រាជធានីភ្នំពេញ ៖ កាលពីថ្ងៃទី៤ ខែមិថុនា កន្លងមកនេះ បុរសម្នាក់ខូចចិត្តបាននាំកូនស្រីអាយុ៧ឆ្នាំទៅលោតទឹកសម្លាប់ខ្លួនជាមួយគ្នា ប៉ុន្តែស្លាប់តែឪពុក ចំណែកកូនស្រីនៅរស់ ទើបតែនៅវេលាម៉ោង៥ល្ងាចថ្ងៃទី៥ ខែកក្កដា ឆ្នាំ២០១៨ ត្រូវបានអ្នកនេសាទប្រទះឃើញអណ្តែតនៅកណ្តាលទន្លេអូសយកមកកៀនវិញ ស្ថិតនៅក្នុងសង្កាត់ជ្រោយចង្វា ខណ្ឌជ្រោយចង្វារ។ បុរសដែលលោតទឹកសម្លាប់ខ្លួនឈ្មោះលី ទៀង ភេទប្រុស អាយុ៣២ឆ្នាំ មុខរបរនៅផ្ទះ ស្នាក់នៅសង្កាត់ទួលសង្កែទី១ ខណ្ឌឬស្សីកែវ មានស្រុកកំណើតនៅភូមិកំពង់ចំលង ឃុំកំពង់ចំលង ស្រុកខ្សាច់កណ្តាល ខេត្តកណ្តាល។សាក្សីដែលឃើញហេតុការណ៍បានអោយដឹងថា មុនពេលកើតហេតុ កាលពីថ្ងៃទី៤ ខែកក្កដា ឆ្នាំ២០១៨ មានបុរសម្នាក់បាននាំកូនស្រីអាយុ៧ឆ្នាំមកលោតទឹកសម្លាប់ខ្លួនជាមួយ ដោយសារតែខូចចិត្តព្រោះប្រពន្ធមានអ្នកថ្មី ។ ក្នុងពេលដែលលោតនោះ ភ្លាមៗក៏មានទូកនេសាទប្រទះឃើញក៏ជួយសង្គ្រោះបានតែកូនស្រីតែប៉ុណ្ណោះ ចំណែកឪពុកក្មេងស្រីនោះរកមិនឃើញទេ រហូតអស់រយៈពេល២ថ្ងៃក្រោយមកក៏មានប្រជាពលរដ្ឋ និងអ្នកនេសាទបាន ប្រទះឃើញក៏ជួយស្រង់អូសយកមកច្រាំង និងផ្អើលដល់បងប្អូនមកដល់យំស្រែកពេញកន្លែងកើតហេតុ ។ក្រោយពេលកើតហេតុ សពរបស់ជនរងគ្រោះត្រូវបានសាច់ញាតិដឹកយកទៅធ្វើបុណ្យនៅឯស្រុកកំណើតតាមប្រពៃណី ៕
ចែករំលែកព័តមាននេះ