មកទល់ពេលនេះ សមរភូមិ World Cup នៅរុស្ស៊ីមិនទាន់ចប់នៅឡើយទេ ដរាបណាមិនទាន់រកឃើញម្ចាស់ជើងឯក ប៉ុន្តែគិតត្រឹមល្ងាចថ្ងៃទី៥ កក្កដា ចំនួនគ្រាប់បាល់ សរុបដែលទាត់ចូលទី…
មកទល់ពេលនេះ សមរភូមិ World Cup នៅរុស្ស៊ីមិនទាន់ចប់នៅឡើយទេ ដរាបណាមិនទាន់រកឃើញម្ចាស់ជើងឯក ប៉ុន្តែគិតត្រឹមល្ងាចថ្ងៃទី៥ កក្កដា ចំនួនគ្រាប់បាល់ សរុបដែលទាត់ចូលទី និងចំនួនកាតលឿង-កាតក្រហមដែលអាជ្ញាកណ្ដាលពិន័យកីឡាករត្រូវបានគេដឹងអស់ហើយ ។
យោងតាមប្រភពផ្លូវការបង្ហាញថា គ្រាប់បាល់ដែលទាត់ចូលទីក្នុងការប្រកួតចំនួន៥៦លើកនៅក្នុងព្រឹត្តិការណ៍World Cup2018 សរុបមានចំនួន១៤៦គ្រាប់ ហើយបើគិតជាមធ្យមមានចំនួន២,៦១គ្រាប់ក្នុង១ប្រកួត ។
កីឡាករ ១០៨នាក់ក្នុងចំណោមកីឡាករសរុប៧៣៦នាក់រកបានគ្រាប់បាល់ក្នុងការប្រកួតទាំង៥៦លើកនេះ ក្នុងនោះមានអ្នកភ្លាត់ស្នៀតបណ្ដោយឱ្យបាល់ចូលទីខ្លួនឯង(Own Goal)១០នាក់ ។ តួលេខនេះបានបំបែកកំណត់ត្រា៦ ដងបើធៀបទៅនឹង World Cup ១៩៩៨ មានចំនួនតែ៦នាក់ពេលចប់ព្រឹតិ្តការណ៍ប្រកួតទាំងមូលទៀតផង ។
ដោយឡែក កាតលឿង និងក្រហមត្រូវបានក្រុមអាជ្ញាកណ្តាលប្រើដូចព្យុះ ។ កីឡាករ១៣នាក់ក្នុងនោះមាន១០ នាក់ទទួលបានកាតលឿង២០ និង៣នាក់ទៀតទទួលបានកាតក្រហម ។ បើធៀប World Cup ២០១៤ ក្រោយចប់ព្រឹត្តិការណ៍ មានគ្រាប់បាល់សរុបចំនួន១៧១គ្រាប់បើគិតជាមធ្យមក្នុង១ប្រកួតមានចំនួន២,៦៧គ្រាប់់់ ។ សរុបមានការផ្ដល់កាតលឿង១៨៧ និងកាតក្រហម១០ បើគិតជាមធ្យមការផ្ដល់កាតលឿងមានចំនួន២,៩២ និងកាតក្រហមមានចំនួន០,១៦ក្នុង ១ប្រកួត ៕
ជួប សុខជា
ចែករំលែកព័តមាននេះ