រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានបន្តប្រកាសស្វាគមន៍ចំពោះការចូលមកកម្ពុជាវិញរបស់លោក សម រង្ស៊ី អតីតគណបក្សសង្គ្រោះជាតិតែត្រូវទទួលទោសច្បាប់ជាធរមាន ។…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានបន្តប្រកាសស្វាគមន៍ចំពោះការចូលមកកម្ពុជាវិញរបស់លោក សម រង្ស៊ី អតីតគណបក្សសង្គ្រោះជាតិតែត្រូវទទួលទោសច្បាប់ជាធរមាន ។
លោក សុខ ឥសាន បានឲ្យដឹងនៅថ្ងៃទី២៦ ខែមិថុនា ឆ្នាំ២០១៨ ថាលោក សម រង្ស៊ី ចង់ចូលមកក្នុងស្រុកពេលណាក៏បានតែត្រូវមកទទួលទោសជាប់គុក២ឆ្នាំ និងបង់ប្រាក់ចំនួន៨លានរៀលតាមសាលដីកាស្ថាពររបស់តុលាការ និងទោសទ័ណ្ឌពាក់ព័ន្ធនឹងការបង្កើត និងសកម្មភាពរបស់អង្គកាចាត់តាំងឧទ្ទាមក្រៅច្បាប់ ។
លោកបានបញ្ជាក់ថា «ការទាមទារចង់ឲ្យបានចូលស្រុកជារឿងដដែលៗតាំងពីយូរមកហើយ ។ រាជរដ្ឋាភិបាលមិនដែលបានបិទសិទ្ធិមិនឲ្យចូលស្រុកឯណា គ្រាន់តែអ្នកអត់ធ្វើសកម្មភាពនយោបាយអ្វីប៉ះពាល់ច្បាប់អាចចូលបាន ដោយមិនត្រូវមកធ្វើសកម្មភាពអុកឡុកដល់ប្រទេសជាតិ ។ ចំពោះអ្នកដែលបានចូលរួមដៃជាមួយឧទ្ទាមក្រៅច្បាប់ចូលមកបានតែត្រូវប្រឈមនឹងទោសកំហុសរបស់ខ្លួនដែលបានប្រព្រឹត្តជាមួយទណ្ឌិត សម រង្ស៊ី» ។
ការលើកឡើងរបស់អ្នកនាំពាក្យកាន់អំណាចនេះស្របពេលអតីតក្រុមអ្នកគាំទ្រលោក សម រង្ស៊ី ចង់ឲ្យមានវត្តមានលោក សម រង្ស៊ី នៅក្នុងប្រទេសកម្ពុជាក្នុងការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦នៅពេលខាងមុខនេះរួមទាំងមានគណបក្សសង្គ្រោះជាតិចូលរួមប្រកួតក្នុងការបោះឆ្នោតផងដែរ ៕
ចែករំលែកព័តមាននេះ