រដ្ឋាភិបាលប្រកាសហាមនាំចូលថង់ប្លាស្ទិចប៉ះពាល់បរិស្ថាន និងសោភណ្ឌភាពទីក្រុង
- ភ្នំពេញ
រាជធានីភ្នំពេញ ៖ លោកសាយ សំអាល់រដ្ឋមន្ត្រីក្រសួងបរិស្ថានបានប្រកាសថា រដ្ឋាភិបាលបានទប់ស្កាត់ការនាំចូលប្រទេសថង់ប្លាស្ទិចមួយចំនួនដែលបង្កប៉ះពាល់ដល់សោភ័ណ្ឌភាពទីក្រុង និងប៉ះពាល់បរិស្ថាននៃប្រទេសកម្ពុជា ។ ការលើកឡើងរបស់លោករដ្ឋមន្ត្រីបានធ្វើឡើងក្នុងសន្និសីទសារព័ត៌មាននៅក្រសួងបរិស្ថាន បន្ទាប់ពីលោកបានជួបប្រជុំជាមួយតំណាងអ.ស.ប(UN)ទទួលបន្ទុកផ្នែកបរិស្ថាននៅព្រឹកថ្ងៃទី២៥ ខែមិថុនា…
ការលើកឡើងរបស់លោករដ្ឋមន្ត្រីបានធ្វើឡើងក្នុងសន្និសីទសារព័ត៌មាននៅក្រសួងបរិស្ថាន បន្ទាប់ពីលោកបានជួបប្រជុំជាមួយតំណាងអ.ស.ប(UN)ទទួលបន្ទុកផ្នែកបរិស្ថាននៅព្រឹកថ្ងៃទី២៥ ខែមិថុនា នៅទីស្តីការក្រសួងបរិស្ថាន ។ ក្រសួងបរិស្ថាន និងតំណាងអង្គការសហប្រជាជាតិផ្នែកបរិស្ថាននៅព្រឹកថ្ងៃទី២៥ ខែមិថុនា ឆ្នាំ២០១៨នេះបានរៀបចំសន្និសីទសារព័ត៌មានស្តីពី«ភាពជាដៃគូរវាងកម្ពុជា និងផ្នែកបរិស្ថានសហប្រជាជាតិ» សន្និសីទនេះបានធ្វើឡើងនៅទីស្តីក្រសួងបរិស្ថាន ។
លោកសាយ សំអាល់រដ្ឋមន្ត្រីក្រសួងបរិស្ថានបានលើកឡើងថា លោកបានរាយការណ៍ជូនភាគីអ.ស.បពីការការពារបរិស្ថានៅក្នុងប្រទេសកម្ពុជាដែលថា កម្ពុជាក្នុងនាមជាសមាជិកនៃអ.ស.បមួយដែរបានត្រៀមខ្លួនសហការជាមួយអ.ស.បជាស្រេច ដើម្បីអនុវត្តកិច្ចព្រមព្រៀងនានារបសអ.ស.ប ។ លោករដ្ឋមន្ត្រីបានលើកឡើងថា លោកបានថ្លែងប្រាប់ភាគីអ.ស.បថា សូមឲ្យភាគីអ.ស.បទុកចិត្តចំពោះការអនុវត្តរបស់កម្ពុជា និងការទទួលខុសត្រូវរបស់កម្ពុជាដែលទទួលអនុវត្តរាល់កិច្ចព្រមព្រៀងទីក្រុងប៉ារីសទាក់ទងនឹងបម្រែបម្រួលអាកាសធាតុ អភិរក្សជីវចម្រុះ គឺកម្ពុជាបានធ្វើរួចហើយ បានល្អណាស់ នេះជាការទទួលខុសត្រូវ និងសូមឲ្យភាគីUNមានជំនឿទុកចិត្តមកលើកម្ពុជាលើកការអនុវត្តរាល់កិច្ចព្រមទាំងឡាយ ។ លោករដ្ឋមន្ត្រីបានលើកឡើងថា ថង់ប្លាស្ទិចមាននៅគ្រប់ន្លែងនៅកម្ពុជាមិនមែននៅតែក្នុងសមុទ្រទេ ។ យុទ្ធសាស្ត្រកម្ពុជាទី១ – ការអប់រំដល់ប្រជាជនថា ប្លាស្ទិច ក្រោយពេលប្រើប្រាស់រួចវាអាចជះឥទ្ធិពលអ្វីខ្លះដល់សោភ័ណ្ឌភាពទីក្រុងយើង ទន្លេ សមុទ្ររបស់យើង ។ នៅពេលកម្រិតប្លាស្ទិចកើនឡើងវាប៉ះពាល់ដល់សត្វនៅក្នុងទន្លេ សមុទ្រយ៉ាងម៉េចខ្លះ ។
លោកថា«យើងចង់អប់រំផ្សព្វផ្សាយដល់ពួកគាត់វិញថា រឿងទាំងនោះវិលត្រឡប់មកយើងវិញយ៉ាងម៉េច?» ។ លោកថា«មានសត្វមួយចំនួនបានស៊ីថង់ប្លាស្ទិច និងជាប់មកជាមួយវា ។ ដូចជាត្រីមច្ឆាជាតិ ហើយសារធាតុទាំងនោះនឹងប៉ះពាល់ដល់ខ្លួនពួកគាត់យ៉ាងណា ? ។ ទី២- អាករពិសេសដែលរដ្ឋអាចមិនឲ្យនាំចូលប្លាស្ទិចចូលមកកម្ពុជា ហើយលុយទាំងនោះអាចយកទៅដោះស្រាយបរិស្ថានដទៃទៀត» ។ ទី៣- ហាមមិនឲ្យនាំចូលថង់ប្លាស្ទិចមកកម្ពុជាតែម្តងនូវខ្នាតនៃប្លាស្ទិចមួយចំនួនដែលអាចប៉ះពាល់ដល់សោភ័ណ្ឌភាពក្រុង និងបរិស្ថាន ។ ក្រសួងបរិស្ថានបានសហការជាមួយគយ និងផ្សារទំនើប ។ ក្រៅពីនេះការដុតកម្ទេចក្នុងឡដែលមានបច្ចេកទេសល្អ។ លោកបានលើកឡើងថា ការដុតកម្ទេចអាចធ្វើឡើងរយៈពេល៥ឆ្នាំទៅមុខនេះ ហើយលោកសង្ឃឹមថា ពេលនេះពលរដ្ឋកម្ពុជាយល់ដឹងច្រើន និងមិនប្រើប្រាស់អ្វីដែលបន្សល់កាកសំណល់ទេ ។ លោកថា តាមទីផ្សារទំនើបបានអនុវត្តបានច្រើនហើយ ។ ក្រសួងបានប្រាប់គាត់ពីការធ្វើទំនើបកម្ម និងថវិកាបានពីរដ្ឋាភិបាល និងផ្ទេររដ្ឋបាលទៅថ្នាក់ក្រោមជាតិ ។
លោកអេរិច សុន តំណាងអ.ស.បបានលើកឡើងថា លោកមានការរីករាយពេលបានមកដល់ប្រទេសកម្ពុជាដែលបានឃើញថា ប្រទេសនេះមានការរីកចម្រើនច្រើន ជាពិសេសកំណើនសេដ្ឋកិច្ចបានកើនឡើងយ៉ាងឆាប់រហ័ស បើប្រៀបធៀបនឹងប្រទេសមួយចំនួនចំនួននៅលើពិភពលោក ។ លោកបានទៅកាន់ខេត្តសៀមរាបដែលជាតំបន់សេដ្ឋកិច្ច និងសង្គមព្រមទាំងទេសចរណ៍ និងមានបរិស្ថានល្អ ហើយកម្ពុជាជាផ្នែកមួយនៃការការពារបរិស្ថានក្នុងតំបន់ល្អសម្រាប់ប្រជាជនកម្ពុជា
ចែករំលែកព័តមាននេះ