រាជធានីភ្នំពេញ ៖ បុរសម្នាក់ និងស្ត្រីជនជាតិម្នាក់ ត្រូវបានកម្លាំងមានសមត្ថកិច្ចខណ្ឌដូនពេញ ធ្វើការចាប់ឃាត់ខ្លួន ខណៈដែលពួគគេទាំងពីរនាក់អង្គុយធ្វើការបង្ហោះ DRONE ថតរូបពីលើអាកាស ដោយខុសច្បាប់នៅក្នុងតំបន់ហាមឃាត់ខាងមុខព្រះបរមរាជវាំងនោះ។ ការចាប់ឃាត់ខ្លួននេះដែរ បានធ្វើឡើងកាលពីវេលាម៉ោង៦ និង១០ល្ងាច ថ្ងៃទី១៣ ខែមិថុនា ឆ្នាំ១០១៨ នៅចំណុចមាត់ទន្លេ ខាងមុខព្រះបរមរាជវាំង ក្នុងសង្កាត់ជ័យជម្នះ ខណ្ឌដូនពេញ។
តាមប្រភពព័ត៌មានពីនគរបាល បានប្រាប់ឱ្យដឹងថា ជនជាតិចិនទាំង២នាក់ដែលបានឃាត់ខ្លួននោះមានទី១-ឈ្មោះ XU CHENGWEI ភេទប្រុស អាយុ៣៥ឆ្នាំ មុខរបរទេសចរណ៍ និងទី២-ឈ្មោះ LIVYAN ភេទស្រី អាយុ៣៣ឆ្នាំ មុខរបរទេសចរណ៍ ពួកគេស្នាក់នៅក្នុងHotel និងappartmen Phnom Penh ជាមួយគ្នា។ មុនពេលកើតហេតុ កម្លាំងមានសមត្ថកិច្ចខណ្ឌដូនពេញ បានប្រទះឃើញ DRONE មួយគ្រឿង ត្រូវបានគេបង្ហោះធ្វើការថតយករូបភាពពីលើអាកាស នៅក្នុងតំបន់ហាមឃាត់នៅម្តុំ ខាងមុខព្រះបរមរាជវាំង។
តាមប្រភពដដែលបានប្រាប់បន្តទៀតថា ពេលដែលកម្លាំងមានសម្ថកិច្ច បានឃើញបែបនោះ ក៏បានធ្វើការស្រាវជ្រាវតាមរកប្រភពពេលនោះ ក៏ស្រាប់់តែបានប្រទះឃើញបុរស និង ស្ត្រីជាជនជាតិចិនទាំង២នាក់ កំពុងអង្គុយបញ្ជានៅលើខឿនថ្មមាត់ទន្លេ ក៏ធ្វើការចាប់ឃាត់ខ្លួន និងដកហូតម៉ាស៊ីន DRONE មួយគ្រឿង រួមទាំងវត្ថុតាងពាក់ព័ន្ធមួយចំនួនួទៀត។ ក្រោយពេលដែលកម្លាំងមានសមត្ថកិច្ចបានធ្វើការឃាត់ខ្លួនបុរស និងស្ត្រី ជាភ្ញៀវទេសចរណ៍ជនជាតិចិន ទាំងពីរនាក់ រួមទាំងម៉ាស៊ីន DRONE មួយគ្រឿង រួមទាំងវត្ថុតាងពាក់ព័ន្ធមួយចំនួនទៀត ក៏បាននាំមកកាន់នគរបាលប៉ុស្តិ៍ជ័យជម្នះ ដើម្បីធ្វើកំណត់ហេតុ និង បញ្ជូនទៅកាន់នាយកដ្ឋានប្រឆាំងបទល្មើសបច្ចេកវិទ្យាចាត់ការទៅតាមនីតិវិធីជាបន្តទៀតផងដែរ៕
ចែករំលែកព័តមាននេះ