រាជធានីភ្នំពេញ ៖ លោក សុខ ឥសាន អ្នកនំាពាក្យគណបក្សប្រជាជនកម្ពុជាបានអះអាងនយោបាយឈ្នះ-ឈ្នះប្រមុខរាជរដ្ឋាភិបាលមិនបានអនុវត្តនៅក្នុងបរិបទប្រទេសកំពុងគោរពលិទ្ធិប្រជាធិបតេយ្យ និងនីតិរដ្ឋនៅឡើយ ។
លោក សុខ ឥសាន បានឲ្យដឹងតាមប្រព័ន្ធតេឡេក្រាមថា នយោបាយឈ្នះឈ្នះត្រូវបានសម្តេចតេជោ ហ៊ុន សែន បង្កេីតឡេីងដេីម្បីធ្វេីឲ្យអង្គការចាត់តាំងនយោបាយ និងយោធាខ្មែរក្រហមរលំរលាយដេីម្បីបញ្ចប់សង្គ្រាមរ៉ាំុរ៉ៃនៅក្នុងប្រទេសកម្ពុជា នាំមកនូវសន្តិភាពទាំងស្រុង ជូនជាតិមាតុភូមិកម្ពុជា និងប្រជាជនកម្ពុជាដេីម្បីនាំមកនូវសិទ្ធិសេរីភាពគ្រប់បែបយ៉ាងមកវិញ និងជីវភាពរស់ នៅប្រកបដោយប្រជាធិបតេយ្យ និងមានការគោរពសិទ្ធិមនុស្សដែលបានបាត់បង់ទៅនោះដូចដែលប្រជាជនកម្ពុជាបានទទួលគ្រប់គ្នាតាំងពីឆ្នាំ១៩៧៩មក ។
លោកបញ្ជាក់ថា «ប៉ុន្តែនយោបាយឈ្នះ ឈ្នះ មិនត្រូវបានយកមកអនុវត្តនៅក្នុងបរិបទនៃប្រទេសកម្ពុជា ដែលកំពុងមានការគោរពតាមគោលការណ៏លទ្ធិប្រជាធិបតេយ្យ និងនីតិរដ្ឋឡេីយអាចអនុវត្តត្រឹមនយោបាយបង្រួបបង្រួមជាតិ និងវប្បធ៌មសន្ទនាដេីម្បីដោះស្រាយបញ្ហាជាប់គាំងនយោបាយ ដេីម្បីនាំមកនូវប្រក្រតីភាពសង្គមទ្បេីងវិញតែប៉ុណ្ណោះ» ។
ជាមួយគ្នានោះដែរអ្នកនំាពាក្យក៏បានលើកឡើងទៀតថា ជាការគួរឲ្យសោកស្តាយណាស់ដែលនយោបាយទាំងនេះ ដែលគណបក្សប្រជាជនកម្ពុជាបានខិតខំបង្កេីតឡេីង ហេីយបានទទួលជោគជ័យជាបន្តបន្ទាប់បែរជាត្រូវរលាយសាបសូន្យទៅវិញ ដោយសារស្នាដៃរបស់លោក សម រង្ស៊ី និងក្រុមមេដឹកនាំអតីតបក្សប្រឆាំងធ្វេីឲ្យពួកនេះជាប់ពិរុទ្ធដោយសារល្មេីសច្បាប់ធ្ងន់ធ្ងរ ហេីយនយោបាយបង្រួបបង្រួមជាតិ និងវប្បធ៌មសន្ទនាត្រូវបំផ្លាញចោលទៀតមិនអាច អនុគ្រោះបាន ។
ឥឡូវដល់រេីខ្លួនមិនរួចបែរជាងាកមករកចរចាដេីម្បីបានរស់មានដង្ហេីមឡេីងវិញ ដែលជាករណីមិនអាចជាដាច់ខាតមានតែត្រូវទទួលស្គាល់ការពិត ហេីយសុខចិត្តទទួលយកទៅតែប៉ុណ្ណោះ អត់មានអានុភាពណាអាចជួយបានឡេីយ ៕
ចែករំលែកព័តមាននេះ