មាតិកាទាំងបីប្រការនៅក្នុងទសពិធរាជធម៌មានសារសំខាន់ណាស់សម្រាប់ថ្នាក់ដឹកនាំគួរប្រតិបត្តិ គួរធ្វើតាមដើម្បីសុខសន្តិភាពក្នុងសង្គម។ មាតិកាធម៌ទាំងបីប្រការនោះគឺៈ ១-អវិហិង្សា ២-ខន្តី និង៣-អវិរោធនៈ ។ ១-អវិហិង្សា គឺការមិនបៀតបៀន ការគោរពសិទ្ធិមនុស្ស…
មាតិកាទាំងបីប្រការនៅក្នុងទសពិធរាជធម៌មានសារសំខាន់ណាស់សម្រាប់ថ្នាក់ដឹកនាំគួរប្រតិបត្តិ គួរធ្វើតាមដើម្បីសុខសន្តិភាពក្នុងសង្គម។ មាតិកាធម៌ទាំងបីប្រការនោះគឺៈ ១-អវិហិង្សា ២-ខន្តី និង៣-អវិរោធនៈ ។
១-អវិហិង្សា គឺការមិនបៀតបៀន ការគោរពសិទ្ធិមនុស្ស សិទ្ធិកុមារ សិទ្ធិស្ត្រី សិទ្ធិសត្វតិរច្ឆាន។ អវិហិង្សា ជាប្រភពនៃលទ្ធិប្រជាធិបតេយ្យ ប្រភពនៃសិទ្ធិសេរីភាព និងយុត្តិធម៌សង្គម ។
២-ខន្តី គឺការអត់ធន់ អត់ធ្មត់ អត់ទ្រាំ អត់ អត់ អត់! ធន់ ធន់ ធន់! ទាល់តែអត់ ទាល់តែធន់ទើបសមគួរធ្វើជាអ្នកដឹកនាំ សមគួរនឹងបាននូវប្រយោជន៍ដែលខ្លួនប៉ងប្រាថ្នាសមគួរនឹងបានសន្តិភាព។ សេចក្តីគោរព សេចក្តីកោតក្រែង មានជំនឿ និងគ្រប់បែបយ៉ាង កើតពីខន្តីមួយម៉ាត់នេះឯង ។
៣-អវិរោធនៈ ភាវនាឱ្យចាំជាប់ជានិច្ចគ្រប់ដង្ហើមចេញចូលថា អញនឹងមិនធ្វើខុស អញនឹងធ្វើមិនឱ្យខុស ព្រោះមានតែមិនខុស ទើបត្រូវ ទើបសុខ ទើបមានសន្តិភាព ទើបចម្រើនលូតលាស់ ទើបទៅជាព្រះបាទធម្មិក ទើបរស់នៅបានសុខ ទើបទៅស្ថានសួគ៌ ទើបសម្រេចព្រះនិព្វាន ។
ចែករំលែកព័តមាននេះ