យោង​តាម​គេហទំព័រ Daily Star បានឱ្យ​ដឹង​ថា អ្នក​សេ្ន​ហា​វិស័យ​កីឡាបាល់ទាត់​អា​មេ​រិ​ក
នឹង​​ទៅ​ចូលរួម​ព្រឹត្តិការណ៍ World Cup នៅ​ទឹកដី​រុ​ស្ស៊ី​ច្រើន​ជាង​អ្នកគាំទ្រ​ក្រុម​ជម្រើសជាតិ​ដទៃ​ទៀត បើ​ទោះជា​អា​មេ​រិ​ក​មិន​មាន​វត្តមាន​ក្នុង​ការ​ព្រឹត្តិការណ៍​នេះ​ក៏​ដោយ ។

របាយការណ៍​របស់ FIFA បាន​បង្ហាញ​ថា​សំបុត្រ​ចំនួន​២,៤​លាន​ច្បាប់ បាន​លក់​អស់​គ្មាន​សល់​សម្រាប់​ការ​ចូលរួម​ទស្សនាការ​ប្រកួត​ទាំង​៦៤​ប្រកួត ដែល​នឹង​ចាប់ផ្តើម​ពី​ថ្ងៃ​ទី​១៤ ខែមិថុនា ដល់​ថ្ងៃ​ទី​១៥ ខែកក្កដា ខាង​មុខ ។

FIFA បាន​បញ្ជាក់​ទៀត​ថា សំបុត្រ​ចំនួន ៨៧១.៧៩៧ ​ច្បាប់​ត្រូវ​បាន​លក់​ទៅ​ឱ្យ​អ្នកគាំទ្រ​រុ​ស្ស៊ី ខណៈ​សំបុត្រ​ចំនួន ​៨៨.៨២៥ ​ច្បាប់​បាន​ធ្លាក់​ទៅ​លើ​អ្នកគាំទ្រ​អា​មេ​រិ​ក ។ នេះ​សបញ្ជាក់​ថា អ្នកគាំទ្រ​អា​មេ​រិ​ក​ទៅ​ចូលរួម World Cup ច្រើន​ជាងគេ បើ​ទោះជា​ក្រុម​ជ្រើស​ជាតិ​ពួក​គេ​ធ្លាក់​តាំងពី​វគ្គ​ជម្រុះ​បឋម​ក្តី ។ ខាងក្រោម​នេះ ជា​បញ្ជីរ​តារាង Top 10 របស់​FIFA នៃ​ចំនួន​សំបុត្រ​ដែល​បាន​លក់​ទៅ​អ្នកគាំទ្រ​ក្នុង​ប្រទេស​ផ្សេង​ៗ ៖
១-​រុ​ស្ស៊ី​៖ ៨៧១.៧៩៧​ច្បាប់
២-​អា​មេ​រិ​ក​៖ ៨៨.៨២៥​ច្បាប់
៣-​កូ​ឡុំ​ប៊ី​៖ ៦៥.២៣៤​ច្បាប់
៤-​ម៉ិ​ក​ស៊ិ​ក​៖ ៦០.៣០២​ច្បាប់
៥-​អា​ហ្ស​ង់​ទី​ន​៖ ៥៤.០៣១​ច្បាប់
៦-​ប៉េ​រូ​៖ ៤៣.៥៨៣​ច្បាប់
៧-​អង់គ្លេស​៖ ៣២.០០០​ច្បាប់
៨-​អា​ល្លឺ​ម៉​ង់​៖ ៦២.៥៤១​ច្បាប់
៩-​ចិន​៖ ៤០.២៥១​ច្បាប់ និង
១០-​អូស្ត្រាលី​៖ ៣៦.៣៥៩​ច្បាប់​៕