គ្រប់គណបក្សនយោបាយធានាបានសន្តិសុខ សុវត្ថិភាពប្រកបដោយសេរីភាពយុត្តិធម៌
- បាត់ដំបង
ខេត្តបាត់ដំបង ៖ នៅវេលាម៉ោង០៨និង១៥នាទីព្រឹកថ្ងៃទី០៨ ខែកក្កដា ឆ្នាំ២០១៨ នៅស្នងការដ្ឋាននគរបាលខេត្តបាត់ដំបង ឯកឧត្តម ងួន រតនៈ អភិបាលនៃគណៈអភិបាលខេត្ត…
ខេត្តបាត់ដំបង ៖ នៅវេលាម៉ោង០៨និង១៥នាទីព្រឹកថ្ងៃទី០៨ ខែកក្កដា ឆ្នាំ២០១៨ នៅស្នងការដ្ឋាននគរបាលខេត្តបាត់ដំបង ឯកឧត្តម ងួន រតនៈ អភិបាលនៃគណៈអភិបាលខេត្ត…
ខេត្តបាត់ដំបង ៖ នៅវេលាម៉ោង០៨និង១៥នាទីព្រឹកថ្ងៃទី០៨ ខែកក្កដា ឆ្នាំ២០១៨ នៅស្នងការដ្ឋាននគរបាលខេត្តបាត់ដំបង ឯកឧត្តម ងួន រតនៈ អភិបាលនៃគណៈអភិបាលខេត្ត ជាប្រធានគណៈបញ្ជាការកងឯកភាពខេត្តបាត់ដំបងបានអញ្ជើញជួបសំណេះសំណាលជាមួយកងកម្លាំងប្រដាប់អាវុធទាំងបីប្រភេទ របស់ខេត្តបាត់ដំបង ប្រមាណជាង៥០០នាក់ និងមានការចូលរួមពីលោកឧត្តមសេនីយ៍ទោ អ៊ុក ឃ្នួច មេបញ្ជារការ តំបន់ប្រតិបត្តិការសឹករងខេត្ត, លោកឧត្តមសេនីយ៍ទោ អ៊ុច សុខុន ស្នងការនគរបាលខេត្ត , លោកឧត្តមសេនីយ៍ត្រី មាស សុវណ្ណ មេបញ្ជាការកងរាជអាវុធហត្ថខេត្ត ដើម្បីពង្រឹងការងារសន្តិសុខក្នុងពេលដំណើរការបោះឆ្នោតជ្រើសរើសតំណាងរាស្ត្រនីតិកាលទី៦ ដែលប្រព្រឹត្តទៅនាថ្ងៃទី២៩ ខែកក្កដា ឆ្នាំ២០១៨ ខាងមុខនេះ ។
បន្ទាប់ពីលោកឧត្តមសេនីយ៍ទោ អ៊ុច សុខុន ស្នងការនគរបាលខេត្តបានស្វាគមន៍រួចមក លោក ងួន រតនះ គណៈអភិបាលខេត្តបាត់ដំបងបានថ្លែងថា ចាប់ពីម្សិលមិញថ្ងៃទី០៧ ខែកក្កដា ឆ្នាំ២០១៨ រហូតដល់ថ្ងៃបោះឆ្នោត គឺកងកម្លាំងយើងបានរួមគ្នាពង្រឹង ហើយស្រេចសម្រាប់ការពារសន្តិសុខគ្រប់មូលដ្ឋានក្នុងខេត្ត សំខាន់សកម្មភាពកន្លងមកសុំសរសើរគ្រប់កងកម្លាំងទាំងអស់បានរួមសហការគ្នា អនុវត្តន៍តាមគោលនយោបាយភូមិ-ឃុំមានសុវត្ថិភាពបានយ៉ាងល្អប្រសើរ ព្រោះរាល់បទល្មើសនានាដែលធ្លាប់មានពីមុនមកមានការថយចុះ ។
អភិបាលខេត្តបានបញ្ជាក់ជាចុងក្រោយថា សូមយកចិត្តទុកដាក់បន្ថែមទៀត ក្នុងខែកក្កដានេះទៅតាមផែនការដែលមានរៀងៗខ្លួន និងផែនការជារួម ដើម្បីធានាឲ្យបាន ព្រោះជាកិច្ចការធំរបស់រាជរដ្ឋាភិបាលសម្រាប់រៀបចំប្រទេសជាតិ ក្នុងដំណើរការបោះឆ្នោត និងជូនដល់ប្រជាពលរដ្ឋទូទៅ និងគ្រប់គណបក្សនយោបាយឲ្យធានាបានសន្តិសុខសុវត្តិភាពល្អប្រកបដោយសេរីភាព យុត្តិធម៌ ត្រឹមត្រូវឲ្យបានជាដាច់ខាត៕
ចែករំលែកព័តមាននេះ