់ខ្លួន ជនសង្ស័យខាងលើត្រូវបានបញ្ជូនមកកាន់អធិការដ្ឋានដើម្បីកសាងសំណុំរឿងបញ្ជូនបន្តទៅសាលាដំបូងខេត្តចាត់ការតាមនីតិវិធី ៕
ចែករំលែកព័តមាននេះ