ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា រថយន្ត៥គ្រឿងបានបុកបះគ្នាពីយប់ លុះព្រឹកឡើងរថយន្ត៤គ្រឿងទៀត ដែលមានរថយន្តដឹកដីមួយគ្រឿងផងដែរ ដែលសរុបទាំងពីរករណីខាងលើ គឺមានរថយន្តទាំងអស់៩គ្រឿង បានទៅបុកបះគ្នាបន្តទៀត នៅចំណុចទីតាំងដដែលនាថ្ងៃទី២១ មិថុនា ២០១៨នេះ នៅលើផ្លូវជាតិលេខ៤ ស្ថិតក្នុងភូមិពូធឿង ឃុំបិត្រាំង ស្រុកព្រៃនប់ ។
សេចក្តីរាយការណ៍បន្តថា គ្រោះថ្នាក់ព្រឹកនេះមិនបង្ករងរបួសមនុស្សណាម្នាក់នោះទេ ខុសពីគ្រោះថ្នាក់យប់មិញ បណ្តាលឲ្យស្ត្រីកម្មការីនីរោងចក្រដែលមានផ្ទៃពោះផងនោះរងរបួសមធ្យម ។ ដោយក្នុងព្រឹកនេះអ្នកបើកបររថយន្តដែលដឹកដីម្នាក់ខាងលើត្រូវបានសមត្ថកិច្ចឃាត់ខ្លួនផងដែរ តែមិនទាន់បានស្គាល់អត្តសញ្ញាណនៅឡើយទេ ។
នេះជាគ្រោះថ្នាក់ផ្ទួនកន្លែងទីតាំងតែមួយ បង្កឲ្យមានការខូចខាតរថយន្តដល់ទៅ៨គ្រឿងក្នុង២ករណី ក្នុងហេតុការណ៍គ្រោះថ្នាក់ចរាចរណ៍លើផ្លូវជាតិលេខ៤ ក្នុងទឹកដីស្រុកព្រៃនប់ ខេត្តព្រះសីហនុ ៕
ចែករំលែកព័តមាននេះ