ខេត្តកោះកុង ៖ យុវជន២នាក់ត្រូវបានកម្លាំងនគរបាលនៃអធិការដ្ឋាននគរបាលស្រុកស្រែអំបិលធ្វើការឃាត់ខ្លួន ខណៈពេលដែលកម្លាំងសមត្ថកិច្ចកំពុងធ្វើការត្រួតពិនិត្យធ្វើចរាចរណ៍ សហការជាមួយកម្លាំងអន្តរាគមន៍ខេត្តនៅចំណុចភូមិបានទៀត ឃុំដងពែង ស្រុកស្រែអំបិល ខេត្តកោះកុង នៅថ្ងៃទី០៨ ខែកក្កដា…
ខេត្តកោះកុង ៖ យុវជន២នាក់ត្រូវបានកម្លាំងនគរបាលនៃអធិការដ្ឋាននគរបាលស្រុកស្រែអំបិលធ្វើការឃាត់ខ្លួន ខណៈពេលដែលកម្លាំងសមត្ថកិច្ចកំពុងធ្វើការត្រួតពិនិត្យធ្វើចរាចរណ៍ សហការជាមួយកម្លាំងអន្តរាគមន៍ខេត្តនៅចំណុចភូមិបានទៀត ឃុំដងពែង ស្រុកស្រែអំបិល ខេត្តកោះកុង នៅថ្ងៃទី០៨ ខែកក្កដា ឆ្នាំ២០១៨ ។
ជនសង្ស័យទី១- ឈ្មោះ រិប សុវណ្ណ ភេទប្រុស អាយុ២៣ឆ្នាំ ទីលំនៅភូមិម៉ាក់ប្រាំង ឃុំកំពង់ក្រែង ស្រុកទឹកឈូ ខេត្តកំពត ។ ទី២-ឈ្មោះ សុខ រច្ឆា ភេទប្រុស អាយុ១៩ឆ្នាំ ទីលំនៅភូមិស្រែអំបិល ឃុំស្រែអំបិល ស្រុកស្រែអំបិល ខេត្តកោះកុង ។
ក្រោយឃាត់ខ្លួនសមត្ថកិច្ចដកហូតវត្ថុតាងរួមមាន ម្សៅក្រាមពណ៌សរថ្លា ប្រភេទមេតំហ្វេតាមីនចំនួន៣កញ្ចាប់ធំ និង៣កញ្ចាប់តូចស្មើនឹង៧៧,៤៥ក្រាម ។ បច្ចុប្បន្នជនសង្ស័យត្រូវបានសមត្ថកិច្ចបញ្ជូនមកការិយាល័យជំនាញនៃស្នងការដ្ឋាននគរបាលខេត្ត និងបញ្ជូនបន្តទៅតុលាការចាត់ការតាមនីតិវិធីច្បាប់ ៕
ចែករំលែកព័តមាននេះ