ពិសពស់គឺមានលក្ខណៈ ខុសៗគ្នាទាំងអស់ ដោយខ្លះពិសខ្លាំង និងខ្លះទៀតពិសខ្សោយ។ បើសិនជាអ្នកធ្លាប់ត្រូវបានពស់ចឹក អ្នកត្រូវតែទៅជួបគ្រូពេទ្យ ភ្លាមៗ ។
ពស់ដែលមានពិសចឹកត្រូវបានបង្កើតបានជាចំណុចសម្គាល់តូចៗពីរដែលនៅឆ្ងាយពីគ្នាប្រមាណ២ទៅ១០មីលី្លម៉ែត្រ ។ ពេលខ្លះ ពស់ដែលចឹកនោះមិនមានបញ្ចេញជាតិពិសរបស់វាទេ ដោយគ្រាន់តែបន្សល់ស្នាមចឹករបស់វាប៉ុណ្ណោះ ។ រោគសញ្ញានៃបញ្ជាក់ថាពស់មានពិសចឹកនោះមានដូចជា ហើម ស្ពឹក ឈឺ និងក្រហមនៅនឹងកន្លែង។ ដោយយោងទៅតាមសុខភាពទូទៅរបស់មនុស្សដែរ ដូច្នេះរោគសញ្ញាអាចនឹងប្រែប្រួល ។
បើយើងនិយាយផ្ទុយអំពីជំនឿដែលគេពេញនិយមនោះគឺថា អ្នកមិនប្រើមាត់បឺតពិសពស់ដែលចឹកនោះទេ ព្រោះវាអាចចូលទៅក្នុងឈាមរបស់អ្នកបានទោះបីជាក្នុងមាត់មានដំបៅតិចតួចក៏ដោយ ។
រឿងល្អបំផុតដែលត្រូវធ្វើនោះគឺត្រូវប្រើកាំបិតចៀរកន្លែងដែលពស់ចឹកនោះចេញ ដើម្បីបង្កើនការពង្រាយជាតិពិសកាន់តែល្អ ។ បន្ទាប់មក កន្លែងដែលពស់ចឹកនោះត្រូវតែព្យាបាលដោយការសង្កត់ស្អំទឹកក្តៅ ឧណ្ហៗ ហើយអ្នកជំងឺគួរញ៉ាំទឹកឱ្យបានច្រើន ។ ភេសជ្ជៈដូចជា កាហ្វេ តែ ឬភេសជ្ជៈប៉ូវកម្លាំងគួរតែចៀសវាង ព្រោះវាអាចធ្វើឱ្យសរសៃឈាមរីកធំ និងអំណោយផលដល់ជាតិពុលចូលក្នុងចរន្តឈាមកាន់តែស្រួល ។ ជនរងគ្រោះមិនគួរណាភ័យ ឬព្យាយាមរត់ឡើយ ព្រោះវាអាចធ្វើឱ្យជាតិពុលសាយភាយពេញរាងកាយបាន ។ កន្លែងដែលពស់ចឹកត្រូវតែកុំឱ្យមានចលនា ហើយក៏គួរតែរកខ្សែចងរឹងដែរ ជាពិសេសនៅពេលស្ថិតក្នុងព្រៃតែម្តង ។ ចំពោះការចងរឹតនេះគួរធ្វើឱ្យប្រុងប្រយ័ត្នព្រោះវាអាចនាំឱ្យរបួសខូចខាតលើសដើមទៀត ។ គោលបំណងនៃការធ្វើបែបនេះគឺដើម្បីបន្ថយលំហូរជាតិពិសចូលពេញខ្លួន ។ យ៉ាងណាមិញ ក្រោយពីពស់ចឹករួច អ្នកជំងឺត្រូវតែបញ្ជូនទៅមន្ទីរពេទ្យភ្លាមដើម្បីព្យាបាលបានត្រឹមត្រូវ ៕
ស្រង់ពីគេហទំព័រសុខភាព
ចែករំលែកព័តមាននេះ