ខេត្តបន្ទាយមានជ័យ ៖ លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានឲ្យដឹងថា ដើម្បីអនុវត្តគោលនយោយបាយភូមិ-ឃុំមានសុវត្ថិភាព កាលពីនៅថ្ងៃទី២៥ មិថុនា ២០១៨ វេលាម៉ោង៤និង៣០នាទីរសៀល មានប្រជាពលរដ្ឋរាយការណ៍ថា មានក្មេងៗប្រមូលផ្តុំគ្នាសង្ស័យប្រើប្រាស់ថ្នាំញៀន ស្ថិតក្នុងភូមិដុងអារញ្ញ សង្កាត់និមិត្ត ក្រុងប៉ោយប៉ែត។
ក្រោយពីទទួលបានព័ត៌មានភ្លាមលោកដឹកនាំកម្លាំងជំនាញជំនាញប្រឆាំងគ្រឿងញៀននៃអធិការនគរបាលក្រុងសហការជាមួយប៉ុស្តិ៍នគរបាលរដ្ឋបាលសង្កាត់និមិត្ត បានចុះទៅដល់ទីតាំងដែលពួកគេពួនសម្ងំធ្វើសកម្មភាពប្រើប្រាស់គ្រឿងញៀន និងឃាត់ខ្លួនជនសង្ស័យប្រើប្រាស់ថ្នាំញៀន៥នាក់ ១-ឈ្មោះ សៅ វិច្ឆិកា (ហៅរ៉ា,ហៅឡត) ភេទប្រុស អាយុ២៧ឆ្នាំ, ២-ឈ្មោះ មី ផៃនិន ភេទប្រុស អាយុ២២ឆ្នាំ, ៣-ឈ្មោះ ជន់ សាវ៉េត ភេទប្រុស អាយុ៤០ឆ្នាំ, ៤-ឈ្មោះ ភិន ចាន់រ៉ា ភេទប្រុស អាយុ១៧ឆ្នាំ និង៥-ឈ្មោះ ឡាយ គិមសាន្ត ភេទប្រុស អាយុ៣៦ឆ្នាំ ។
លោកអធិការបញ្ជាក់ថា ក្រោយពេលឃាត់ខ្លួននេះសមត្ថកិច្ចស្រាជ្រាវពិនិត្យរកឃើញវត្ថុតាងរួមមាន ១- ដបកែច្នៃសំរាប់ជក់ថ្នាំញៀនចំនួន១ ២-ទូរស័ព្វដៃចំនួន១គ្រឿង ៣-ថង់ប្លាស្ទិកកិបមាត់សម្រាប់ច្រកថ្នាំញៀនមួយចំនួន ៤-ដាវសាំម៉ូរៃចំនួន២ ៥-ដែកកេះចំនួន៣ ៦-ជញ្ជីងថ្លឹងថ្នាំញៀនចំនួន១ ។ បច្ចុប្បន្នកម្លាំងជំនាញកំពុងសាកសួរ និងកសាងសំណុំចាត់ការនីតិវិធីច្បាប់៕
ចែករំលែកព័តមាននេះ