ប្រទេសអាហ្វហ្គានីស្ថាន៖​ ប៉ូលិសប្រឆាំងគ្រឿងញៀនអាហ្វហ្គានីស្ថានបានរឹបអូសមេតំហ្វេតាមីន ៦០គីឡូក្រាម និងអាភៀន ៥គីឡូក្រាម ព្រមទាំងឃាត់ខ្លួនជនសង្ស័យម្នាក់ នៅខេត្ត​នៃភាគខាងកើតប្រទេស។ នេះបើយោងតាមការចុះផ្សាយរបស់សារព័ត៌មាន Xinhua នៅថ្ងៃទី២៨ ខែកញ្ញា ឆ្នាំ២០២៦។

តាមមន្ត្រីប៉ូលិសប្រចាំខេត្ត សារធាតុញៀនទាំងនេះត្រូវបានរកឃើញក្នុងប្រតិបត្តិការដែលធ្វើឡើងនៅស្រុក Dur Baba។ ជនសង្ស័យបានលាក់សារធាតុញៀននៅក្នុងផ្នែកលាក់លៀមនានានៃរថយន្ត ខណៈកំពុងព្យាយាមដឹកជញ្ជូនទៅកាន់គោលដៅមិនបានបញ្ជាក់។

ក្នុងហេតុការណ៍ពាក់ព័ន្ធមួយទៀត កងកម្លាំងសន្តិសុខអាហ្វហ្គានីស្ថានបានរុះរើមន្ទីរផលិតគ្រឿងញៀនខុសច្បាប់ចំនួន ៣កន្លែង និងរឹបអូសសារធាតុជាង ២០,៧៤០គីឡូក្រាម ដែលត្រូវបានប្រើសម្រាប់ផលិតហេរ៉ូអ៊ីន នៅខេត្ត​ចំនួន៣។

រដ្ឋាភិបាលអាហ្វហ្គានីស្ថានបានបង្កើនប្រតិបត្តិការប្រឆាំងការជួញដូរ និងការផលិតគ្រឿងញៀន ដោយបញ្ជាក់ពីការប្តេជ្ញាចិត្តលុបបំបាត់ការដាំដំណាំអាភៀន និងទប់ស្កាត់ការផលិតហេរ៉ូអ៊ីន និងសារធាតុញៀនខុសច្បាប់ផ្សេងៗទូទាំងប្រទេស៕