សមាជិកាសភាជាន់ខ្ពស់​រុ​ស្ស៊ី​ហាមដល់ស្រី្ត​រុ​ស្ស៊ី​ធ្វើរឿងនេះនៅ World Cup


សមាជិកាសភា​ជាន់ខ្ពស់​ និង​ជា​សមាជិក​ប​ក្សកុំ​ម្មុ​យ​នី​ស្ត​រុ​ស្ស៊ីលោកស្រី Tamara Pletnyova បាន​អំពាវនាវដល់ស្ត្រី​​ក្នុង​ប្រទេស​រុ​ស្ស៊ី​កុំឱ្យរួម​រ័ក​ជាមួយ​ជនបរទេស​ឱ្យ​សោះ​អំឡុង​ពេល​ព្រឹត្តិការណ៍ World Cup ។

លោកស្រី Pletnyova ត្រូវ​បាន​ស្រង់​សម្តី​ដោយ​វិទ្យុ Govorit Moskva ថា​ អាច​នឹង​មាន​ស្រី្ត​ៗ​បង្កាត់ភ្លើង​ស្នេហ៍​ជាមួយ​បុរស​បរទេស​ហើយ​មាន​ផ្ទៃពោះ​ ។ រឿងរ៉ាវ​នេះ​ប្រហែលជា​អាច​កើតឡើងឬ​អត់​វា​អាស្រ័យ​លើ​សាមីខ្លួន​ប៉ុណ្ណោះ តែបើ​កើតឡើង​វិញ​ក្មេង​ៗ និង​ម្តាយ​ទាំងនោះ​រង​ទុក្ខវេទនា​ជាក់​ជា​មិន​ខាន ។

ជាក់ស្តែង ​ធ្លាប់​មាន​ករណី​ស្ត្រី​រុ​ស្ស៊ី​រៀប​ការ​ជាមួយ​ជនបរទេស​ ហើយ​ក្រោយ​ពីផ្តល់​កំណើត​កូន​រួច​ពួក​គេ​មិន​អាច​រស់នៅ​បរទេស​បាន ។ ក្រោយមក​ពួក​គេ​មក​ស្រែកយំ​នៅ​ទីស្នាក់ការ​របស់លោកស្រីទាំង​យក​កូន​ក្នុង​ផ្ទៃ​ចេញ ។

ប្រធាន​គណៈ​កម្មាធិ​ការ​កិច្ចការ​គ្រួសារ ស្រី្ត និង​កុមារ​លោកស្រី Pletnyova និយាយ​ថា​ «យើង​គួរតែ​សាង​ស្នេហ៍​ជាមួយ​បុរស​រុ​ស្ស៊ី​ជាតិ​សាសន៍របស់​យើង​វិញ ។ មិនមែន​ខ្ញុំ​ជាតិនិយម​នោះ​ទេ​ តែ​ពួក​គេ​អាច​រក​បុរស​រុ​ស្ស៊ី​ដែល​ជឿ​ថា​អាច​សាង​គ្រួសារ​ល្អ រស់នៅ​ប្រក​ដោយ​សុខដុមរ​មនា មាន​កូនចៅ​ និង​ចិញ្ចឹម​ពួក​គេ​ឱ្យ​បាន​ល្អ​ប្រសើរ​ជាង​យក​ខ្សែជីវិត​ទៅ​ប្រថុយ​ជាមួយ​ជនបរទេស​» ៕

Facebook Google Twitter Email

World Cup

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ