ពេជ្ឈឃាតឈាមត្រជាក់ Ronaldo អាចជួយព័រទុយហ្គាល់យកឈ្នះម៉ារ៉ុកបានអត់យប់នេះ
ក្រុមម្ចាស់ជើងឯកទ្វីបអឺរ៉ុប ព័រទុយហ្គាល់ មិនបានជួបពេលវេលាដ៏ល្អបំផុតឡើយនៅមុនពេលយុទ្ធនាការ FIFA World Cup 2018 ប៉ុន្តែប្រសិនបើក្រុមមួយនេះមាន Cristiano Ronaldo…
ក្រុមម្ចាស់ជើងឯកទ្វីបអឺរ៉ុប ព័រទុយហ្គាល់ មិនបានជួបពេលវេលាដ៏ល្អបំផុតឡើយនៅមុនពេលយុទ្ធនាការ FIFA World Cup 2018 ប៉ុន្តែប្រសិនបើក្រុមមួយនេះមាន Cristiano Ronaldo…
ក្រុមម្ចាស់ជើងឯកទ្វីបអឺរ៉ុប ព័រទុយហ្គាល់ មិនបានជួបពេលវេលាដ៏ល្អបំផុតឡើយនៅមុនពេលយុទ្ធនាការ FIFA World Cup 2018 ប៉ុន្តែប្រសិនបើក្រុមមួយនេះមាន Cristiano Ronaldo នោះឱកាសចាញ់ការប្រកួតនានាកម្រកើតមានខ្លាំងណាស់ ។ ជាក់ស្ដែងក្នុងជំនួបជាមួយក្រុមជម្រើសជាតិអេស្ប៉ាញកាលពីថ្ងៃសុក្រសប្ដាហ៍មុន Cristiano Ronaldo រកបានគ្រាប់បាល់ Hat-Trick ជួយឱ្យក្រុមព័រទុយហ្គាល់បញ្ចប់ក្នុងលទ្ធផលស្មើ៣ទល់នឹង៣ជាភស្តុតាងស្រាប់។
បច្ចុប្បន្ន Cristiano Ronaldo គឺជាកីឡាករដំបូងគេក្នុងការស៊ុតបាល់បញ្ចូលទីក្នុងព្រឹត្តិការណ៍ធំៗ៨លើកជាប់ៗគ្នា ហើយរូបគេជាកីឡាករទី៤ក្នុងការស៊ុតបាល់បញ្ចូលទីក្នុង World Cup ៤លើកជាប់ៗគ្នា ។ គេក៏ជាកីឡាករវ័យចាស់ជាងគេផងដែរក្នុងការស៊ុតបាល់បញ្ចូលទី៣គ្រាប់ក្នុងមួយប្រកួតនាយុទ្ធនាការWorld Cup ។ រូបគេហាក់បីដូចជាពេជ្ឈឃាតឈាមត្រជាក់ដែលកំពុងពុះកញ្ជ្រោលក្នុងបេសកកម្មតាមប្រមាញ់គ្រាប់បាល់នៅរុស្ស៊ីហេតុនេះ វាជាព័ត៌មានដ៏អាក្រក់មួយសម្រាប់ម៉ារ៉ុក ដែលត្រូវប៉ះជាមួយនឹងខ្សែប្រយុទ្ធអន្តរជាតិសញ្ជាតិព័រទុយហ្គាល់រូបនេះ ។
ក្រុមបាល់ទាត់ជម្រើសជាតិម៉ារ៉ុក ត្រូវបានចាត់ទុកថាជាក្រុមខ្លាំងលាក់ពុតមួយក្នុងពូល B ដោយសារតែសមត្ថភាពនៃការការពាររបស់ពួកគេ ប៉ុន្តែជាអកុសលក្រុមរបស់លោក Herve Renard បានរងបរាជ័យក្នុងលទ្ធផល ១-០ក្រោមថ្វីជើងក្រុមជម្រើសជាតិអុីរ៉ង់ ។ ម៉ារ៉ុក បានចាប់ផ្តើមយ៉ាងល្អ ប៉ុន្តែមិនអាចបង្វែរឱកាសរបស់ពួកគេទៅជាគ្រាប់បាល់ ហើយក្រុមជម្រើសជាតិអុីរ៉ង់ បានរារាំងចលនានៃការប្រកួតនេះយ៉ាងល្អ ដើម្បីដណ្តើមបាន៣ពិន្ទុតាមរយៈការធ្វើឲ្យបាល់ចូលទីខ្លួនឯងពីសំណាក់គូប្រកួតកីឡាករ Aziz Bouhaddouz ។ វាជាការបរាជ័យដ៏ខកចិត្តមួយសម្រាប់ក្រុមនេះ ក្រោយពីរបូតគ្រាប់បាល់នៅជិតបញ្ចប់ការប្រកួត ។
ក្រុមជម្រើសជាតិព័រទុយហ្គាល់ អាចនឹងមានអារម្មណ៍ខកចិត្តបន្តិចនៅក្នុងការប្រកួតបើកឆាក ខណៈដែលពួកគេបាននាំមុខ២លើកនៅមុនពេលត្រូវការគ្រាប់បាល់ពិន័យ Free-kick របស់ Ronaldo ដើម្បីដណ្តើមបានលទ្ធផលស្មើ។ ក្នុងកីឡាបាល់ទាត់ក្រុមមួយគួរតែឈ្នះការប្រកួតភាគច្រើន នៅពេលស៊ុតបាល់បញ្ចូលទី៣គ្រាប់ ប៉ុន្តែវាមិនបានកើតឡើងនៅពេលនោះទេ ខណៈ
ដែលក្រុមព័រទុយហ្គាល់មិនអាចការពារខ្សែប្រយុទ្ធ Diego Costa ដែលមានជំនាញក្នុង
ការរកគ្រាប់បាល់ឱ្យក្រុមអេស្ប៉ាញបានឡើយ។
លោក Fernando Santos បានធ្វើឲ្យក្រុមព័រទុយហ្គាល់ មានតំបន់ការពារយ៉ាងរឹងមាំកាលប្រកួតដណ្ដើមពានEuro ដោយពួកគេបានការពារមិនឲ្យមានគ្រាប់បាល់ចូលទី៥លើកក្នុងចំណោមការប្រកួតទាំង៧លើក ប៉ុន្តែអ្វីៗមានការផ្លាស់ប្តូរទាំងស្រុងនៅពេលថ្មីៗនេះ ខណៈ
ដែលពួកគេបានរបូតគ្រាប់បាល់យ៉ាងហោច២គ្រាប់ចំនួន៣លើកក្នុងចំណោមការប្រកួត៥
លើកចុងក្រោយ ។
ក្រុមជម្រើសជាតិម៉ារ៉ុកពិតជាមិនមានខ្សែប្រយុទ្ធដ៏មុតស្រួចបំផុតឡើយ ប៉ុន្តែ Hakim Ziyech ដែលបានបង្ហាញពីទម្រង់លេងយ៉ាងល្អពេលប្រកួតជាមួយនឹងអុីរ៉ង គឺជាកីឡាករដ៏ឆ្នើមម្នាក់ ហើយពួកគេជារឿយៗមិនបានបញ្ចប់ការប្រកួតដោយការមិនអាចរកបានគ្រាប់បាល់ឡើយ ។ ក្នុងរយៈពេល១២ខែចុងក្រោយនេះ មានការប្រកួតត្រឹមតែ៤លើកគត់ដែលក្រុមរបស់លោក Renard មិនអាចរកបានគ្រាប់បាល់ ។ ពួកគេគួរតែមានឱកាសក្នុងពេលប្រកួតជាមួយនឹងក្រុមព័រទុយហ្គាល់ដែលមានតំបន់ការពារទន់ខ្សោយ។
បច្ចុប្បន្ន ក្រុមបាល់ទាត់ជម្រើសជាតិព័រទុយហ្គាល់ បានលេងក្នុងយុទ្ធនាការ World Cup៤
លើកជាប់ៗគ្នាជាមួយនឹងការបង្កើតបានគ្រាប់បាល់ច្រើនជាង២.៥ហើយមានគ្រាប់បាល់យ៉ាងហោចណាស់៤គ្រាប់ក្នុងការប្រកួត៣លើក ។ ស្របពេលជាមួយគ្នានេះ គ្រាប់បាល់ច្រើនបានកើតឡើង៥លើកក្នុងចំណោមការប្រកួត៦លើកចុងក្រោយរបស់ក្រុមម៉ារ៉ុក ក្នុង World Cup ហេតុនេះ វាហាក់បង្ហាញថា គ្រាប់បាល់ជាច្រើននឹងកើតឡើងនៅរាត្រីថ្ងៃពុធនេះ ។
ក្រោយពីរកបានគ្រាប់បាល់៣គ្រាប់ជាលើកទី៥១របស់គេ Ronaldo អាចនឹងមានការជឿជាក់កាន់តែធំក្នុងការរកបានគ្រាប់បាល់ ។ វាក៏មានគ្រាប់បាល់ច្រើនផងដែរពីការជួបគ្នាកាលពីមុនរវាងក្រុមទាំង២ដែលនៅពេលនោះម៉ារ៉ុកបានយកឈ្នះក្នុងលទ្ធផល៣-១នាព្រឹត្តិការណ៍ World Cup 1986 ។ ការសងសឹកនៅពេលនេះ នឹងក្លាយជាគោលដៅសម្រាប់ព័រទុយហ្គាល់ ដែលមានកំណត់ត្រាចូលរួមព្រឹត្តិការណ៍World Cup ចំនួន៧លើកទាំងលើកនេះហើយធ្វើបានល្អបំផុតនៅឆ្នាំ១៩៦៦ ដោយបានចំណាត់ថ្នាក់លេខ៣ និងនៅឆ្នាំ២០០៦បានចំណាត់ថ្នាក់លេខ៤ ៕
ចែករំលែកព័តមាននេះ