ទីក្រុងបាងកក ៖ នៅសប្តាហ៍នេះ តម្លៃប្រាក់បាតនឹងធ្លាក់ចុះដល់កម្រិតទាបជាងគេក្នុងរយៈពេល៧ខែមកនេះ ដោយសារជនបរទេសបន្តងាកចេញពីរូបិយប័ណ្ណនេះ ព្រោះតែអត្រាការប្រាក់ខ្ពស់ និងទស្សនវិស័យសេដ្ឋកិច្ចរបស់សហរដ្ឋអាមេរិកល្អប្រសើរឡើង ។ យោងតាមធនាគារជាតិរបស់ប្រទេសថៃបានឲ្យដឹងថា តម្លៃប្រាក់បាតបន្តធ្លាក់ចុះ…
ទីក្រុងបាងកក ៖ នៅសប្តាហ៍នេះ តម្លៃប្រាក់បាតនឹងធ្លាក់ចុះដល់កម្រិតទាបជាងគេក្នុងរយៈពេល៧ខែមកនេះ ដោយសារជនបរទេសបន្តងាកចេញពីរូបិយប័ណ្ណនេះ ព្រោះតែអត្រាការប្រាក់ខ្ពស់ និងទស្សនវិស័យសេដ្ឋកិច្ចរបស់សហរដ្ឋអាមេរិកល្អប្រសើរឡើង ។
យោងតាមធនាគារជាតិរបស់ប្រទេសថៃបានឲ្យដឹងថា តម្លៃប្រាក់បាតបន្តធ្លាក់ចុះ ដែលធ្លាក់មកស្មើនឹង៣២,៩១បាតក្នុង១ដុល្លារកាលពីថ្ងៃសុក្រមុន ឬធ្លាក់ចុះ១,៧៣% បើធៀបនឹងសប្តាហ៍មុន ។
មជ្ឈមណ្ឌលស្រាវជ្រាវ Kasikorn Research Center បាននិយាយថា រូបិយប័ណ្ណថៃកំពុងតែធ្លាក់ចុះទៅរកកម្រិតទាបជាងគេក្នុងរយៈពេល៧ខែមកនេះ ដែលស្មើនឹង៣៣បាតក្នុង១ដុល្លារនៅសប្តាហ៍នេះ ។ ពួកគេព្យាករថា តម្លៃប្រាក់បាតអាចនឹងរក្សាត្រឹមប្រមាណ៣២,៨០ ទៅ៣៣,៤០បាតក្នុង១ដុល្លារអាមេរិក ក្នុងអំឡុងប៉ុន្មានសប្តាហ៍ខាងមុខនេះ ។
តម្លៃប្រាក់បាតធ្លាក់ចុះនេះ គឺបង្កឡើងដោយសារជនបរទេសងាកចេញពីភាគហ៊ុនថៃ បន្ទាប់ពីធនាគារជាតិអាមេរិកបង្កើនអត្រាការប្រាក់ និងដោយសារការព្រួយបារម្ភពីសង្គ្រាមពាណិជ្ជកម្មរវាងសហរដ្ឋអាមេរិក និងដៃគូពាណិជ្ជកម្មរបស់ខ្លួន ។កាលពីថ្ងៃទី១៣ ខែមិថុនា កន្លងមកនេះ ធនាគារកណ្តាលជាតិអាមេរិកបានបង្កើនអត្រាការប្រាក់ មកស្មើប្រមាណពី១,៧៥% ទៅ២%។ វាបង្ហាញសញ្ញាថា អាមេរិកអាចនឹងបង្កើនអត្រាការប្រាក់ថែមទៀតនៅមុនចុងឆ្នាំ២០១៨នេះ ។
តាមការស្រាវជ្រាវរបស់ Kasikornbank បានឲ្យដឹងថា ទិន្នន័យសេដ្ឋកិច្ចអាមេរិកដែលនឹងចេញផ្សាយក្នុងសប្តាហ៍នេះ គឺអាចនឹងបន្តដាក់សម្ពាធលើតម្លៃប្រាក់បាតរបស់ថៃផងដែរ ៕
ចែករំលែកព័តមាននេះ