ខេត្តក្រចេះ ៖ បើតាមសេចក្តីរាយការណ៍បានឲ្យដឹងថា ជនសង្ស័យម្នាក់ត្រូវបានសមត្ថកិច្ចដេញតាមចាប់បានកណ្តាលផ្លូវ និងដកបានគ្រឿងញៀនជាច្រើន ហេតុការណ៍នេះកើតឡើងកាលពីម៉ោង១១និង១៥នាទីព្រឹក ថ្ងៃទី២០ មិថុនា ២០១៨ នៅចំណុចគីឡូម៉ែត៤៨ ស្ថិតក្នុងភូមិគ្រញូងសែនជយ័ខាងជើង ឃុំគ្រញូងសែនជ័យ ស្រុកស្នួល ។បើតាមសមត្ថកិច្ចបានឱ្យដឹងថា កម្លាំងសមត្ថកិច្ចជំនាញការិយាល័យប្រឆាំងគ្រឿងញៀនខេត្តបានសហការជាមួយនគរបាលប៉ុស្តិ៍រដ្ឋបាលបានចុះបង្ក្រាបករណីជួញដូរ និងចែកចាយនូវសារធាតុញៀនខុសច្បាប់មួយករណី ដោយឃាត់ខ្លួនជនសង្ស័យម្នាក់ឈ្មោះ ពេជ ផាន់ណា ហៅវ៉ា ភេទប្រុស អាយុ៣១ឆ្នាំ រស់នៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ខណៈពេលដេញទាន់ជាន់.កនៅកណ្តាលផ្លូវ ។ ក្នុងនោះបានដកហូតវត្ថុតាងរួមមាន ម្សៅក្រាមពណ៌សដូចបីចេងសង្ស័យជាសារធាតុញៀនចំនួន៥កញ្ចប់ធំ និង៣កញ្ចប់តូច, ជញ្ជីង ថ្លឹងសារធាតុញៀន១, ទូរស័ព្ទដៃ២គ្រឿង, ថង់សម្រាប់វេចខ្ចប់មួយចំនួន, ប្រាក់ចំនួន១៣១.០០០រៀល និងម៉ូតូ១គ្រឿងម៉ាកហុងដាឌ្រីមផង ។ក្រោយពេលកើតហេតុ ជនសង្ស័យត្រូវបានឃាត់ខ្លួន ដើម្បីកសាងសំណុំរឿងតាមនីតិវិធីច្បាប់៕
ចែករំលែកព័តមាននេះ