រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតហៅកាត់ថា គជប បាន ប្រតិកម្មតបនឹងការព្រួយបារម្ភ របស់អ្នករាយការណ៍ពិសេសអង្កការសហប្រជាជាតិ ទ ទួលបន្ទុកសិទ្ធិមនុស្សនៅកម្ពុជា ថា ជាការភាន់ច្រឡំ និងគ្មានមូលដ្ឋាន។ ការចេញសេចក្ដីថ្លែងកការណ៍របស់ (គជប) ធ្វើឡើបន្ទាប់ពីលោកស្រី រ៉ូណា ស្មីត (Rhona Smith ) បានចេញសេចក្តីថ្លែងការណ៍ កាលពីថ្ងៃទី១៥ មិថុនា បានវាយតម្លៃទៅលើក្រម សីលធម៌អ្នកសារព័ត៌មាន របស់ (គជប) ថាបានហាមប្រាមអ្នកសារព័ត៌មាន មិនឲ្យចុះផ្សាយព័ត៌ មានដែលអាចនាំឲ្យមានការភាន់ច្រឡំ និងបាត់បង់ទំនុកចិត្តក្នុងការបោះឆ្នោត។
យោងតាមសេចក្តីថ្លែងការណ៍របស់អ្នកនាំពាក្យ (គជប) ចេញផ្សាយកាលពីថ្ងៃទី១៦ មិថុនា ឆ្នាំ២០១៨ បានសម្តែងការសោកស្តាយចំពោះការលើកឡើងរបស់អ្នកស្រី រ៉ូណាស្មីត អ្នករា យការណ៍ពិសេសរបស់អង្គការសហប្រជាជាតិ ដែលបានលើកឡើងបែបនេះ។ (គជប) បានលើកឡើងទាក់ទិននឹងថ្លែងការណ៍លោកស្រី រ៉ូណាស្មីតថា «សូមថ្លែងការពិត ទៅកាន់លោកស្រី និងសាធារណៈមតិជាតិ និងអន្តរជាតិជ្រាបថា៖ នៅឆ្នាំ១៩៩៨ លោក តេណូ អ៊ែល (Theo Noel) ជនជាតិកាណាដា ជំនាញច្បាប់បោះឆ្នោត បានជួយ(គជប) ក្នុងការតាក់ តែឯកសារច្បាប់ ក្នុងនោះគាត់បានសរសេពាក់ព័ន្ធនឹង អ្នកសារព័ត៌មានត្រង់ចំណុច៤ នៃច្បាប់ ក្រមសីលធម៌អ្នកសារព័ត៌មាន« សមាជិកនៃបណ្តាញសារព័ត៌មានត្រូវតែបានជឿជាក់ថានឹង ផ្សព្វផ្សាយ៉ាងត្រឹមត្រូវនូវការពិតដោយគ្មានលម្អៀង និងមិនប្រកាន់បក្ខពួក»។
(គជប) ក៏បានលើកឡើងថា នៅឆ្នាំ២០០២ អ្នកជំនាញការច្បាប់បរទេសម្នាក់ទៀត បានជួយតាក់តែង ច្បាប់ ស្តីពីការបោះឆ្នោត ឃុំសង្កាត់ ហើយដោយផ្អែកលើច្បាប់នេះ(គជប) បានរៀបចំក្រម សីលធម៌សម្រាប់អ្នកសារព័ត៌មាន ដោយបានចែងថា អ្នកសារព័ត៌មាន មិនជ្រៀតជ្រែក ឬរំខានការងាររៀបចំការបោះឆ្នោត។ អ្នកសារព័ត៌មានមិនត្រូវប្រើប្រាស់តួនាទី ព័ត៌មាន (ទោះឯកជន ឬរដ្ឋ) មិនប្រើប្រាស់ ឬគាបសង្កត់លើមន្ត្រីរៀបចំការបោះឆ្នោត ឬអ្នកសង្កេ តការណ៍ ឬបេក្ខជន ឬតំណាងគណបក្សនយោបាយ ឬពលរដ្ឋបានឡើយ។ (គជប) ក៏បានលើកឡើងថាតាំងពីឆ្នាំ១៩៩៨ មក ខ្លឹមសារនៃក្រមសីលធម៌ សម្រាប់អ្នកសារព័ត៌មាន ត្រូវបានយមកអនុវត្ត គ្រប់សម័យកាលនៃការបោះឆ្នោត ហើយនៅឆ្នាំ២០១៦ ខ្លឹមសារទាំងអស់នៃក្រមសីលធម៌នេះត្រូវបានរៀបចំ និងដាក់ជូនភាគីពាក់ព័ន្ធ ជាច្រើនរួមមាន សហភាពអ៊ីរ៉ុប ប្រទេសជប៉ុន និងស្ថាប័ននីតិប្បញត្តិ នីតិប្រតិបត្តិ និងអង្កការ សមាគមរួមមាន៖ COMFREL , NICFEC ជាដើម ដើម្បីពិនិត្យ និងផ្តល់អនុសាសន៍។
ក្រមសីលធម៌នេះ ត្រូវបានយកមកប្រើប្រាស់សម្រាប់ការបោះឆ្នោតថ្មី ឆ្នាំ២០១៦ ការបោះឆ្នោតឃុំ សង្កាត់ ឆ្នាំ២០១៧ និងការបោះឆ្នោតជាតិ នាថ្ងៃទី ២៩ កក្កដាឆ្នាំ២០១៨ខាងមុខនេះ។ ថ្លែងការណ៍របស់ (គជប) បានបញ្ជាក់ថា« ក្រមសីលធម៌ឆ្នាំ២០១៦ នេះមិនបានប្រាសចាកពីខ្លឹមសារដើម ឆ្នាំ១៩៩៨នោះទេ។ ក្រមសីលធម៌អ្នកសារព័ត៌មាន របស់ (គជប) មិនបាន បញ្ញត្តិណាមួយហាមឃាត់ប្រព័ន្ធផ្សព្វផ្សាយមិនឲ្យបំពេញកិច្ចការរបស់ខ្លួនស្របតាម ច្បាប់ជា ធរមាន។ ផ្ទុយទៅវិញក្រមសីលធម៌នេះគឺជាផ្នែកមួយដ៏សំខាន់ នៃការរាយការណ៍ ព័ត៌មាន ដែលមានតម្លាភាព និងមានទំនួលខុសត្រូវក្នុងអំឡុងពេលបោះឆ្នោត ដូចការចង់របស់លោ កស្រី »។ ជាមួយគ្នានោះដែរ ក៏បានលើកឡើងថា លើកឡើងរបស់លោកស្រី រ៉ូណា ស្មីត ជាអ្នក ភាន់ច្រឡំ មិនខុសអ្វីដែលលោកស្រី ធ្លាប់បានធ្វើបុរេវិនិច្ឆ័យរួចមកហើយថា ការបោះឆ្នោតនា ពេលខាងមុខនេះជាការបោះឆ្នោតលេងសើចផងដែរ។
ថ្លែងការណ៍ (គជប) ក៏បានគូសបញ្ជាក់ថា «លោកស្រីក៏នៅចង់ចាំដែលថា លោកស៊ិក ប៊ុនហុក ប្រធាន(គជប) ធ្លាប់បានស្នើសុំឲ្យលោកស្រីនាំពាក្យទៅ ប្រាប់ UN ឲ្យបង្កើតការិយាល័យ UN នៅ(គជប) ផ្ទាល់តែម្តង ក្នុងជំនួបជាមួយគ្នាកាលពីថ្ងៃទី១៣ ខែមីនា ឆ្នាំ២០១៨»។ ថ្លែងរបស់អ្នកនាំពាក្យ(គជប) ក៏បានលើកឡើងថា ក្រមសីលធម៌អ្នកសារព័ត៌មានរបស់ គ.ជ.ប ធ្វើឡើងស្របតាមបទដ្ឋានជាតិ និងអន្តរជាតិ ព្រមទាំងកត្តិកាសញ្ញា អន្តរជាតិ ស្តីពីសិទ្ធិពលរដ្ឋ និងសិទ្ធិនយោបាយ ក្នុងមាត្រា១៩ ដែលចែងថា « ការប្រើប្រាស់សេរីភាពនៃការបញ្ចេញមតិ តម្រូវឲ្យមាន ករណីកិច្ច និងការទទួលខុសត្រូវដោយពិចារណា ទៅលើសិទ្ធិរបស់អ្នកដទៃ និងសន្តិសុខជាតិ និងសណ្តាប់ធ្នាប់សាធារណៈ »។ តាមការស្រាវជ្រាវរបស់ គ.ជ.ប គ្មានប្រទេសណាមួយក្នុងសកលលោក ប្រើសិទ្ធិដោយគ្មាន ព្រំដែននោះទេ លើកលែងតែជនអតីតដែលមានបំណងបំផ្លាញការបោះឆ្នោត៕
ចែករំលែកព័តមាននេះ